குல்வந்த் சிங் விர்க்
குல்வந்த் சிங் விர்க் | |
|---|---|
 1960-ல் குல்வந்த் சிங் விர்க் | |
| பிறப்பு | 20 மே 1921 புல்லர்வான் கிராமம், சேக்புரா மாவட்டம் (பாக்கித்தான்) |
| இறப்பு | 24 திசம்பர் 1987 தொராண்டோ, கனடா |
| தொழில் | எழுத்தாளர், கதையாசிரியர் |
| மொழி | பஞ்சாபி, ஆங்கிலம் |
| தேசியம் | இந்தியன் |
குல்வந்த் சிங் விர்க் (Kulwant Singh Virk; 20 மே 1921 – 24 திசம்பர் 1987) இந்தியாவில் பிறந்த ஒரு எழுத்தாளர் ஆவார். இவர் பெரும்பாலும் பஞ்சாபி மொழியிலும், கணிசமான அளவில் ஆங்கிலத்திலும் எழுதியுள்ளார். இவரது சிறுகதைகள் உருசியா, சப்பானிய மொழிகள் உட்படப் பல மொழிகளில் மொழிபெயர்க்கப்பட்டுள்ளன.
குல்வந்த் சிங் விர்க், இந்தியாவின் பஞ்சாப் மாகாணத்தில் உள்ள ஷேகுபுரா மாவட்டத்தில் புல்லார்வான் கிராமத்தில் 1921-ஆம் ஆண்டு மே 20-ஆம் தேதி பிறந்தார்.
விர்க்கின் படைப்புகள் பல விருதுகளை வென்றுள்ளன. 1958-இல், 'துத் தா சப்பார்' ( 'பால்குளம்') என்ற சிறுகதைத் தொகுப்பிற்காக இவர் தனது முதல் விருதைப் பெற்றார். 1968-இல், 'நவே லோக்' ( 'புதிய மக்கள்).[1] என்ற சிறுகதைத் தொகுப்பிற்காக தேசிய சாகித்ய அகாதமி விருதை வென்றார். மேலும், 1984-இல் கனடாவின் இலக்கிய மன்றத்தால் அங்கீகரிக்கப்பட்டார். 1986-இல் பஞ்சாப் சாகித்ய அகாதமியால் இலக்கியத்திற்கு இவர் ஆற்றிய பங்களிப்பிற்காகப் பாராட்டப்பட்டார்.
ஓய்வு பெற்ற பிறகு, விர்க் தற்காலிகமாக கனடாவுக்குச் சென்று பின் சில மாதங்களுக்குப் பிறகு பஞ்சாப்பிற்கு திரும்பினார். 1987-இல் இவருக்குக் கடுமையான பக்கவாதம் ஏற்பட்டது. மருத்துவச் சிகிச்சைக்காக இவர் மீண்டும் கனடாவுக்குச் சென்றார். இதன் விளைவாக, 1987-ஆம் ஆண்டு திசம்பர் 24-ஆம் தேதி கனடாவின் ஒன்றாரியோ மாகாணத்தில் உள்ள தொராண்டோ நகரில் இவர் காலமானார்.
சிறுகதைத் தொகுப்புகள்
[தொகு]- சா வெலா (Chhah Vela) (1950)
- தர்தி தே ஆகாசு (Dhartee te Akash) (1951)
- தூர்கி தி பாண்ட் (Toorhi di Pand) (1954)
- ஏகாசு கே ஹம் பாரிக் (Ekas ke hum baarik) (1955)
- தூத் தா சப்பார் (Dudh da Chhapprh) (1958)
- கோலா (Gola) (1961)
- விர்க் தியான் கஹானியா (Virk diyan Kahaniya) (1966)
- நவே லோக் (Nve Lok) (1967)
- துவாதசி (Duadashi)
- அஸ்த்பாசி (Astbaazi) (1984)
- மேரியா சரியா ககானியான் (Meria Saria kahanian) (1986)
விருதுகள்
[தொகு]- பஞ்சாப் மொழிகள் துறை விருது (1959)
- சாகித்திய அகாதமி விருது (1968)
- பஞ்சாப் மொழிகள் துறையால் 'சிரோமணி சாகித்தியகார்' (Shiromani Sahityakar) கௌரவம் (1985)
மரபு
[தொகு]விர்க்கின் பல கதைகள் இந்திய மற்றும் வெளிநாட்டு மொழிகளில் மொழிபெயர்க்கப்பட்டுள்ளன. ரஷ்யாவில் இவரது கதைகள் 'தர்தி ஹெந்த்லா பாலத்' (Dharti Henthla Balad) என்ற பெயரில் புத்தகமாக வெளியிடப்பட்டது.[2] மேலும் இவரது 'தூத் தா சப்பார்' (Dudh da Chapar), 'கபால்' (Khabal) போன்ற கதைகள் தொலைக்காட்சியில் நாடகங்களாகத் தயாரிக்கப்பட்டு ஒளிபரப்பப்பட்டன.
மேற்கோள்கள்
[தொகு]- ↑ Kagachi, Chihiro (1990). Punjab Literature: An Overview.
- ↑ ‘ਧਰਤੀ ਹੇਠਲਾ ਬੌਲਦ’ ਕੁਲਵੰਤ ਸਿੰਘ ਵਿਰਕ