சமரகரவீரன்

சமரகரவீரன் Samaragrawira Sri Maharaja Samaragrawira Indra Raja Mataram
Rakai Warak Dyah Manara Rakai Warak Dyah Watukura Lingganarottama Satyajayabhumi
சிறீவிஜயம்–மாதரம் அரசர்
ஆட்சிக்காலம்	800—819
முன்னையவர்	தரணிந்திரன்
பின்னையவர்	சமரதுங்கன் (Samaratungga)
பெயர்கள் சிறீ மகாராஜா ராக்காய் வாராக் Lingganarottama Satyajayabhumi

சிறீவிஜய அரசர்கள் தொடக்கம் பலெம்பாங் ஜெயநேசன் 671–702 இந்திரவருமன் 702–728 உருத்திர விக்கிரமன் 728–742 (தகவல் இல்லை) 742–775 பிற்காலம் சைலேந்திர மரபு (மாதரம் இராச்சியம்) பனங்கரன் 746–784 பனராபன் 784–803 ஜாவா பானு 752–775 தருமசேது (விஷ்ணு) 775–? தரணிந்திரன் 775–782 சமரகரவீரன் 800–819 ராக்காய் வாராக் 803–827 தயா குலா 827–829 ராக்காய் காருங் 829–847 பிரமோதவர்தனி 847–856 ராக்காய் பிக்கத்தான் 838–850 லோகபாலா 855–885 தகவாசன் 885–885 பனுவங்க தேவேந்திரன் 885–887 தயா பத்திரன் 887–887 உதயாத்தியன் 960–980 இசியா சி 980–988 சூடாமணி வருமதேவன் 988–1008 விஜயோத்துங்கவருமன் 1008–1017 கடாரம் சங்கராமன் 1017–1030 செரி தேவன் 1028–(?) சோழர் ஆட்சி இராசேந்திர சோழன் 1025–1044 குலோத்துங்கன் 1070–1120 மௌலி மரபு திரிலோகிய ராஜா 1183–(?)

சமரகரவீரன் அல்லது ராக்காய் வாராக் (ஆங்கிலம்: Samaragrawira அல்லது Sri Maharaja Samaragrawira; இந்தோனேசியம்: Srī Mahārāja Rakai Warak அல்லது Rakai Warak Dyah Manara; அல்லது Rakai Warak Dyah Watukura Lingganarottama Satyajayabhumi; ஜாவானியம்: Sri Maharaja Rakai Warak) என்பவர் 9-ஆம் நூற்றாண்டைச் சேர்ந்த சிறீ விஜயப் பேரரசின் ஆட்சியாளர் ஆவார்.

அதே வேளையில் மத்திய ஜாவாவில் இருந்த மாதரம் இராச்சியத்தின் அரசராகவும் பொறுப்பு வகித்தார். சமரகரவீரன், சைலேந்திர அரச மரபைச் சேர்ந்தவர் ஆவார்.

பொது

மாதரம் இராச்சியத்தின் ஆளுமையின் கீழ் சிறீ விஜயப் பேரரசு அமையப் பெற்றதும், மாதரம் இராச்சியத்தை ஆட்சி செய்த அதே அரசர்கள் சிறீ விஜயப் பேரரசையும் ஒருசேர ஆட்சி செய்தனர். மந்தியாசி கல்வெட்டில் (907); (Mantyasih inscription) அதாவது மாதர இராச்சியத்தின் மன்னர்கள் பட்டியலைக் கொண்ட கல்வெட்டில் சமரகரவீரனின் பெயர் காணப்படுகிறது.

தரணிந்திரனின் வாரிசான சமரகரவீரன், 800—819-ஆம் ஆண்டுகளின் காலக்கட்டத்தில், சிறீ விஜயப் பேரரசை ஆட்சி செய்தார்.

வரலாறு

இந்தோனேசிய வரலாற்றாசிரியர் சிலாமெட் முல்ஜானா (Slamet Muljana) முன்வைத்த ஒரு கோட்பாடு; சமரகரவீரனின் அசல் பெயர் சமரக்ரவீரர் என்றும்; அவர் சிறீ விஜய மன்னர் பாலபுத்திர தேவாவின் (Balaputradewa) தந்தை என்றும் கூறுகிறது.

எனினும், நாளந்தா கல்வெட்டின்படி, பாலபுத்திரதேவா என்பவர், சோம வம்சத்தைச் சேர்ந்த தருமசேதுவின் மகள் தேவி தாராவுக்குப் (Tara Dharmasetu) பிறந்த சமரக்ரவீரரின் மகனாவார். பெரும்பாலான வரலாற்றாசிரியர்கள் தருமசேது சிறீ விஜய இராச்சியத்தின் மன்னர் என்று நம்புகிறார்கள்.

உண்மையில், பாலபுத்திரதேவா தன் தாத்தாவிடம் இருந்து சுமாத்திரா தீவின் அரியணையைப் பெற்றார். இதுவே வரலாற்றாசிரியர் சிலாமெட் முல்ஜானாவின் கருத்தும் ஆகும். பாலபுத்திரதேவா தருமசேதுவிடம் இருந்து சிறீ விஜய அரியணையைப் பெறவில்லை; சைலேந்திர வம்சத்தைச் சேர்ந்தவராக இருந்ததால், பாலபுத்திரதேவா சிறீ விஜயத்தின் அரசராக முடிந்தது என்றும்; சிலாமெட் முல்ஜானா தம் கருத்தை முன்வைக்கிறார்.

சான்றுகள்

• Marwati Poesponegoro & Nugroho Notosusanto. 1990. Sejarah Nasional Indonesia Jilid II. Jakarta: Balai Pustaka
• Slamet Muljana. 2006. Sriwijaya (terbitan ulang 1960). Yogyakarta: LKIS
• Ayatrohaedi. 2005. SUNDAKALA Cuplikan Sejarah Sunda Berdasarkan Naskah-naskah "Panitia Wangsakerta" Cirebon. Bandung: Pustaka Jaya

மேலும் காண்க

• பனங்கரன்
• உருத்திர விக்கிரமன்
• இந்திரவருமன்
• தரணிந்திரன்
• தருமசேது
• சைலேந்திர வம்சம்