குரு கோவிந்த் சிங் இந்திரபிரசுதா பல்கலைக்கழகம்
முந்தைய பெயர்கள் | இந்திரபிரசுதா பல்கலைக்கழகம் |
|---|---|
| குறிக்கோளுரை | ज्योतिर्वृणीत तमसो विजानन (Jyotivṛṇīta Tamaso Vijānan) |
ஆங்கிலத்தில் குறிக்கோளுரை | Light of intelligence cleaves the darkness |
| வகை | பொதுத்துறை பல்கலைக்கழகம் |
| உருவாக்கம் | 1998 |
| வேந்தர் | தில்லி துணைநிலை ஆளுநர் |
| துணை வேந்தர் | மகேசு வர்மா[1] |
| அமைவிடம் | , , 28°35′42″N 77°01′08″E / 28.595016°N 77.018942°E |
| வளாகம் | நகர்ப்புறம் (78 ஏக்கர்) |
| நிறங்கள் | பழுப்பு, நீலம் |
| சேர்ப்பு | பொதுநலவாயப் பல்கலைக்கழகங்களின் கூட்டமைப்பு, இந்தியப் பல்கலைக்கழகங்களின் சங்கம், பல்கலைக்கழக மானியக் குழு (இந்தியா), தேசிய மதிப்பீடு மற்றும் தரச்சான்று அவை |
| இணையதளம் | ipu |
குரு கோவிந்த் சிங் இந்திரபிரசுதா பல்கலைக்கழகம் (Guru Gobind Singh Indraprastha University) முன்னர் இந்திரபிரசுதா பல்கலைக்கழகம் என அழைக்கப்பட்டது. இப்பல்கலைக்கழகம் இந்தியாவின் தலைநகரான தில்லியில், துவாரகா நகரில் அமைந்துள்ளது. இது தில்லியின் மாநிலப் பல்கலைக்கழகம் ஆகும். சட்டம், மருத்துவம், தொழில்நுட்பம், கல்வி, தொழில்முனைவோர், அறிவியல், வணிகம் உள்ளிட்ட துறைகளில் பதினான்கு பல்கலைக்கழக பள்ளிகளும் மூன்று ஆய்வு மையங்களையும் கொண்டு செயல்படுகிறது.[2][3]
வரலாறு
[தொகு]குரு கோவிந்த் சிங் இந்திரபிரசுதா பல்கலைக்கழகம் இந்திரபிரசுதா பல்கலைக்கழகமாக 28 மார்ச் 1998 அன்று தில்லி அரசாங்கத்தால் நிறுவப்பட்டது. குரு கோவிந்த் சிங் இந்திரபிரசுதா பல்கலைக்கழக சட்டம், 1998-இன் விதிகளின் கீழ் 1999ஆம் ஆண்டில் திருத்தத்துடன் தேசிய தலைநகர் தில்லி அரசாங்கம் இதனை ஒரு மாநில பல்கலைக்கழகமாக அங்கீகரித்தது.[4] பல்கலைக்கழக மானியக் குழுவின் சட்டத்தின் பிரிவு 12பி இன் கீழ் இப்பல்கலைக்கழகம் அங்கீகரிக்கப்பட்டுள்ளது.[5] மகாபாரத காவியத்தில் முக்கியமாக இடம்பெற்றுள்ள பண்டைய நகரமான இந்திரபிரசுதத்தின் பெயரால் இந்தப் பல்கலைக்கழகம் பெயரிடப்பட்டது.[6] 2001ஆம் ஆண்டில், பத்தாவது சீக்கிய குரு கோவிந்த் சிங்கின் நினைவாக பல்கலைக்கழகம் அதிகாரப்பூர்வமாக குரு கோவிந்த் சிங் இந்திரபிரசுதா பல்கலைக்கழகம் என மறுபெயரிடப்பட்டது.
அமைப்பும் நிர்வாகமும்
[தொகு]பல்கலைக்கழகத்தில் 14 பல்கலைக்கழக பள்ளிகள் உள்ளன (பல்கலைக்கழகத்தின் கல்லூரிகள்). இவற்றில் 12 துவாரகா வளாகத்தில் உள்ளன.[7] பல்கலைக்கழகத்திற்குள் பேரிடர் மேலாண்மை ஆய்வு, மருந்து அறிவியல், மனித மதிப்புகள், நெறிமுறைகள், தொழில்நுடப் பெருக்கம், வணிகமயமாக்கல் உள்ளிட்ட ஆராய்ச்சிக்காக 4 மையங்கள் உள்ளன. இந்த மையங்களில் மூன்று துவாரகா வளாகத்தில் உள்ளன. ஒன்று கிழக்கு தில்லி வளாகத்தில் உள்ளது.
