கோவா மணற்சிற்ப விழா
கோவா மணற்சிற்ப விழா என்பது கோவா சுற்றுலாத்துறையுடன் இணைந்து மணல் வழிபாட்டு என்ற மணல் சிற்ப நிறுவனத்தால் நடத்தப்படும் கோவாவின் வருடாந்திர நிகழ்வாகும் . மூன்று நாள் விழாவான இது கோவாவின் பிரமாண்டமான மற்றும் அழகிய கடற்கரைகளில் ஒன்றான கண்டோலிம் கடற்கரையில் கிறிஸ்துமஸுக்கு சற்று முன்னதாக டிசம்பர் மாதத்தில் நடைபெறுகிறது.
இது ஒரு குறிப்பிட்ட தலைப்பை முன்னிலைப்படுத்த வெவ்வேறு கருப்பொருள்களுடன் நடைபெற்று வருகிறது. கோவா மணல் கலை விழாவானது ஜெர்ரி ஜோஸ் அவர்களின் கருத்தாக்கம் மற்றும் ஏற்பாடு செய்யப்பட்ட கலை விழாக்கள் மாணவர்கள் மற்றும் மணற்சிற்ப காலையில் ஆர்வமுள்ள இந்திய கலைஞர்களை உள்ளடக்கியது.
GSAF 2009[தொகு]
கோவா மணற்சிற்ப விழாவின் தொடக்க ஆண்டான 2009 ஆம் ஆண்டுக்கான கருப்பொருள் புவி வெப்பமடைதல் ஆகும், இந்த கருப்பொருளை சிறப்பாக வெளிக்காட்டும் வகையில் ஆறு வெவ்வேறு மணல் சிற்பங்கள் செய்யப்பட்டன. ஒவ்வொரு மணல் சிற்பமும் கருப்பொருளை முன்னிலைப்படுத்தும் பிரச்சாரம் போல் இருந்தது.[1]
GSAF 2010[தொகு]
GSAF 2010 இன் கருப்பொருளான வனவிலங்கு பாதுகாப்பை சித்தரிக்கும் வகையில் கருப்பொருள் சார்ந்த கேளிக்கைப் பூங்கா ஒன்று மணற்சிற்பங்களைக் கொண்டே அமைக்கப்பட்டிருந்தது. முக்கிய திருவிழாவிற்கு சுமார் 3 நாட்களுக்கு முன்பாகவே, மும்பை, புனே மற்றும் கோவாவைச் சேர்ந்த மாணவர்கள் மற்றும் கலைஞர்கள் தங்கள் படைப்புகளை உருவாக்கத் தொடங்கினர், முற்றிலும் மணலால் செய்யப்பட்ட பல்வேறு அழிந்துவரும் உயிரினங்களைக் கொண்ட தனித்துவமான கேளிக்கை பூங்காவை உருவாக்கினர்.[2]
GSAF 2011[தொகு]
கோவா மணல் கலை விழா 2011 க்கான கருப்பொருள் "கடல் வாழ்க்கை - தண்ணீருக்கு அடியில் உள்ள பொக்கிஷங்கள்" . இந்த கருப்பொருளை சித்தரிக்கும் சில சிறந்த மணல் சிற்பங்களை மக்கள் கண்டு ரசித்தனர். மற்ற கலைஞர்களைத் தவிர, இந்த ஆண்டு கோவா மணல் கலை விழாவில் இங்கிலாந்தைச் சேர்ந்த உலகப் புகழ்பெற்ற மணல் சிற்பிகளில் ஒருவரான சைமன் ஸ்மித்-தி சாண்ட் விஸார்ட் கலந்து கொண்டார். மணற்சிற்ப கலைஞர்களில் முதன்மையானவராக கருதப்படும் சைமனின் கலைப் பணி உலகம் முழுவதும் போற்றப்பட்டுள்ளது. [3]
திருவிழாவின் முக்கிய மூன்று நாட்களில் மணல் சிற்பங்கள், மணல் நடனம் மற்றும் மணல் சித்திரங்கள் போன்ற பல்வேறு மணல் கலை வடிவங்கள் காட்சிப்படுத்தப்படும். விருப்பமுள்ளவர்கள் மணல் கலை குறித்த இலவச பயிலரங்கிலும் கலந்து கொள்ளலாம். மணலில் மணல் சிற்பம்/வரைதல்/செய்திகளை எழுதுதல் அல்லது நியமிக்கப்பட்ட பயிற்சிக் குழியில் மணலுடன் விளையாடுவது போன்றவற்றை முயற்சிக்க அனைவரும் அழைக்கப்படுகிறார்கள். இது ஒன்றுக்கொன்று போட்டி போடுவதற்காக அல்ல, கலையின் மீதான காதலுக்காக.
கலைஞர்கள் தங்கள் படைப்புகளை டிசம்பர் 10 முதல் தொடங்குவார்கள். அனைவருக்கும் நுழைவு இலவசம்
மேற்கோள்கள் [தொகு]
- ↑ https://timesofindia.indiatimes.com/city/goa/first-of-its-kind-3-day-sand-art-festival/articleshow/5360587.cms.
{{cite web}}: Missing or empty|title=(help) - ↑ https://www.deccanherald.com/content/208592/a-grand-art-called-sand.html.
{{cite web}}: Missing or empty|title=(help) - ↑ https://timesofindia.indiatimes.com/city/goa/sand-art-fest-from-dec-16/articleshow/10965491.cms.
{{cite web}}: Missing or empty|title=(help)
வெளி இணைப்புகள்[தொகு]
- முகநூல் பக்கம்
- 2012 இன் அதிகாரப்பூர்வ இணையதளம்