கட்டற்ற கலைக்களஞ்சியமான விக்கிப்பீடியாவில் இருந்து.
சதுரங்கத்தில், சமநிலை என்பது விளையாட்டின் முடிவை அறிய முடியாத ஒரு நிலையாகும். அதாவது வெற்றி தோல்வி அற்ற நிலை. வழமையாக ஒரு சதுரங்கப்போட்டியில் சமநிலை பெற்று இருவரும் அரைவாசிப் புள்ளிகளைப் பெறுவது பெறுமதியானது. ஏனென்றால் ஒரு போட்டியில் வெற்றி பெறுபவருக்கு ஒரு புள்ளி வழங்கப்பட்ட போதும் தோற்பவருக்கு எந்தப்புள்ளிகளும் வழங்கப்படுவதில்லை.
அதிகமான போட்டிகளிலும் சந்தர்பங்களிலும் சமநிலை என்பது இரு தரப்பினராலும் வெற்றி பெற முடியாத நிலை ஏற்படும்போதே ஏற்படுகிறது. சதுரங்கத்தில் சதுரங்க விதிமுறைகள் ஊடாக சமநிலைகள் வரையறுக்கப்பட்டுள்ளன. சாத்தியமான நகர்வற்ற நிலை (விளையாடுபவருக்கு நகர்த்த வாய்ப்புக் கிடைத்தபோதும் எந்தக் காய்களையும் நகர்த்த முடியாமல் இருத்தலும் இராசாவுக்கு முற்றுகை இல்லாமல் இருத்தல்), தொடர் மூன்று நகர்த்தல்கள் (ஒரே நகர்த்தல்கள் இரு வீரர்களாலும் மூன்று முறை தொடர்ந்து செய்யப்படல்), மற்றும் ஐம்பது நகர்த்தல்கள் விதி (இரு வீரர்களாலும் எந்தக் [காலாள் (சதுரங்கம்)|காலட்களும்]] நகர்த்தப்படாமல் மற்றும் எந்தக் காய்களும் வெட்டுப்படாமலும் ஐம்பது நகர்த்தல்கள் நகர்த்தப்படல்). இரு வீரர்களிடமும் இறுதி முற்றுகைக்கு இட்டுச்செல்லக்கூடிய காய்கள் இல்லாவிடினும் அல்லது அதற்குச் சாத்தியமான நகர்த்தல்கள் இல்லாவிடினும் கூட சமநிலையில் ஆட்டம் முடிவடையும்.
