கேபீஎம்ஜி
 | |
| வகை | தனியார் நிறுவனம் |
|---|---|
| தலைமையகம் | இலண்டன், இங்கிலாந்து, ஐக்கிய இராச்சியம் |
| சேவை வழங்கும் பகுதி | உலகம் முழுதும் |
| முதன்மை நபர்கள் | பில் தாமஸ் (உலகலாவியத் தலைவர் மற்றும் முதன்மை செயல் அலுவலர்) |
| தொழில்துறை | தொழில்முறை சேவைகள் |
| சேவைகள் |
|
| வருமானம் |  ஐஅ$38.4 பில்லியன் (2024)[1] |
| பணியாளர் | 275,288 (2024)[1] |
கேபிஎம்ஜி (KPMG)[2] என்பது ஐக்கிய இராச்சியத்தின் இலண்டனைத் தளமாகக் கொண்ட ஓர் பன்னாட்டு தொழில்முறை சேவை வலையமைப்பாகும்.[3] எர்ன்ஸ்ட் & யங் , டெலாய்ட் மற்றும் பிரைசுவாட்டர்ஹவுசுகூப்பர்சு ஆகியவற்றுடன் இணைந்து, நான்கு பெரிய தணிக்கை நிறுவனங்களில் ஒன்றாக உள்ளது. கேபிஎம்ஜி வலையமைப்பு 145 நாடுகளில் 275,288 ஊழியர்களைக் கொண்ட நிறுவனமாகும். மேலும், தனியார் ஆங்கில நிறுவனமான கேபிஎம்ஜி இன்டர்நேஷனல் லிமிடெட் என்ற உத்தரவாதத்தால் வரையறுக்கப்பட்ட நிறுவனத்துடன் இணைக்கப்பட்டுள்ளது.
நிறுவனத்தின் வரி மற்றும் ஆலோசனை சேவைகள் மேலும் பல்வேறு சேவை குழுக்களாகப் பிரிக்கப்பட்டுள்ளன. 21 ஆம் நூற்றாண்டில், நிறுவனத்தின் உலகளாவிய இணைப்பு வலையமைப்பின் பல்வேறு பகுதிகள் ஒழுங்குமுறை நடவடிக்கைகளிலும் வழக்குகளிலும் ஈடுபட்டுள்ளன.[4][5]
வரலாறும் இணைப்பும்
[தொகு]
நிறுவனமானது 1870 ஆம் ஆண்டில் வில்லியம் பார்க்லே பீட் இலண்டனில் ஒரு கணக்குப்பதிவியல் நிறுவனத்தை அமைத்தபோது தொடங்கப்பட்டது.[6] 1877 ஆம் ஆண்டில் கணக்குப்பதிவியல் நிறுவனமான தாம்சம் மேக்லிண்டக் கிளாசுக்கோவில்[6] ஒரு அலுவலகத்தைத் திறந்தது. மேலும் 1911 ஆம் ஆண்டில் வில்லியம் பார்க்லே பீட் & கோ. மற்றும் மார்விக் மிட்சல் & கோ. ஆகிய இணைந்து பீட் மார்விக் மிட்சல் & கோ நிறுவனத்தை உருவாக்கின. பின்னர் அது பீட் மார்விக் என்று அறியப்பட்டது.
அதே நேரத்தில் 1917 ஆம் ஆண்டில் பியட் கிலைன்ஃவெல்டு ஆம்சிட்டெர்டாமில் தனது கணக்குப்பதிவியல் நிறுவனத்தைத் திறந்தார். பின்னர் அவர் கிராயென்ஃகோஃவ் நிறுவனத்துடன் இணைந்து கிலைன்ஃவெல்டு கிராயென்ஃகோஃவ் என்னும் நிறுவனத்தை உருவாக்கினார்.
1979 ஆம் ஆண்டில் கிலைன்ஃவெல்டு கிராயென்ஃகோஃவ் நிறுவனம், (நெதர்லாந்து), தாம்சன் மேக்லின்ட்டாக் (அமெரிக்கா) மற்றும் டச்சி ட்ரேஹண்ட்-கெஸ்செல்ஸ்ஹாப்ட் (செருமனி) ஆகியவை வலிமையான ஐரோப்பாவைச் சேர்ந்த பன்னாட்டு நிறுவனத்தை உருவாக்க கட்டுப்பாடற்ற தேசிய நடைமுறைகளின் குழுவாக கிலினவெல்டு மயின் கோடெலெர் என்னும் நிறுவனத்தை உருவாக்கின.[6] பின்னர் 1987 ஆம் ஆண்டில் கேஎம்ஜி மற்றும் பீட் மார்விக் பெரிய கணக்குப்பதிவியல் நிறுவனங்களின் மிகப்பெரிய இணைப்பு நடைமுறைக்கு வந்து அமெரிக்காவில் மற்றும் உலகின் பெரும்பாலான பிற பகுதிகளில் கே.பி.எம்.ஜி என்ற நிறுவனமும் மற்றும் இங்கிலாந்தில் பீட் மார்விக் மேக்லின்ட்டாக் நிறுவனமும் உருவாக்கப்பட்டது.[6]
1990 ஆம் ஆண்டில் இரண்டு நிறுவனங்களும் கே.பி.எம்.ஜி பீட் மார்விக் மேக்லிண்டக் என்ற பெயரைச் சூட்டின. ஆனால் 1991 ஆம் ஆண்டில் கேபிஎம்ஜி பீட் மார்விக் என்று மறுபெயரிடப்பட்டது. மேலும் 1995 ஆம் ஆண்டில் அந்தப் பெயர் மீண்டும் கே.பி.எம்.ஜி என்ச் சுருக்கப்பட்டது.
1997 ஆம் ஆண்டில் கே.பி.எம்.ஜி மற்றும் எர்ணசுட் & யங் தாங்கள் இணைக்கப்பட்டதாக அறிவித்தன.[7]
மேற்கோள்கள்
[தொகு]- ↑ 1.0 1.1 "Robust growth for KPMG as global revenues rise 5.1% to US$ 38.4 billion". 17 December 2024. Retrieved 16 January 2025.
- ↑ "Who were K, P, M and G?" (PDF). Archived from the original (PDF) on 3 December 2008. Retrieved 31 October 2021.
- ↑ "Legal". KPMG (in ஸ்வீடிஷ்). Retrieved 2025-03-19.
- ↑ "Governance". KPMG. 3 September 2020. Retrieved 3 October 2024.
- ↑ Your Planning Resource with Useful Tips and Techniques. John Wiley. 2008. p. 308. ISBN 978-0787996611.
- ↑ 6.0 6.1 6.2 6.3 "KPMG - வரலாறு". Archived from the original on 2012-02-20. Retrieved 2010-04-07.
- ↑ "ர்ன்ஸ்ட் & எங், KPMG மெர்ஜெர் டு கிரியேட் யூ.எஸ் ஜக்கர்னட்". Archived from the original on 2012-07-12. Retrieved 2012-07-12.
வெளி இணைப்புகக்
[தொகு]
பொதுவகத்தில் கேபீஎம்ஜி தொடர்பாக ஊடகக் கோப்புகள் உள்ளன.- Official website
