சமாப்தி சாட்டர்ஜி
மாண்புமிகு திருமதி ஓய்வுபெற்ற நீதியரசி சமாப்தி சாட்டர்ஜி | |
|---|---|
| கல்கத்தா உயர் நீதிமன்றத்தின் நீதிபதி | |
| பதவியில் 30 அக்டோபர் 2013 – 12 திசம்பர் 2020 | |
| பரிந்துரைப்பு | பி. சதாசிவம் |
| நியமிப்பு | பிரணாப் முகர்ஜி |
| தனிப்பட்ட விவரங்கள் | |
| பிறப்பு | வார்ப்புரு:1958 |
| முன்னாள் மாணவர் | கல்கத்தா பல்கலைக்கழகம் |
சமாப்தி சாட்டர்ஜி (Samapti Chatterjee) இந்தியாவின் மேற்கு வங்காளத்தில் உள்ள கல்கத்தா உயர்நீதிமன்றத்தின் முன்னாள் நீதிபதி ஆவார். 1958 ஆம் ஆண்டு திசம்பர் மாதம் 13 ஆம் தேதியன்று பிறந்தார். மேற்கு வங்காளத்தின் பிதன்னகர் நகர மேயருக்கு எதிராக நிறைவேற்றப்பட்ட நம்பிக்கையில்லா தீர்மானத்தை இரத்து செய்ததைத் தொடர்ந்து பொதுமக்களின் கவனத்தை ஈர்த்தார். இந்த வழக்கு பரவலாக செய்திகளில் இடம்பெற்றது. விசாரணையின் போது அரசு வழக்கறிஞர்கள் தற்காலிகமாக நீதிமன்றத்தைப் புறக்கணித்தனர்.[1]
வாழ்க்கை
[தொகு]கோகலே மெமோரியல் கல்லூரியில் கலைப் பட்டமும், கல்கத்தா பல்கலைக்கழகத்தில் சட்டப் பட்டமும் பெற்றார்.[2]
தொழில்
[தொகு]1985 ஆம் ஆண்டு மேற்கு வங்காள வழக்கறிஞர் சங்கத்தில் பதிவு செய்தார். பின்னர் கல்கத்தா உயர்நீதிமன்றம் மற்றும் பிற நீதிமன்றங்கள், தீர்ப்பாயங்களில் வழக்கறிஞராகப் பணியாற்றினார். 2013 ஆம் ஆண்டு அக்டோபர் மாதம் 30 ஆம் தேதியன்று கல்கத்தா உயர்நீதிமன்றத்தின் கூடுதல் நீதிபதியாக நியமிக்கப்பட்டார்; 14 மார்ச் 2016 அன்று அவரது நியமனம் நிரந்தரமாக்கப்பட்டது.[2]
2014 ஆம் ஆண்டு, போக்குவரத்து நெரிசலின் போது சாட்டர்ஜியின் வாகனம் விபத்துக்கு உள்ளானது. ஓட்டுநருக்கு எதிராக காவல் நிலையத்தில் புகார் அளித்ததுடன், கல்கத்தா உயர்நீதிமன்றத்தில் உள்ள தனது தனிப்பட்ட அறைக்கு அந்த ஓட்டுநரை ஆஜர்படுத்துமாறும் காவல்துறைக்கு இவர் உத்தரவிட்டார். ஓட்டுநருக்கு எதிராக சில நடவடிக்கைகள் எடுக்குமாறும் கல்கத்தா காவல்துறைக்கு உத்தரவிட்டார்; ஆனால் சட்டத்தின்படி காவல்துறை அவரை ஜாமீனில் விடுவித்தது.[3][4]
சூலை 2019 இல், பிதன்னகர் மேயர் சப்யசாச்சி தத்தாவுக்கு எதிராக வெளியிடப்பட்ட நம்பிக்கையில்லா தீர்மான அறிவிப்பின் சட்டபூர்வத்தன்மை தொடர்பான வழக்கை சாட்டர்ஜி விசாரித்தார். விசாரணையின் போது, பாரதீய ஜனதா கட்சி மற்றும் திரிணமூல் காங்கிரசு இடையிலான அரசியல் வன்முறை குறித்து கேள்வி எழுப்பி, திரிணமூல் காங்கிரசை விமர்சித்தார். இதற்கு பதிலளித்த ஒரு வழக்கறிஞர், சாட்டர்ஜியின் நீதிபதி நியமனத்தை கேள்விக்குட்படுத்தியதுடன், நிதி முறைகேடுகள் இருந்திருக்கலாம் என்றும் சுட்டிக்காட்டினார். சாட்டர்ஜி இந்த குற்றச்சாட்டுகளை மறுத்தார். பின்னர், அந்த வழக்கறிஞர் தனிப்பட்ட முறையில் தனது கருத்துகளுக்காக சாட்டர்ஜியிடம் மன்னிப்பு கேட்டார். இந்த உரையாடல் தேசிய செய்தி ஊடகங்களில் பரவலாக செய்தியாக வெளியானது.[1][5][6]
