சந்திரமுகி பாசு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சந்திரமுகி பாசு
பிறப்பு 1860
இறப்பு 1944
பணி கல்வியாளர்
வாழ்க்கைத் துணை பண்டிட் கேசவரானந்த் மம்கயென்

சந்திரமுகி பாசு (பி. 18601944) ஒரு வங்காள மொழி பேசும் கிறித்தவப் பெண். இவர் அக்காலத்திய பிரிட்டிஷ் இந்தியாவில் ஆக்ரா மற்றும் அவுத் ஐக்கிய மாகாணங்களில் அமைந்த டேராடூனைச் சேர்ந்தவர். இவரும் கடம்பினி கங்கூலியும் பிரித்தானியப் பேரரசிலேயே முதல் பெண்பட்டதாரிகள்.

வாழ்க்கைக் குறிப்பு[தொகு]

சந்திரமுகி பாசுவின் தந்தை பூபன் மோகன் போஸ். இவர் 1880ல் டேராடூன் நேட்டிவ் கிறிஸ்டியன் ஸ்கூலில் எஃப் ஏ (FA ) தேர்வு எழுதி வெற்றி பெற்றார்.[1] அச்சமயம் இந்துக்கள் அல்லாத பெண்களுக்கு கல்கத்தாப் பல்கலைக்கழகத்தின்கீழ் இயங்கிய பெத்தூன் கல்லூரியில் இடமளிக்கப்படவில்லை. பின்னர் அக்கொள்கை தளர்த்தப்பட்டு சந்திரமுகி இளங்கலைப் பட்டபடிப்புக்கு பெத்தூன் கல்லூரியில் சேர்ந்தார். இவரும் கடம்பினி கங்கூலியும் 1883ல் பட்டப்படிப்பை முடித்து பிரிட்டிஷ் இந்தியாவியே (பிரித்தானியப் பேரரசிலேயே) முதல் இரு பெண் பட்டதாரிகள் ஆனார்கள்.[1] 1884ல் கல்கத்தாப் பல்கலைக்கழகத்தின் ஃபிரீ சர்ச் இன்ஸ்டிட்யூஷனில் (தற்சமயம் - ஸ்காட்டிஷ் சர்ச் காலேஜ்) எம். ஏ பட்டம் பெற்றார்.[2] அப்பல்கலைக்கழகத்தில் எம். ஏ பட்டம் பெற்ற முதல் பெண் இவர்தான்.[1]


சந்திரமுகி பாசு 1886ல் பெத்தூன் கல்லூரியில் விரிவுரையாளராகத் தன் வாழ்க்கையை ஆரம்பித்தார். அப்போது பெத்தூன் கல்லூரி பெத்தூன் பள்ளியோடு இணைந்திருந்தது. 1888ல் பெத்தூன் கல்லூரி பள்ளியிலிருந்து தனியாகப் பிரிந்து செயற்பட்டபோது இவர் அக்கல்லூரியின் முதல்வராகப் பணியேற்றார்.[1] தெற்கு ஆசியாவிலேயே ஒருஇளங்கலைப் பட்டப்படிப்புக் கல்லூரிக்கு தலைவரான முதல் பெண் என்ற பெருமைக்குரியவர் இவர் .

இவர் 1891ல் உடல்நலம் சரியில்லாததால் பணியிலிருந்து ஓய்வு பெற்று தனது மீதிநாட்களை டேராடூனில் கழித்தார்.[1] இவரது சகோதரிகள் பிதுமுகி போஸ் மற்றும் பிந்துபாசினி போஸ் இருவருமே கல்கத்தா மருத்துவக் கல்லூரியில மருத்துவப் பட்டம் பெற்றவர்கள் (முறையே 1890 மற்றும் 1891 வருடங்களில்). [3]

மேற்கோள்கள்[தொகு]

  1. 1.0 1.1 1.2 1.3 1.4 Sengupta, Subodh Chandra and Bose, Anjali (editors), 1976/1998, Sansad Bangali Charitabhidhan (Biographical dictionary) Vol I, வார்ப்புரு:Bn icon, p152, ISBN 8185626650
  2. "History of Scottish Church College". www.scottishchurch.ac.in. பார்த்த நாள் 2009-03-10.
  3. Bose, Anjali (editor), Sansad Bangali Charitabhidhan (Biographical dictionary) Vol II, 1996/2004,வார்ப்புரு:Bn icon, p215, 219, ISBN 81-86806-99-7

வெளி இணைப்புகள்[தொகு]

"http://ta.wikipedia.org/w/index.php?title=சந்திரமுகி_பாசு&oldid=1639651" இருந்து மீள்விக்கப்பட்டது