கோரி-விண்டர் ஒலிபீன் தொகுப்பு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கோரி-விண்டர் ஒலிபீன் தொகுப்பு (Corey–Winter olefin synthesis) 1,2-டையால்களை ஒலிபீன்களாக மாற்றுகின்ற தொடர் வினைகளின் வரிசையைக் குறிக்கிறது[1][2]. நோபல் பரிசு பெற்ற அமெரிக்க கனிம வேதியியல் விஞ்ஞானி எலியாசு யேம்சு கோரி மற்றும் அமெரிக்க-எசுதோனிய வேதியியலாளர் ரோலேண்டு ஆர்தர் எட்வின் விண்டர் ஆகியோரை நினைவுபடுத்தும் விதமாக இவ்வினைக்கு கோரி-விண்டர் ஒலிபீன் தொகுப்பு வினை என்று பெயரிடப்பட்டது [3]

கோரி-விண்டர் ஒலிபீன் தொகுப்பு வினை

.

மேற்காணும் வினையில் பயன்படுத்தப்பட்டுள்ள பாசுகீனுக்குப் பதிலாக பெரும்பாலும் தயோகார்பனைல்டையிமிடசோல் சேர்மத்தைப் பயன்படுத்துகிறார்கள். பாசுகீனுக்கு இணையான நச்சுத்தன்மையை தயோபாசுகீனும் கொண்டுள்ளது என்பதே இதற்கு காரணமாகும். எனவே தயோகார்பனைல்டையிமிடசோல் மிகப்பாதுகாப்பான மாற்றாகக் கருதப்படுகிறது.

வினை வழிமுறை[தொகு]

டையால் மற்றும் தயோபாசுகீனிலிருந்து வளைய தயோகார்பனேட்டு உருவாக்கப்படுதல் வினை வழிமுறையில் ஒரு முக்கிய அங்கமாகும். இதைத் தொடர்ந்து இரண்டாவது படிநிலையில் டிரைமெத்தில் பாசுப்பைட்டு வினையில் ஈடுபடுகிறது. கந்தக அணுவை இது தாக்கி வலிமையான P=S இரட்டைப் பினைப்புடன் கூடிய சேர்மம் S=P(OMe)3 உருவாக்கி கார்பீனை விடுவிக்கிறது.[4]. கார்பனீராக்சைடு இழப்புடன் கார்பீன் உடைந்து ஒலிபீனைக் கொடுக்கிறது

கோரி-விண்டர் ஒலிபீன் தொகுப்பு வினைக்கு முன்மொழியப்பட்ட வினைவழிமுறை

.

தனி கார்பீன் இடைநிலை பங்குபெறாத மாற்று வினை வழிமுறை ஒன்றும் அறியப்படுகிறது. ஆனால், இங்கு கார்பன் எதிர்மின் அயனியின் தாக்குதலில் டிரைமெத்தில் பாசுப்பைட்டின் இரண்டாவது மூலக்கூறு உடனியங்கும் கந்தக-கார்பன் பிணைப்பின் பிளவுடன் பங்கேற்கிறது. பாசுபரசால் நிலைபெற்ற கார்பன் எதிர்மின் அயனி பின்னர் நீக்க வினைக்கு உட்பட்டு ஓர் அசைல் பாசுப்பைட்டுடன் சேர்த்து ஓர் ஆல்க்கீனைக் கொடுக்கிறது, பின்னர் இந்த ஆல்க்கீன் கார்பாக்சிலேட்டு நீக்கம் அடைகிறது.

மாற்று வினை வழிமுறை

கோரி-விண்டர் ஒலிபீன் தொகுப்பு வினை ஒரு முப்பரிமானச்சிறப்பு வினையாகும். முப்பரிமானமாற்றிய வினைபடு பொருள்கள் வினைபுரிந்து முப்பரிமான மாற்றிய வினைவிளைபொருள்கள் உருவாதல் இச்சிறப்பு வினையின் பண்பாகும். இவ்வினையில் மாறுபக்க-டையால் வினைபுரிந்தால் மாறுபக்க-ஆல்க்கீனையும் ஒருபக்க-டையால் வினைபுரிந்தால் ஒருபக்க-ஆல்க்கீனையும் கொடுக்கின்றன.

மேற்கோள்கள்[தொகு]

  1. Corey, E. J.; Winter, R. A. E. J. Am. Chem. Soc. 1963, 85, 2677. (எஆசு:10.1021/ja00900a043)
  2. Corey, E. J.; Hopkiss, P. B. Tetrahedron Lett. 1982, 23, 1979. (எஆசு:10.1016/S0040-4039(00)87238-X)
  3. Block, E. Org. React. 1984, 30, 457. எஆசு:10.1002/0471264180.or030.02
  4. Horton, D.; Tindall, Jr., C. G. J. Org. Chem. 1970, 35(10), 3558-3559. (எஆசு:10.1021/jo00835a082)