கோவில்பட்டி வீரலட்சுமி
| கோவில்பட்டி வீரலட்சுமி | |
|---|---|
| இயக்கம் | கே. இராஜேஸ்வர் |
| கதை | கே. இராஜேஸ்வர் |
| இசை | ஆதித்தியன் |
| நடிப்பு | |
| ஒளிப்பதிவு | அசோக் குமார் |
| படத்தொகுப்பு | வி. டி. விஜயன் |
| கலையகம் | ஹேமந்த் சினி ஃபேக்டரி |
| வெளியீடு | 4 சூலை 2003 |
| ஓட்டம் | 192 நிமிடங்கள் |
| நாடு | இந்தியா |
| மொழி | தமிழ் |
கோவில்பட்டி வீரலட்சுமி (Kovilpatti Veeralakshmi) என்பது 2003 ஆம் ஆண்டு வெளியான ஒரு இந்தியத் தமிழ்த் திரைப்படமாகும். கே. இராஜேஸ்வர் இயக்கிய இப்படத்தில்தான் சிம்ரன் முதன்முறையாகத் தன் சொந்தக் குரலில் பின்னணிக் குரல் கொடுத்தார். சில வசனங்களுக்குத் தீபா வெங்கட் பின்னணிக் குரல் கொடுத்திருந்தார். ஜெயா தொலைக்காட்சியில் ஒரு நிகழ்ச்சியைத் தொகுத்து வழங்கச் சென்ற ஆதித்தியன் இசையமைத்த கடைசிப் படம் இதுவாகும்.
கதைக்களம்
[தொகு]ஒரு கிராமத்தில் தீண்டாமைக்கு எதிராகப் போராடும் ஒரு பெண்ணைப் பற்றியதே இத்திரைப்படம். வீரலட்சுமியும் அவருடன் சார்ந்த தலித் மக்களும், கொடூரமான காவல்துறையினரால் சாதி ஒடுக்குமுறையால் தாங்கொன்னா துன்பத்துக்கு ஆளாகின்றனர். அக்கிராமத்தில், காவல் ஆய்வாளரே ஒரு நிலப்பிரபுவைப் போலச் செயல்பட்டு, ஏழை ஆண்களைத் தாக்கியும் பெண்களைப் பாலியல் வன்கொடுமை செய்தும் வருகிறார்; அவரது இக்கொடூரமான நடத்தையை அவருக்கு கீழே பணிபுரியும் அதிகாரிகளும் அப்படியே பின்பற்றுகின்றனர். தான் அனுபவித்த அடிமைத்தனத்தின் கொடுமை உச்சகட்டத்தை எட்டிய நிலையில், வீரலட்சுமி கிளர்ந்தெழுந்து போராடுகிறாள்.
நடிகர்கள்
[தொகு]தயாரிப்பு
[தொகு]இந்தப் படம் முதலில் 1996 ஆம் ஆண்டில் சுவேதா மேனனை முக்கிய கதாபாத்திரத்தில் நடிக்க வைத்து தொடங்க திட்டமிடப்பட்டது, ஆனால் அது தாமதமானது. [1] இந்தப் படம் 2000-ஆம் ஆண்டின் தொடக்கத்தில் சுவேதா மேனனுடன் தொடங்கப்பட்டு, கைவிடப்பட்டது. [2] பின்னர் சிம்ரன் முக்கிய கதாபாத்திரத்தில் நடிக்கத் தேர்ந்தெடுக்கப்பட்டார். சில முக்கியமான காட்சிகள் தேனிக்கு அருகிலுள்ள ஒரு காட்டில் படமாக்கப்பட்டன. [3]
இசை
[தொகு]இப்படத்திற்கான இசையை ஆதித்யன் அமைத்தார். பாடல் வரிகளை கே. இராஜேஸ்வர் எழுதினார். [4] [5]
| பாடல்கள் | ||||||||||
|---|---|---|---|---|---|---|---|---|---|---|
| # | பாடல் | பாடகர்(கள்) | நீளம் | |||||||
| 1. | "தீம் தரிகிட" | சீர்காழி கோ. சிவசிதம்பரம் | ||||||||
| 2. | "ஏலோலோ ஏலேலோ" | ஹரிணி | ||||||||
| 3. | "காக்கா முகத்தழகி" | சுவர்ணலதா, சோலார் சாய் | ||||||||
| 4. | "ஓலக் குடிசையிலே" | மனோ, ஹரிணி | ||||||||
| 5. | "ஒயிலக்கா கொண்டையிலே" | புஷ்பவனம் குப்புசாமி | ||||||||
வரவேற்பு
