குருவில ஜேக்கப்
குன்னன்கேரல் குருவில ஜேக்கப் (Kunnenkeril Kuruvila Jacob) என்பவர் கேரளத்தைச் சேர்ந்த ஒரு கல்வியாளர் ஆவார்.[1] இவர் 1904 ஆகத்து 3 அன்று கோட்டையம் மாவட்டத்தில், அய்மனம் என்னும் சிற்றூரில் பிறந்தவர், கோட்டையம், திருவனந்தபுரம், நாகர்கோயில், பாரூர் போன்ற பல இடங்களில் கல்வி பயின்றார். இவர் தன் உயர்கல்வியை லீட்ஸ் பல்கலைக்கழகத்தில் முடித்தார்.[2] இவர் சென்னை கிறிஸ்தவக் கல்லூரி மேல்நிலைப் பள்ளியின் முதல் இந்தியத் தலைமையாசிரியராக 1931ஆம் ஆண்டில் தனது 27 வயதில் பொறுப்பேற்று, 1962இல் ஓய்வுபெறும் வரை பணியாற்றினார்.[3][4] ஓய்வுபெற்ற பிறகு, ஆந்திரப் பிரதேசத்தின் ஐதராபாத் பொதுப் பள்ளியில் ஏழு ஆண்டுகளும், பின்னர் மகாராட்டிரத்தில் உள்ள பம்பாய் கதீட்ரல் அண்டு ஜான் கேனன் ஆகிய பள்ளிகளின் முதல்வராகவும் பணியாற்றினார். இவர் 1991 ஆகத்து 25 அன்று இறந்தார்.[5] இவர் முதல்வராகப் பொறுப்பேற்ற காலத்தில் இவர் பணிபுரிந்த பள்ளிகள் அனைத்தும் பின்தங்கிய நிலையிலே இருந்தன. பின்னர்த் தன்னுடைய தொலைநோக்குப் பார்வையாலும் சமூக அக்கறையாலும் அவற்றை முன்மாதிரிப் பள்ளிகளாக வளர்த்தெடுத்தார்.[6] இவரது பணிகளைப் பாராட்டும் விதமாக இந்திய அரசின் நான்காவது உயரிய விருதான பத்மசிறீ விருது 1991 ஆம் ஆண்டு வழங்கப்பட்டது.[7] ஜோக்கப்பின் முன்னாள் மாணவர்கள் அவரை நினைவுகூரும் வகையில் பள்ளிக் கல்வியை ஆகச்சிறந்த முறையில் மேம்படுத்தும் முனைப்போடு இவரது பெயரில் குருவில ஜேக்கப் முயற்சிகள் (Kuruvila Jacob Initiative) என்னும் திட்டத்தை செயல்படுத்தி வருகின்றனர்.
மேற்கோள்கள்[தொகு]
- ↑ Muthaiah S. (2011). Madras Miscellany. Westland. பக். 1212. பன்னாட்டுத் தரப்புத்தக எண்:9789380032849. https://books.google.ae/books?id=QHtZG8beGy4C&pg=PT267&lpg=PT267&dq=Kunnenkeril+Kuruvila+Jacob&source=bl&ots=GlicFLTiR7&sig=BYAO34c2oLWMeSOObD3bJ89xAQ4&hl=en&sa=X&ei=BkCgVNmbK8nxapvzgBg&redir_esc=y#v=onepage&q=Kunnenkeril%20Kuruvila%20Jacob&f=false.
- ↑ "The Man". Kuruvila Jacob (2014). பார்த்த நாள் December 28, 2014.
- ↑ "MCC". Kuriuvila Jacob (2014). பார்த்த நாள் December 28, 2014.
- ↑ "IITM". IITM (2014). பார்த்த நாள் December 28, 2014.
- ↑ "Later Years". Kuruvila Jacob (2014). பார்த்த நாள் December 28, 2014.
- ↑ ம.சுசித்ரா (2018 ஆகத்து 14). "ஆசிரியர்க்கெல்லாம் தலைமகன்". கட்டுரை. இந்து தமிழ். பார்த்த நாள் 15 ஆகத்து 2018.
- ↑ "Padma Awards". Padma Awards (2014). மூல முகவரியிலிருந்து November 15, 2014 அன்று பரணிடப்பட்டது. பார்த்த நாள் November 11, 2014.