விசாரணையின் போது, மேற்கு வங்காள அரசை பிரதிநிதித்துவப்படுத்திய பல வழக்கறிஞர்கள் நீதிமன்றத்தைச் சிறிது காலம் புறக்கணித்தனர்; எனினும் பின்னர் அந்தப் புறக்கணிப்பு திரும்பப் பெறப்பட்டது.[7][8][9] இறுதியில், நம்பிக்கையில்லா தீர்மானம் சட்டவிரோதமாக நிறைவேற்றப்பட்டதாகக் கருதி, அதை ரத்து செய்ய சட்டர்ஜி தீர்ப்பளித்தார்.[10][11]
மேற்கோள்கள்
[தொகு]- 1 2 "Lawyer, judge trade barbs in Calcutta High Court". DNA India (in ஆங்கிலம்). 2019-07-18. Retrieved 2020-11-08.
- 1 2 "The Hon'ble Justice Samapti Chatterjee". High Court of Calcutta.
- ↑ "Kolkata auto driver summoned to judge's chamber after accident". Business Standard India. Inter-Asian News Service. 2014-06-25. https://www.business-standard.com/article/news-ians/kolkata-auto-driver-summoned-to-judge-s-chamber-after-accident-114062501215_1.html.
- ↑ "Kolkata auto driver summoned to judge's chamber after accident". Firstpost. 2014-06-26. Retrieved 2020-11-08.
- ↑ "Kolkata lady judge stands up to intimidation by TMC leader". The Sunday Guardian Live (in அமெரிக்க ஆங்கிலம்). 2019-07-20. Archived from the original on 2020-11-15. Retrieved 2020-11-08.
- ↑ "Judge, lawyer-MP in spat over 'cut money' in Calcutta HC". The Times of India (in ஆங்கிலம்). 18 July 2019. Retrieved 2020-11-08.
- ↑ "'Govt lawyers won't appear before Justice Samapti'". The Statesman (in அமெரிக்க ஆங்கிலம்). 2019-07-23. Retrieved 2020-11-08.
- ↑ "Lawyers call off boycott of Calcutta HC judge's court". The Times of India (in ஆங்கிலம்). 24 July 2019. Retrieved 2020-11-08.
- ↑ "বয়কটের পরোয়া করি না: বিচারপতি সমাপ্তি চট্টোপাধ্যায়". anandabazar.com (in Bengali). Retrieved 2020-11-08.
- ↑ "Calcutta HC cancels no-confidence notice against Bidhannagar Mayor". ANI News (in ஆங்கிலம்). Archived from the original on 16 November 2020. Retrieved 2020-11-08.
- ↑ "Calcutta HC quashes no-confidence vote in Bongaon". The Times of India (in ஆங்கிலம்). 27 August 2019. Retrieved 2020-11-08.