கே. ஏ. செங்கோட்டையன்

கே. ஏ. செங்கோட்டையன்
பள்ளிக் கல்விதுறை அமைச்சர்
பதவியில் 16 மே 2017 – 7 மே 2021
வேளான்துறை அமைச்சர்
பதவியில் 15 மே 2011 – 14 சூலை 2011
தகவல் தொழில்நுட்பத்துறை அமைச்சர்
பதவியில் 15 சூலை 2011 – 7 நவம்பர் 2012
போக்குவரத்துத்துறை அமைச்சர்
பதவியில் 24 சூன் 1991 – 1996
சட்டப் பேரவை உறுப்பினர்
பதவியில் உள்ளார்
பதவியில் 1977-1980, 1980-1984, 1984-1989, 1989-1991, 1991-1996, 2006-2011, 2011-2016, 2016-
தனிப்பட்ட விவரங்கள்
பிறப்பு	9 சனவரி 1948 (1948-01-09) குள்ளம்பாளையம், சென்னை மாநிலம், இந்தியா
அரசியல் கட்சி	தமிழக வெற்றிக் கழகம்
வாழிடம்	பசுமைவழிச் சாலை, சென்னை, இந்தியா (அலுவல் ரீதியாக) கோபிச்செட்டிப்பாளையம், தமிழ்நாடு, இந்தியா (நிரந்தரம்)
கல்வி	நடுநிலைப்பள்ளி
சமயம்	இந்து சமயம்

கே. ஏ. செங்கோட்டையன், தமிழ்நாட்டைச் சேர்ந்த அரசியல்வாதியாவார். இவர் கோபிச்செட்டிப்பாளையம் தொகுதியிலிருந்து தமிழக சட்டப் பேரவை உறுப்பினராகத் தேர்ந்தெடுக்கப்பட்டவர்.

குடும்பம்

செங்கோட்டையன் ஈரோடு மாவட்டம், கோபிச்செட்டிப்பாளையம் அருகேயுள்ள குள்ளம்பாளையம் கிராமத்தைச் சேர்ந்தவர். செங்கோட்டையனின் தந்தை அர்த்தனாரி, மனைவி ஈசுவரி, மகன் கதிர் ஆவார்கள்.

அரசியல்

செங்கோட்டையன் அனைத்திந்திய அண்ணா திராவிட முன்னேற்றக் கழகம் சார்பாக ஒன்பது முறை சட்டமன்ற உறுப்பினராகத் தேர்ந்தெடுக்கப்பட்டுள்ளார். முதன் முறையாக 1977-இல் சத்தியமங்கலத்திலிருந்தும், அதன் பிறகு எட்டு முறை கோபிச்செட்டிபாளையத்திலிருந்து தேர்ந்தெடுக்கப்பட்டார். அ.தி.மு.க. செயலலிதா அணி, சானகி அணி எனப் பிரிந்திருந்த போது செயலலிதா அணி சார்பில் சேவல் சின்னத்தில் போட்டியிட்டு கோபிச்செட்டிபாளையத்தில் வென்றார். தமிழ்நாட்டின் பத்தாவது சட்டமன்றத்தில் வனத்துறை அமைச்சராகவும், போக்குவரத்துத் துறை அமைச்சராகவும் இருந்தார். தமிழ்நாட்டின் பதினான்காவது சட்டமன்றத்தில் விவசாயத் துறை அமைச்சராகவும், பின்னர் தகவல் தொழில்நுட்பத் துறை அமைச்சராகவும், அதையடுத்து வருவாய்த் துறை அமைச்சராகவும் பணியாற்றி வ‌ந்தா‌ர். ்

2017 பெப்ரவரி மாதம் எடப்பாடி கே. பழனிசாமி தலைமையில் அமைந்த அமைச்சரவையில் பள்ளிக் கல்வித்துறை அமைச்சராக நியமிக்கப்பட்டார். 2021 ஆம் ஆண்டில் நடைபெற்ற சட்டமன்றத் தேர்தலில் கோபிச்செட்டிப்பாளையம் தொகுதியில் இருந்து அ.தி.மு.க. சார்பில் சட்டமன்ற உறுப்பினரானார்.

அதிமுகவில் இருந்து பிரிந்தவர்களை ஒன்று சேர்க்கவேண்டும் என்று கட்சித் தலைமையான எடப்பாடி பழனிச்சாமிக்கு 10 நாள் கெடு விதித்த நிலையில் 2025 செப்டம்பர் 6 அன்று ஈரோடு புறநகர் மேற்கு மாவட்டக் கழகச் செயலாளர், அ.தி.மு.க.வின் அமைப்புசெ செயலாளர் உள்ளிட்ட அனைத்துப் பொறுப்புகளிலும் இருந்து விடுவிக்கப்பட்டார்.

2025 அக்டோபர் 30 அன்று அனைத்திந்திய அண்ணா திராவிட முன்னேற்றக் கழகத்திலிருந்து நீக்கப்பட்டதைத் தொடர்ந்து 2025 நவம்பர் 26 அன்று சட்டமன்ற உறுப்பினர் பதவியிலிருந்து விலகினார். இதனைத் தொடர்ந்து பிற்பகல் பட்டினப்பாக்கத்தில் தமிழக வெற்றி கழக தலைவர் விஜய்யுடன் நேரில் சந்தித்தைத் தொடர்ந்து 2025 நவம்பர் 27 அன்று தமிழக வெற்றிக் கழகத்தில் இணைந்தார்.

செங்கோட்டையன் 2025 நவம்பர் 27 அன்று தமிழக வெற்றிக் கழகத்தில் இணைந்தார். பின்னர் தமிழக வெற்றிக் கழகத்தில் உயர்மட்ட மாநில நிர்வாகக் குழுவின் தலைமை ஒருங்கிணைப்பாளராகவும், ஈரோடு, கோயம்புத்தூர், திருப்பூர், நீலகிரி ஆகிய மாவட்டங்களுக்கு அமைப்புச் செயலாளராகவும் நியமிக்கப்பட்டார்.