சத்தீஸ் முனியாண்டி

சத்தீஸ் முனியாண்டி
Satees Muniandy
மாண்புமிகு துவான் சத்தீஸ் முனியாண்டி ; Satees Muniandy
பினாங்கு மாநில சட்டமன்ற உறுப்பினர்; பாகன் டாலாம் சட்டமன்றத் தொகுதி
	பதவியில்; 9 மே 2018 – 12 ஆகத்து 2023
முன்னையவர்	தனசேகரன் அத்தரபதி; (பாரா–ஜசெக)
பின்னவர்	குமரன் கிருஷ்ணன் ; (பாக்காத்தான்–ஜசெக)
பெரும்பான்மை	6,783 (2018)
தனிப்பட்ட விவரங்கள்
பிறப்பு	28 மார்ச்சு 1985 (அகவை 41); தைப்பிங், பேராக்
குடியுரிமை	மலேசியர்
தேசியம்	மலேசியா
அரசியல் கட்சி	ஜனநாயக செயல் கட்சி (DAP) (–2023); சுயேச்சை (IND) (2023 தொடக்கம்)
பிற அரசியல்; தொடர்புகள்	பாக்காத்தான் அரப்பான் (–2023); உரிமை (–2023 தொடக்கம்)
முன்னாள் மாணவர்	இலண்டன் பொருளாதாரம் அரசியல் அறிவியல் கழகம் (2022)
பணி	அரசியல்வாதி

சத்தீஸ் முனியாண்டி (ஆங்கிலம்; மலாய்: Satees Muniandy‎) (பிறப்பு: 28 மார்ச் 1985) என்பவர் ஒரு மலேசிய அரசியல்வாதி; மே 2018 முதல் ஆகத்து 2023 வரை பினாங்கு, பாகன் டாலாம் சட்டமன்றத் தொகுதிக்கான சட்டமன்ற உறுப்பினராக (MLA) பணியாற்றியுள்ளார். 2023 பினாங்கு மாநிலத் தேர்தல் வேட்பாளர் பட்டியலில் இவரின் அரசியல் வழிகாட்டியான இராமசாமி பழனிச்சாமியின் பெயருடன் இவரின் பெயரும் நீக்கப்பட்டது.^[2]^[3]

பாக்காத்தான் அரப்பான் (PH) கூட்டணியின் ஓர் உறுப்புக் கட்சியான ஜனநாயக செயல் கட்சியில் (DAP) உறுப்பினராக முன்பு சேவை செய்தார். பின்னர் 2023-ஆம் ஆண்டில், அந்தக் கட்சியில் இருந்து விலகி உரிமை கட்சியில் இணைந்தார்.^[4] ஜனநாயக செயல் கட்சியில் மலேசிய இந்தியச் சமூகத்தின் செல்வாக்கைக் குறைத்து, மலேசிய சீனர்களை மையமாகக் கொண்டிருப்பதைக் காட்ட 2023 பினாங்கு மாநிலத் தேர்தல் வேட்பாளர் பட்டியலில் சத்தீஸ் முனியாண்டியின் பெயர் நீக்கப்பட்டதற்கு ஒரு காரணமாக அமையலாம் எனவும் அறியப்படுகிறது.^[5]

அரசியல் வாழ்க்கை

சத்தீஸ் முனியாண்டி தமது அரசியல் வாழ்க்கையை ஜனநாயக செயல் கட்சியின் வழியாக (DAP) தொடங்கினார்; மற்றும் 2018 மலேசியப் பொதுத் தேர்தலில் பாகன் டாலாம் சட்டமன்றத் தொகுதியில் 6,783 வாக்குகள் பெரும்பான்மையில் வெற்றி பெற்றார்.

சூலை 2023-இல், பினாங்கு மாநிலத் தேர்தலுக்கு முன்னதாக, ஜசெக கட்சியிலிருந்து விலகுவதாக அறிவித்தார். பின்னர் பினாங்கு மாநிலத் தேர்தலில் பாகன் டாலாம் தொகுதியில், தம் இடத்தைத் தக்க வைக்க ஒரு சுயேச்சை வேட்பாளராக சத்தீஸ் போட்டியிட்டார்.

பினாங்கு மாநில சட்டமன்றம்^[6]^[7]^[8]
ஆண்டு	தொகுதி		பெற்ற வாக்குகள்	%		வாக்குகள்	%	பதிவான வாக்குகள்	பெரும் பான்மை	%
2018	N09 பாகன் டாலாம்	சத்தீஸ் முனியாண்டி (ஜசெக)	10,701	72.50%	தினகரன் ஜெயபாலன் (மஇகா)	3,918	26.60%	14,948	6,783	81.70%
					தியோ உவாட் லாய் (மஐக)	51	0.30%
					தியோ அக் பிங் (மமக)	45	0.30%
					ஜாஸ்பர் ஓய் சோங் ஆன் (பினாங்கு முன்னணி)	36	0.30%
2023		சத்தீஸ் முனியாண்டி (சுயேச்சை)	1,111	7.56%	குமரன் கிருஷ்ணன் (ஜசெக)	10,506	71.49%	14,868	7,542	70.06%
					ஜெயராமன் குஞ்சு கண்ணு (பாஸ்)	2,964	20.17%
					எஸ். ராஜசகானன் (பினாங்கு முன்னணி)	115	0.78%