கோடேல சிவபிரசாத் ராவ்

டாக்டர் கோடேல சிவபிரசாத் ராவ்
19-வது ஆந்திரப் பிரதேச சட்டப் பேரவைத் தலைவர்
பதவியில் 20 ஜூன் 2014 – 12 ஜூன் 2019
ஆளுநர்	ஈ. எஸ். எல். நரசிம்மன்
முன்னையவர்	நாதெண்ட்ல மனோகர் (ஒருங்கிணைந்த ஆந்திரா)
பின்னவர்	தம்மினேனி சீதாராம்
பஞ்சாயத்து ராஜ் மற்றும் ஊரக வளர்ச்சித்துறை அமைச்சர்
பதவியில் 1997 - 1999
முதலமைச்சர்	ந. சந்திரபாபு நாயுடு
பெரிய மற்றும் நடுத்தர நீர்ப்பாசனத்துறை அமைச்சர்
பதவியில் 1996 - 1997
முதலமைச்சர்	ந. சந்திரபாபு நாயுடு
முன்னையவர்	எர்ரம் வெங்கடேஸ்வர ரெட்டி
உள்துறை அமைச்சர் ஆந்திரப் பிரதேச அரசு
பதவியில் 1987 - 1988
சட்டமன்ற உறுப்பினர்
பதவியில் 2014–2019
முன்னையவர்	எர்ரம் வெங்கடேஸ்வர ரெட்டி
பின்னவர்	அம்பதி ராம்பாபு
தொகுதி	சட்டெனப்பள்ளி
பதவியில் 1983–2004
முன்னையவர்	காசு வெங்கட கிருஷ்ண ரெட்டி
பின்னவர்	காசு வெங்கட கிருஷ்ண ரெட்டி
தொகுதி	நரசராவ்பேட்டை
தனிப்பட்ட விவரங்கள்
பிறப்பு	(1947-05-02)2 மே 1947 கண்ட்லாகுண்டா கிராமம், நரசராவ்பேட்டை அருகில்
இறப்பு	16 செப்டம்பர் 2019(2019-09-16) (அகவை 72) ஐதராபாத், தெலுங்கானா, இந்தியா
அரசியல் கட்சி	தெலுங்கு தேசம் கட்சி
துணைவர்	கோடேல சசிகலா
பிள்ளைகள்	2 மகன்கள் மற்றும் ஒரு மகள்

கோடேல சிவபிரசாத் ராவ் (2 மே 1947 – 16 செப்டம்பர் 2019) ஒரு இந்திய அரசியல்வாதி மற்றும் தெலுங்கு தேசம் கட்சியின் மூத்த தலைவராவார். இவர் நரசராவ்பேட்டை மற்றும் சட்டெனப்பள்ளி தொகுதிகளின் முன்னாள் சட்டமன்ற உறுப்பினராகப் பணியாற்றினார்.

இவர் 2014 முதல் ஐந்து ஆண்டுகள் புதிய ஆந்திரப் பிரதேச சட்டப் பேரவையின் முதல் சபாநாயகராகப் பணியாற்றினார். முப்பதாண்டு கால அரசியல் வாழ்க்கையில், என். டி. ராம ராவ் மற்றும் ந. சந்திரபாபு நாயுடு ஆகியோரின் அமைச்சரவைகளில் உள்துறை, சுகாதாரம், நீர்ப்பாசனம், பஞ்சாயத்து ராஜ் மற்றும் ஊரக வளர்ச்சி போன்ற பல்வேறு துறைகளின் அமைச்சராகப் பொறுப்பு வகித்துள்ளார்.

வாழ்க்கை மற்றும் கல்வி

கோடேல சிவபிரசாத் ராவ் 2 மே 1947 அன்று ஆந்திரப் பிரதேசத்தின் பல்நாடு மாவட்டம், கண்ட்லாகுண்டாவில் பிறந்தார். இவருக்கும் இவரது மனைவி சசிகலாவிற்கும் ஒரு மகளும் இரண்டு மகன்களும் உள்ளனர்.

விஜயவாடாவில் உள்ள லயோலா கல்லூரியில் தனது பல்கலைக்கழகப் படிப்பை முடித்தார். குண்டூர் மருத்துவக் கல்லூரியில் எம்.பி.பி.எஸ் (M.B.B.S.) பட்டம் பெற்ற அவர், பனாரஸ் இந்து பல்கலைக்கழகத்தில் பொது அறுவை சிகிச்சையில் முதுகலைப் பட்டம் (M.S.) பெற்றார்.

வகித்த பதவிகள்

சட்டமன்ற உறுப்பினராக:

• 1983, 1985, 1989, 1994, 1999 ஆகிய ஆண்டுகளில் நரசராவ்பேட்டை தொகுதியிலிருந்து தேர்ந்தெடுக்கப்பட்டார்.
• 2014 ஆம் ஆண்டு சட்டெனப்பள்ளி தொகுதியிலிருந்து தேர்ந்தெடுக்கப்பட்டார்.

அமைச்சராக:

• 1987 - 1988: உள்துறை அமைச்சர்.
• 1996 - 1997: பெரிய மற்றும் நடுத்தர நீர்ப்பாசனத்துறை அமைச்சர்.
• 1997 - 1999: பஞ்சாயத்து ராஜ் துறை அமைச்சர்.
• 1999 - 2004: சுகாதாரத்துறை அமைச்சர்.
• 2014 - 2019: ஆந்திரப் பிரதேச சட்டப் பேரவையின் முதல் சபாநாயகர்.