சந்தர்கோட்

சந்தர்கோட்
கிராமம்
சந்தர்கோட் சந்தர்கோட்
ஆள்கூறுகள்: 33.1889°N 75.3024°E / 33.1889; 75.3024
நாடு	இந்தியா
மாவட்டம்	இராம்பன் மாவட்டம்
மொழிகள் காஷ்மீரி மொழி, சினா மொழி, உருது, இந்தி, தோக்ரி மொழி மற்றும் ஆங்கிலம்
அஞ்சல் சுட்டு எண்	182148
இணையதளம்	ramban.gov.in

சந்தர்கோட் (Chanderkot), இந்தியாவின் ஜம்மு காஷ்மீர் ஒன்றியப் பகுதியில் உள்ள இராம்பன் மாவட்டத்தில் உள்ள கிராம ஊராட்சி ஆகும். சந்தர்கோட் கிராமம் இராம்பன் மாவட்டத் தலைமையிடமான இராம்நகரத்திற்கு தென்கிழக்கே 42.6 கிலோமீட்டர் தொலைவிலும், ஜம்முவிற்கு வடகிழக்கே 110 கிலோமீட்டர் தொலைவிலும்; சிறிநகருக்கு தென்கிழக்கே 137 கிலோமீட்டர் தொலைவிலும் உள்ளது.

புவியியல்

பிர் பாஞ்சல் மலைத்தொடரில், கடல் மட்டத்திலிருந்து 1,156 மீட்டர் உயரத்தில் சந்தர்கோட் கிராமம் உள்ளது. இது செனாப் ஆற்றின் இடது கரையில் அமைந்துள்ளது.

மக்கள் தொகை பரம்பல்

2011ஆம் ஆண்டின் இந்திய மக்கள் தொகை கணக்கெடுப்பின்படி 255 குடியிருப்புகள் கொண்ட சந்தர்கோட் கிராம ஊராட்சியின் மக்கள் தொகை 1501 ஆகும். அதில் 872 ஆண்கள் மற்றும் 629 பெண்கள் உள்ளனர். மக்கள் தொகையில் 6 வயதிற்குட்பட்ட குழந்தைகள் 14.46% வீதம் உள்ளனர். பாலின விகிதம் 1000 ஆண்களுக்கு 721 பெண்கள் வீதம் உள்ளனர். சராசரி எழுத்தறிவு 69.08% ஆக உள்ளது. பட்டியல் சமூகத்தவர்கள் மற்றும் பட்டியல் பழங்குடிகள் முறையே 65 மற்றும் 307 ஆக உள்ளனர்.

கல்வி

• அரசு உயர்நிலைப் பள்ளி, சந்தர்கோட்
• அரசு மேனிலைப் பள்ளி
• அரசு கஸ்துரிபாய் காந்தி மகளிர் வித்தியாலயம்

இதனையும் காண்க

• பனிஹால்-காசிகுண்ட் சுரங்கச்சாலை

சாலைப் போக்குவரத்து

சந்தர்கோட் வழியாகச் செல்லும் தேசிய நெடுஞ்சாலை எண் 44 இராம்பன், சிறிநகர் மற்றும் ஜம்மு நகரங்களை இணைக்கிறது.