சக்கர்பாக் விலங்கியல் பூங்கா
| சக்கர்பாக் விலங்கியல் பூங்கா | |
|---|---|
 சக்கர்பாக் மிருகக்காட்சிசாலையில் அனுமதிச்சீட்டு சன்னல்கள் | |
 | |
| 21°32′31″N 70°27′54″E / 21.542°N 70.465°E | |
| திறக்கப்பட்ட தேதி | 1863[1] |
| அமைவிடம் | இயூனாகத்து, குசராத்து, இந்தியா |
| நிலப்பரப்பளவு | 84 எக்டேர்கள் (210 ஏக்கர்கள்)[2] |
| விலங்குகளின் எண்ணிக்கை | 1436 (2018)[2] |
| ஆண்டு பார்வையாளர்கள் | 1139104 |
| உறுப்புத்துவங்கள் | மத்திய விலங்கு காட்சியக ஆணையம்[3] |
சக்கர்பாக் விலங்கியல் பூங்கா (Sakkarbaug Zoological Garden) இந்தியாவின் குசராத்து மாநிலம் இயூனாகத்து நகரத்தில் அமைந்துள்ளது. சக்கர்பாக் விலங்கியல் தோட்டம், சக்கர்பாக் உயிரினப் பூங்கா, இயூனாகத்து விலங்கியல் பூங்கா, இயூனாகத்து உயிரினப் பூங்கா என்ற பெயர்களாலும் இது அழைக்கப்படுகிறது. 84 எக்டேர் (210 ஏக்கர்) பரப்பளவு கொண்ட இந்த மிருகக்காட்சிசாலை, 1863 ஆம் ஆண்டு இந்தியாவின் குசராத்து மாநிலம் இயூனாகத்து நகரத்தில் திறக்கப்பட்டது. இந்த விலங்கியல் பூங்கா, தூய ஆசியச் சிங்கங்களையும், பன்னாட்டு அழிந்து வரும் உயிரினங்களுக்கு சிறைபிடிக்கப்பட்ட இனப்பெருக்கத் திட்டத்தையும் வழங்குகிறது. காட்டில் சுதந்திரமாக வாழும் ஆசியச் சிங்கங்கள் ஆசியாவின் பெரும்பகுதியில் அழிந்துவிட்டன, இன்று அவை அருகிலுள்ள கிர் காட்டில் மட்டுமே காணப்படுகின்றன.[2]
வரலாறு
[தொகு]
சக்கர்பாக் உயிரியல் பூங்கா 1863 ஆம் ஆண்டில் இயூனாகத்து மாவட்டத்தின் மொகபத் காஞ்சி பாபி-II என்பவரால் நிறுவப்பட்டது. இது இந்தியாவின் பழமையான உயிரியல் பூங்காவாகவும் இந்தியாவின் நான்காவது பெரிய உயிரியல் பூங்காவாகவும் கருதப்படுகிறது.
2003 ஆம் ஆண்டில், மிருகக்காட்சிசாலை ஒரு கால்நடை மருத்துவமனையில் உள்ள ஒரு பெரிய மண்டபத்தில் ஓர் இயற்கை வரலாற்று அருங்காட்சியகமாகத் திறக்கப்பட்டது. இந்த அருங்காட்சியகத்தில் இரண்டு ஆசிய சிங்கங்களின் எலும்புக்கூடுகளும், சிறுத்தை, மான், காட்டுப்பன்றி, மான், கரும்புலி, நீல காளை மற்றும் புள்ளிமான் ஆகியவையும் காட்சிக்கு வைக்கப்பட்டன. பல்வேறு பறவைகளின் முட்டைகள், அலகுகள் மற்றும் இறகுகளும் காட்சிக்கு வைக்கப்பட்டன. மாதிரிகள் கிடைக்கும்போது அருங்காட்சியகம் விரிவுபடுத்தப்படும் என்றும் அப்போது திட்டமிடப்பட்டது.[4]
2008 ஆம் ஆண்டில், சக்கர்பாக் மிருகக்காட்சிசாலை மேலாண்மை ஆலோசனை சங்கம் ஆரம்பத்தில் 10 உறுப்பினர்களுடன், மிருகக்காட்சிசாலையையும் அதன் நிதிகளையும் மேம்படுத்தவும் நிர்வகிக்கவும் உருவாக்கப்பட்டது.[2][5]
2009 ஆம் ஆண்டில், சக்கர்பாக் விலங்கியல் பூங்கா தனது மூன்று சிங்கங்களை சிங்கப்பூர் மிருகக்காட்சிசாலையுடன் இரண்டு சோடி சிறுத்தைகளுக்கு ஈடாக விற்றபோது, ஆப்பிரிக்க சிறுத்தைகளை வைத்திருக்கும் இந்தியாவில் உள்ள ஒரே விலங்கியல் பூங்காவாக மாறியது. சக்கர்பாக் விலங்கியல் பூங்காவில் இருந்த கடைசி சிறுத்தை 60 ஆண்டுகளுக்கு முன்பு 1946 ஆம் ஆண்டில் இறந்தது.[6]
2011 ஆம் ஆண்டில், மைசூர் விலங்கியல் பூங்காவிலிருந்து இந்திய காட்டெருமைகள், மலபார் ராட்சத அணில்கள், அமெரிக்க வெப்ப மண்டலத்துக்குரிய மயிரடர்ந்த வாலுடைய சிறு குரங்குவகைகள், மற்றும் பச்சை வண்ணக்கோழிகள் ஆகியவை ஒரு சோடி ஆசிய சிங்கங்களுக்கு ஈடாக வழங்கப்பட்டன. இந்த நேரத்தில், சக்கர்பாக் விலங்கியல் பூங்கா தங்கள் மரபணுக் குழுவில் 40 சிங்கங்கள் மற்றும் பெண் சிங்கங்கள் இருப்பதாகக் கூறியது.[7]