[தொகு]இப்படம் 2003 ஜூலை 4 அன்று ஐஸ், விசில் , காதல் கொண்டேன் ஆகிய படங்களுடன் வெளியானது. [6] தி இந்துவின் மாலதி ரங்கராஜன், "நாம் பழகிய அதிரடித் திரைப்படங்களிலிருந்து இப்படத்தை வேறுபடுத்தும் ஒரு நேர்மை இழையோடுகிறது" என்று எழுதியிருந்தார். [7] சென்னை ஆன்லைனின் மாலினி மன்னத், "எதிர்பார்க்கப்படும் வன்முறை மற்றும் ரத்தக் காட்சிகள், தத்ரூபமாகவும் யதார்த்தமாகவும் உள்ளன. வீரலட்சுமி மற்றும் அவளது கும்பலின் அவல நிலையை உணர்ந்து, அவர்களின் துன்பகரமான பயணத்தை, கொடிய முடிவு வரை பின்தொடரும்போது கூட, கதை சொல்லலில் எந்தத் தொய்வும் இல்லை. திரைக்கதை நன்றாக செதுக்கப்பட்டுள்ளது, வசனங்கள் யதார்த்தமாக உள்ளன, கதை சொல்லல் கவனம் செலுத்துகிறது" என்று எழுதினார். [8] கல்கியின் விஷுவல் தாசன், சிம்ரன், சோனு சூட் , அலெக்ஸ் ஆகியோரின் நடிப்பைப் பாராட்டினார், ஆனால் இயக்குநர் போதுமான பணி நேர்மையுடன் இல்லை என்றும், சீவாலப்பேரி பாண்டி, மலையூர் மம்பட்டியான் , பாண்டிட் குயின் போன்ற படங்களிலிருந்து உத்வேகம் பெற்று கதாநாயகனின் கதாபாத்திரத்தை உருவாக்கியதாகவும் உணர்ந்தார். [9] சிஃபி எழுதியது, "இயக்குநர் ராஜேஷ்வர் நடனம், சண்டைகள், பெண்களின் உணர்வுகள் போன்ற அனைத்து வணிக கூறுகளையும் கொண்டு படத்தை நீட்டித்து, நீண்ட, உணர்ச்சிப்பூர்வமான உச்சக்கட்டத்திற்கு கொண்டு சென்று, வேகமாக கொண்டு செல்கிறார். இதை ஒரு வெகுஜன பொழுதுபோக்கு படமாக மாற்ற அதிகப்படியான சினிமா தனங்கள் சேர்க்கப்பட்டுள்ளன". [10] இப்படம் வணிக ரீதியாக தோல்வியடைந்தது. [11]
மேற்கோள்கள்
[தொகு]- ↑ Sitaraman, Sandya (22 October 1996). "Tamil Movie News--Pudhu Edition 2". கூகுள் குழுமம். Archived from the original on 17 January 2022. Retrieved 8 February 2024.
- ↑ ""Koilpatti Veeraluxmi"!". தினகரன் (இந்தியா). Archived from the original on 1 November 2004. Retrieved 12 January 2022.
- ↑ Mannath, Malini (10 January 2003). "Kovilpatti Veeralakshmi". Chennai Online. Archived from the original on 10 April 2005. Retrieved 8 February 2024.
- ↑ "Kovilpatti Veeralakshmi". JioSaavn. January 2000. Archived from the original on 6 March 2019. Retrieved 3 March 2019.
- ↑ "Kovilpatti Veeralakshmi". Raaga.com. Archived from the original on 6 March 2019. Retrieved 3 March 2019.
- ↑ "Four new releases in Tamil". சிஃபி. 3 July 2003. Archived from the original on 2 November 2003. Retrieved 30 November 2025.
- ↑ Rangarajan, Malathi (11 July 2003). "Kovilpatti Veeralakshmi". தி இந்து. Archived from the original on 12 September 2003. Retrieved 11 June 2013.
- ↑ Mannath, Malini (6 July 2003). "Kovilpatti Veeralakshmi". Chennai Online. Archived from the original on 8 April 2005. Retrieved 23 September 2023.
- ↑ தாசன், விஷுவல் (13 July 2003). "கோவில்பட்டி வீரலட்சுமி". Kalki. p. 64. Archived from the original on 7 February 2024. Retrieved 7 February 2024 – via இணைய ஆவணகம்.
- ↑ "Kovilpatti Veeralakshmi". சிஃபி. Archived from the original on 31 January 2004. Retrieved 14 December 2025.
- ↑ "Simran's epic sinks". சிஃபி. Archived from the original on 1 November 2003. Retrieved 30 November 2025.