குளோன்சில்லா

குளோன்சில்லா ( Clonezilla ) என்பது கணினி வட்டு, தடம் (partition) அல்லது அதிலுள்ள பகுதியைக் நகல் எடுத்து வேறு இடத்தில் பாதுகாப்பாகச் சேமிக்க உதவும் ஓர் இலவச மென்பொருள். இதன் மூலம் கணினியில் உள்ள அனைத்துத் தகவல்களையும் பின்னர் தேவையான போது மீண்டும் கொண்டுவரலாம். கணினி பழுதாகும் போது அல்லது புதிய வட்டு சேர்க்கும் போது பழைய வட்டில் இருந்த கோப்புகள், அமைப்புகள், இயக்க முறைமைகள் அனைத்தையும் முழுவதுமாக மீட்டெடுக்க இது உதவுகிறது.

குளோன்சில்லாவில் இரண்டு முக்கிய வகைகள் உள்ளன. ஒன்று தனிப்பட்ட கணினிக்கானது, மற்றொன்று ஒரே நேரத்தில் பல கணினிகளில் நகல் எடுக்க உதவுவதற்காக உள்ளது. இதைப் பயன்படுத்தி முழு வட்டையோ அல்லது தேவையான பகுதிகளை மட்டும் நகலெடுக்கலாம். இதனால் தேவையில்லாத வெற்று பகுதிகளைத் தவிர்த்து முக்கியமான தகவல்களை மட்டும் பாதுகாப்பாகச் சேமிக்கலாம். இது வேகமாகப் பணிபுரிந்து நினைவகத்தைச் சிறப்பாகப் பயன்படுத்துகிறது.

குளோன்சில்லா

ஒரு வட்டிலிருந்து மற்றொரு வட்டுக்கு நகல் எடுத்தல்

குளோன்சில்லாவைக் கொண்டு பல்வேறு சேமிப்பு கருவிகளில், வெளிப்புறக் கருவிகள் மற்றும் வலையமைப்பில் பின்னணிக் காப்புகளை வைத்துக்கொள்ளலாம். இதனால் தேவையான நேரத்தில் இவற்றைப் பயன்படுத்தி பழைய நிலைக்கு கணினியை எளிதாக மாற்றலாம்.

மொத்தத்தில் குளோன்சில்லா என்பது கணினியில் உள்ள தகவல்களை பாதுகாப்பாக நகலெடுத்து பின்னர் மீட்டெடுக்க உதவும் பயனுள்ள மென்பொருள். இது கணினி பழுதாகும் போதும் புதியதாக மாற்றும் போதும் முக்கியமான தகவல்கள் அழியாமல் இருக்க உதவுகிறது.

சிறப்பம்சங்கள்

பயாஸ் அல்லது ஐக்கிய விரிவாக்கத்திற்குட்பட்ட நிலைபொருள் இடைமுகம் இயங்குதளங்கள் இரண்டையும் ஆதரிக்கிறது .

பயன்பாட்டுச் சிக்கல்கள்

படிப்படியான, மாறாத காப்புப்பிரதிகளை இதனுடன் செயல்படுத்த முடியாது.