இந்த மிருகக்காட்சிசாலையின் சில உறைவிடங்களின் அளவு விமர்சிக்கப்பட்டது. ஆனால் இந்திய மத்திய மிருகக்காட்சிசாலை ஆணையத்தின் தரநிலைகளை பூர்த்தி செய்யும் வகையில் அவற்றை மேம்படுத்தும் பணியில் ஈடுபட்டுள்ளதாகவும், 2013 ஆம் ஆண்டுக்குள் முடிக்கப்படும் என்றும் அறிவித்தது.[2]
விலங்குகள்
[தொகு]2008 ஆம் ஆண்டில், மிருகக்காட்சிசாலையில் 525 பாலூட்டிகள் (அவற்றில் 30 சதவீதம் வனவிலங்கு சட்டத்தின் அட்டவணை-I இன் கீழ் உள்ளன), 597 பறவைகள் (அவற்றில் 10 சதவீதம் அட்டவணை-I இன் கீழ் உள்ளன), மற்றும் 111 ஊர்வன ஆகியவை 100 உறைவிடங்களில் வைக்கப்பட்டிருந்தன.[2]
பாதுகாப்பு
[தொகு]
1998 ஆம் ஆண்டில், இந்திய மத்திய உயிரியல் பூங்கா ஆணையம், ஆசிய சிங்கங்களுக்கான சிறைப்பிடிக்கப்பட்ட இனப்பெருக்கத் திட்டத்தை மேலும் 10 உயிரியல் பூங்காக்களில் விரிவுபடுத்தியது. இந்தத் திட்டத்தை இந்நிறுவனமும் சக்கர்பாக் உயிரியல் பூங்காவும் கூட்டாக நிர்வகிக்கின்றன. இது மிகப்பெரிய இனப்பெருக்க மையமாகும், இங்கு 2008 ஆம் ஆண்டளவில் கிட்டத்தட்ட 150 சிங்கங்கள் இனப்பெருக்கம் செய்யப்பட்டுள்ளன.[2]
சக்கர்பாக் விலங்கியல் பூங்காவானது வெள்ளை முதுகு கழுகுகளுக்கான இனப்பெருக்கத் திட்டத்தின் ஒரு பகுதியாகும். இந்த முயற்சியின் மூலம் முதல் குஞ்சு பிப்ரவரி 2011 ஆம் ஆண்டு பிப்ரவரி மாதத்தில் விலங்கியல் பூங்காவின் கழுகு பாதுகாப்பு மற்றும் இனப்பெருக்க மையத்தில் பிறந்தது.[8]
மேலும் காண்க
[தொகு]
மேற்கோள்கள்
[தொகு]- ↑ "Zoos in India -- from 1800 to now". tripod.com. Tripod. Retrieved 2 July 2011.
- ↑ 2.0 2.1 2.2 2.3 2.4 2.5 2.6 Hiral, Dave (5 ஆகத்து 2008). "Of animal bondage: Sakkarbaug Zoo, a straitjacket for beasts". expressindia.com. Indian Express Newspapers. Archived from the original on 6 ஏப்ரல் 2012. Retrieved 2 சூலை 2011.
- ↑ "Search Establishment". cza.nic.in. CZA. Retrieved 2 July 2011.
- ↑ Bukhari, Sibte Hussain (19 சூலை 2003). "Now showing at Sakarbaug: beastly skulls, beastly bones". expressindia.com. Indian Express Newspapers. Archived from the original on 21 செப்டெம்பர் 2003. Retrieved 3 சூலை 2011.
- ↑ "Zoos in India -- from 1800 to now" (PDF). gswan.gov.in. Government of Gujarat: Forests and Environment Department. Archived from the original (PDF) on 15 மார்ச் 2012. Retrieved 2 சூலை 2011.
- ↑ Bukhari, Sibte Hussain (30 March 2009). "Sakkarbaug zoo plays host to African cheetahs after six decades". expressindia.com. Indian Express Newspapers. Retrieved 2 July 2011.
- ↑ Patel, Dilip (8 March 2011). "Junagadh zoo gets Indian gaur; gives away lions". ahmedabadmirror.com. Ahmedabad Mirror. Retrieved 3 July 2011.
- ↑ Parmar, Vijaysinh (23 February 2011). "Another vulture chick born at Sakkarbaug". The Times of India. Archived from the original on 5 September 2012. Retrieved 3 July 2011.