பல்கலைக்கழகப் பள்ளிகள்
[தொகு]குரு கோவிந்த் சிங் இந்திரபிரசுதா பல்கலைக்கழகத்தில் 14 பல்கலைக்கழக பள்ளிகள் உள்ளன (இவற்றில் 12 கல்லூரிகள் துவாரகா பிரதான வளாகத்தில் உள்ளன.[8] இவை:
- கட்டிடக்கலை, திட்டமிடல் பள்ளி
- தானியக்கம், ரோபாட்டிக்சு பள்ளி
- அடிப்படை, பயன்பாட்டு அறிவியல் பள்ளி
- உயிரித் தொழில்நுட்பப் பள்ளி
- வேதியியல் தொழில்நுட்பப் பள்ளி
- வடிவமைப்பு, கண்டுபிடிப்பு பள்ளி
- சுற்றுச்சூழல் மேலாண்மை பள்ளி
- மனிதநேயம், சமூக அறிவியல் பள்ளி
- தகவல், தொடர்பாடல் தொழில்நுட்பப் பள்ளி
- சட்டம், சட்ட ஆய்வுகள் பள்ளி
- மேலாண்மை ஆய்வுகள் பள்ளி
- மக்கள் தகவல்தொடர்பு பள்ளி
- மருத்தும், துணை மருத்துவ சுகாதார அறிவியல் பள்ளி
இணைவுக் கல்லூரிகள்
[தொகு]பல்கலைக்கழகத்தின் விதிகள், ஒழுங்குமுறைகளின்படி 120க்கும் மேற்பட்ட துணை நிறுவனங்கள் இப்பல்கலைக்கழகத்தின் கீழ் செயல்படுகின்றன.[9]
கல்வி
[தொகு]உலக தரவரிசை
[தொகு]க்யு எசு தரவரிசையில் 2025-இல் இப்பல்கலைக்கழகம் 1001-1200 தரவரிசையில் உள்ளது.[10]
தரவரிசை
[தொகு]2024ஆம் ஆண்டில் தேசிய நிறுவன தரவரிசை கட்டமைப்பால் இந்திய பல்கலைக்கழகங்களில் இந்த பல்கலைக்கழகம் 74ஆவது இடத்திலும், ஒட்டுமொத்த பிரிவில் 101-150 தரப் பிரிவிலும் இருந்தது.[11] மேலும் பொறியியல் தரவரிசையில் பல்கலைக்கழக பொறியியல், தொழில்நுட்ப பள்ளி 89ஆவது இடத்திலும்[12], மேலாண்மை தரவரிசைகளில் பல்கலைக்கழக மேலாண்மை ஆய்வுகள் பள்ளி 65ஆவது இடத்திலும் இருந்தது.[13]
குறிப்பிடத்தக்க முன்னாள் மாணவர்கள்
[தொகு]- கவுரவ் சர்மா[14]
- கவுரவ் கோகோய்[15]
- முகமது இர்பான் அலி[16]
- குனீத் மோங்கா
- டாப்சி பன்னு
- மனீஷ் சிங்
- தேவிகா வைத்[17]
மேலும் காண்க
[தொகு]மேற்கோள்கள்
[தொகு]- ↑ "Guru Gobind Singh Indraprastha University". www.ipu.ac.in. Archived from the original on 20 August 2019. Retrieved 6 August 2019.
- ↑ "Guru Gobind Singh Indraprastha University". Archived from the original on 25 December 2022. Retrieved 26 December 2022.
- ↑ "Guru Gobind Singh Indraprastha University". Archived from the original on 26 December 2022. Retrieved 26 December 2022.
- ↑ "Establishment of Affiliating University (GGSIP UNIVERSITAS)". delhi.gov.in. Archived from the original on 29 July 2014. Retrieved 29 July 2014.
- ↑ "Guru Gobind Singh Indraprastha University". www.ipu.ac.in (in ஆங்கிலம்). Archived from the original on 19 June 2018. Retrieved 19 June 2018.
- ↑ "Introduction to Delhi" (PDF). Archived from the original (PDF) on 13 November 2016. Retrieved 21 February 2011.
- ↑ "GGSIPU East Campus to be operational this year". 21 October 2021. Archived from the original on 13 January 2022. Retrieved 13 January 2022.
- ↑ "Guru Gobind Singh Indraprastha University (Official Website)". www.ipu.ac.in. Retrieved 2024-11-01.
- ↑ "Affiliated Institutes". Archived from the original on 3 March 2016. Retrieved 20 February 2011.
- ↑ "IP University receives rising star award in QS rankings 2025". India Today (in ஆங்கிலம்). 2024-06-05. Retrieved 2024-06-15.
- ↑ "National Institutional Ranking Framework 2023 (Overall)". National Institutional Ranking Framework. Ministry of Education. 5 June 2023.
- ↑ "National Institutional Ranking Framework 2024 (Engineering)". National Institutional Ranking Framework. Ministry of Education. 12 August 2024.
- ↑ "National Institutional Ranking Framework 2024 (Management)". National Institutional Ranking Framework. Ministry of Education. 12 August 2024.
- ↑ "2014 BJMC Results" (PDF). GGSIU Results. Archived from the original (PDF) on 1 May 2015. Retrieved 23 July 2017.
- ↑ "Gaurav Gogoi". MyNeta. Archived from the original on 7 December 2020. Retrieved 28 November 2020.
- ↑ "President accorded honorary doctorate from Indian university". 13 January 2023.
- ↑ "Devika Vaid crowned Miss India Earth 2018". www.femina.in (in ஆங்கிலம்). Retrieved 2024-03-10.
