சஜீவன் சாஜனா
| தனிப்பட்ட தகவல்கள் | |||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| முழுப்பெயர் | சஜீவன் சஜனா | ||||||||||||||||||||||||||||||||||||||||||||||||||||
| பிறப்பு | 4 சனவரி 1995 மானந்தவாடி, வயநாடு மாவட்டம், கேரளம், இந்தியா | ||||||||||||||||||||||||||||||||||||||||||||||||||||
| மட்டையாட்ட நடை | வலதுகை மட்டையாளர் | ||||||||||||||||||||||||||||||||||||||||||||||||||||
| பந்துவீச்சு நடை | வலதுகை எதிர்ச்சுழல் பந்துவீச்சாளர் | ||||||||||||||||||||||||||||||||||||||||||||||||||||
| பங்கு | பன்முக வீரர் | ||||||||||||||||||||||||||||||||||||||||||||||||||||
| பன்னாட்டுத் தரவுகள் | |||||||||||||||||||||||||||||||||||||||||||||||||||||
| நாட்டு அணி |
| ||||||||||||||||||||||||||||||||||||||||||||||||||||
| இ20ப அறிமுகம் (தொப்பி 81) | 28 ஏப்ரல் 2024 எ. வங்காளதேசம் | ||||||||||||||||||||||||||||||||||||||||||||||||||||
| கடைசி இ20ப | 9 மே 2024 எ. வங்காளதேசம் | ||||||||||||||||||||||||||||||||||||||||||||||||||||
| இ20ப சட்டை எண் | 44 | ||||||||||||||||||||||||||||||||||||||||||||||||||||
| உள்ளூர் அணித் தரவுகள் | |||||||||||||||||||||||||||||||||||||||||||||||||||||
| ஆண்டுகள் | அணி | ||||||||||||||||||||||||||||||||||||||||||||||||||||
| 2011/12–தற்போது | கேரளம் | ||||||||||||||||||||||||||||||||||||||||||||||||||||
| 2024–தற்போது | மகளிர் மும்பை இந்தியன்ஸ்]] | ||||||||||||||||||||||||||||||||||||||||||||||||||||
| வாழ்நாள் புள்ளிவிவரங்கள் | |||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||
சஜீவன் சஜனா (Sajeevan Sajana பிறப்பு: 4 சனவரி 1995) இந்தியப் பெண்கள் துடுப்பாட்ட அணிக்காக பன்முக வீரராக விளையாடுகிறார். வலதுகை மட்டையாளரான இவர் வலதுகை எதிர்ச்சுழல் பந்துவீச்சாளரும் ஆவார்.[1]
ஆரம்ப வாழ்க்கை
[தொகு]சஜனா, கேரளத்தின் மானந்தவாடி, வயநாடு மாவட்டம் பகுதியில் பிறந்தார். இவரது தந்தை சஜீவன், கேரளத்தில் ஆட்டோ ரிக்சா ஓட்டுநராகப் பணியாற்றினார்.[2] இவரது தாய் சாரதா, மானந்தவாடி நகராட்சியில் பணிபுரிந்தார்.[3]
இளம் வயதிலேயே விளையாட்டுகளில் ஆர்வம் கொண்டிருந்த சஜனா, முதலில் கேரளத்தின் 23 வயதுக்குட்பட்ட மகளிர் அணிக்காக விளையாடினார். 2019ஆம் ஆண்டில் நடைபெற்ற மகளிர் இருபது20 சூப்பர் லீக் போட்டியில் தனது அணிக்குத் தலைமை தாங்கினார்.[2]
இவர் அரசியல் அறிவியலில் பட்டம் பெற்றுள்ளார். மேலும், ஒரு தமிழ்த் திரைப்படத்தில் துணை நடிகையாகவும் தோன்றியுள்ளார். இளமைக் காலத்தில் வயநாடு மாவட்ட மகளிர் கால்பந்து அணியின் தலைவராக இருந்த இவர், கல்லூரிக் காலத்தில் தடகளப் போட்டிகளிலும் சிறந்து விளங்கினார்.[3]
உள்ளூர்ப் போட்டிகள்
[தொகு]சஜனா, 9 நவம்பர் 2012 அன்று 2012–13 மூத்தோர் மகளிர் ஒருநாள் தொடரில் ஆந்திரா அணிக்கு எதிராக கேரள அணிக்காக தனது பட்டியல் அ துடுப்பாட்டப் போட்டிகளில் அறிமுகமானார்.[4]
18 டிசம்பர் 2011 அன்று 2011–12 மூத்தோர் மகளிர் இருபது20 லீக் தொடரில் ஆந்திரா அணிக்கு எதிராக கேரள அணிக்காக தனது பெண்கள் இருபது20 அறிமுகப் போட்டியில் விளையாடினார்.[5]
1 மார்ச் 2017 அன்று 2016–17 மூத்தோர் மகளிர் மண்டலங்களுக்கு இடையேயான மூன்று நாள் போட்டித் தொடரில் மேற்கு மண்டல அணிக்கு எதிராக தெற்கு மண்டல அணிக்காக தனது முதல் தரத் துடுப்பாட்டத்தின் அறிமுகத்தை மேற்கொண்டார்.[6]
2023 டிசம்பரில் நடைபெற்ற மகளிர் பிரீமியர் லீக் ஏலத்தில், ₹15 இலட்சத்திற்கு மும்பை இந்தியன்ஸ் அணியால் இவர் தேர்வு செய்யப்பட்டார்.[7] 2024 பருவத்தில் அதே அணிக்காக விளையாடினார்.[8]
23 பிப்ரவரி 2024 அன்று டெல்லி கேப்பிட்டல்ஸ் அணிக்கு எதிரான போட்டியில் கடைசி பந்தில் ஆறு ஓட்டங்கள் அடித்து, மும்பை இந்தியன்சு அணியின் வெற்றிக்கு உதவினார்.[9][10]
மேற்கோள்கள்
[தொகு]- ↑ "Profile: Sajeevan Sajana". ESPNcricinfo. Retrieved 10 June 2024.
- 1 2 "Who is Sajeevan Sajana | Bio | Stats | Mumbai Indians Player". Female Cricket. Retrieved 10 June 2024.
- 1 2 "S Sajana's instant hit a reward for decade of hard toil". ESPNcricinfo. Retrieved 10 June 2024.
- ↑ "Andhra Women v Kerala Women, Inter State Women's One Day Competition 2012/13". CricketArchive. Retrieved 10 June 2024.
- ↑ "Andhra Women v Kerala Women, Inter State Women's Twenty20 Competition 2011/12". CricketArchive. Retrieved 10 June 2024.
- ↑ "South Zone Women v West Zone Women, Inter Zone Women's Three Day Competition 2016/17". CricketArchive. Retrieved 10 June 2024.
- ↑ "WPL 2024: Meet Sajana Sajeevan; From paddy field cricket to overnight star". Business Standard. Retrieved 10 June 2024.
- ↑ "WPL auction: Mumbai Indians buy Kerala all-rounder Sajana". Onmanorama. Retrieved 10 June 2024.
- ↑ "Debutant Sajana takes Mumbai home with nerveless last-ball six". ESPNcricinfo. Retrieved 10 June 2024.
- ↑ "The Sajana Sajeevan story: WPL trials, sharing dressing room with idol Harmanpreet and that last-ball six". Sportstar. Retrieved 10 June 2024.