கோவைக் குற்றாலம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கோவைக் குற்றாலம் சிறுவாணி நதியில் அமைந்துள்ள ஓர் அருவியாகும். கோவையிலிருந்து 37 கிமீ தொலைவில் அடர்ந்த கானகத்தில் அமைந்துள்ளது. இயற்கை எழிலுக்கும் தெளிவான நீரோட்டத்திற்கும் புகழ் பெற்றது. பாதுகாக்கப்பட்ட கானகப்பகுதியில் அமைந்துள்ளதால் மாலை 5 மணிக்குப் பிறகு பயணிகளுக்கு அனுமதி கிடையாது.[1][2] வெயில் காலங்களில் இப்பகுதி நல்ல குளிர்ச்சியான காற்றையும், குளிர்ந்த நீரையும் தருவதால் பொதுமக்கள் சுற்றுலா மேற்கொள்ள ஏற்றதாக விளங்குகிறது. இங்கு மலையில் மிக உயரத்திலிருந்து அதிக அழுத்தத்துடன் நீர் விழுவதால் மக்கள் இங்கு அதிக கவனமுடன் குளிக்க வேண்டியுள்ளது.

இது கோவையின் முக்கியமான சுற்றுலாத் தலங்களில் ஒன்று. இங்கே பலவகையான பறவைகளையும் விலங்குகளையும் ஒருங்கே காண முடியும். இப்பகுதியில் குரங்குகள் நிறைந்து காணப்படுகின்றன. கோவையிலிருந்து சாடிவயல் வரை அரசு பேருந்து செல்கிறது. அங்கிருந்து அரை மணி நேரம் நடந்தால் கோவை குற்றாலத்தை அடையலாம்[3]. இங்கு வரும் சுற்றுலாப் பயணிகளுக்கு, தேவையான பாதுகாப்பு ஏற்பாடுகளை வனத்துறை செய்யவில்லை என்ற குற்றச்சாட்டு உள்ளது[4].

இந்த அருவி காருண்யா பல்கலைக்கழகத்திலிருந்து 6 கி. மீ தொலைவில் உள்ளது. சாடிவயல் சோதனைச்சாவடியில் நுழைவுக் கட்டணம் வசூலிக்கப்படுகிறது. கோவையிலிருந்து சிறுவாணி மற்றும் சாடிவயல் செல்லும் பேருந்துகள் (59C, 59, 14E) இங்கு செல்கின்றன. அருகாமையிலுள்ள பிற சுற்றுலாத்தலங்கள் : பரம்பிக்குளம், ஆழியார், சோலையார், பாலார் மற்றும் ஆனமலை வனச்சரகம்.

மேற்கோள்கள்[தொகு]

  1. Tourist Guide to South India. Sura Books. 2005. பக். 93. பன்னாட்டுத் தரப்புத்தக எண்:9788174781758. http://books.google.com/books?id=ta6AD7MNFioC&pg=PA93. 
  2. Sajnani, Manohar (2003). Encyclopaedia of tourism resources in India, Volume 2. Gyan Publishing House. பக். 322. பன்னாட்டுத் தரப்புத்தக எண்:9788178350189. http://books.google.com/books?id=nxtnsT8CdZ4C&pg=PA322. 
  3. "சம்மர் டூர் : குதூகலம் தரும் கோவை குற்றாலம்". தமிழ் முரசு. 18 மே 2011. http://www.tamilmurasu.org/Inner_Tamil_News.asp?Nid=7059. பார்த்த நாள்: 5 ஆகத்து 2015. 
  4. "அடர்ந்த காட்டில் ஆபத்தான பயணம்! பாதுகாப்பில்லாத கோவை குற்றாலம்". தினமலர். 10 சூன், 2013. http://www.dinamalar.com/news_detail.asp?id=731430. பார்த்த நாள்: 5 ஆகத்து 2015. 
"https://ta.wikipedia.org/w/index.php?title=கோவைக்_குற்றாலம்&oldid=2791683" இருந்து மீள்விக்கப்பட்டது