குயிலி (போராளி)

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

குயிலி (Kuyili) பதினெட்டாம் நூற்றாண்டில் பிரித்தானியக் கிழக்கிந்தியக் கம்பனிக்கு எதிராக ஆயுதம் ஏந்திப் போராடிய பெண் போராளி ஆவார். இவர் சிவகங்கை சீமையை சேர்ந்தவர்.

மெய்க்காப்பாளர்

சிவகங்கை மன்னர் முத்துவடுகநாதரை ஆங்கிலேய அரசாங்கம் சுட்டுக்கொன்றது. 8 ஆண்டுகள் அவர் மனைவி வேலு நாச்சியார் தலைமறைவாக இருந்தார். அப்போது ஆங்கிலேயர்களுக்காக உளவு பார்த்த வெற்றிவேல் என்பவரை குயிலி என்ற பெண் குத்திக் கொன்றார். அதனால் வேலுநாச்சியார் தனது மெய்க்காப்பாளராக குயிலியை நியமித்தார். 1780 இல் வேலுநாச்சியார் மானாமதுரை, திருப்பூர், திருப்புவனம், காளையார் கோவில் போன்ற இடங்களை மீட்டார். மருதுபாண்டியர், ஹைதர் அலி ஆகியோரின் உதவியுடன் சிவகங்கையை மீட்க படையெடுத்தார் வேலுநாச்சியார்.

குயிலி என்பவள் வேலுநாச்சியாரின் போர்படையில் பெண்கள் படைக்குத் தலைமையேற்றவர். வேலுநாச்சியாரின் நம்பிக்கைக்குரிய பெண்ணாக இருந்தவள். வெள்ளையரை எதிர்த்துப் போரிடும் போது சிவகங்கை அரண்மனையில் வெள்ளையரின் ஆயுதக்கிடங்கு இருந்ததால் அப்பகுதிக்குள் யாரும் செல்ல அனுமதி இல்லை. சிவகங்கை அரண்மனையில் உள்ள ராஜராஜேஸ்வரி அம்மன் கோயிலில் நவராத்திரி விழாவிற்காக விஜயதசமி அன்று கொலு தரிசனத்திற்கு பெண்களுக்கு மட்டுமே அனுமதி இருந்தது. இதைப் பயன்படுத்தி பெண்கள் படையில் முதற்கட்டச் செயல்பாடாக குயிலி என்ற பெண்ணை தற்கொலைப்படையாக நியமித்து அனுப்பினார். அதன் பின்னர் தன் உடலில் எண்ணை பூசி வெள்ளையரின் ஆயுதக்கிடங்கில் புகுந்து தன்னைத்தானே தீவைத்துக்கொண்டு ஆயுதக்கிடங்கை அழித்தார்.

சர்ச்சைகள்

இவர் ஒரு கற்பனையான பாத்திரமென்று தகுந்த ஆதாரங்களுடன் நிருவப்பட்ட ஒப்பனைகளின் கூத்து எனும் குருசாமி மயில்வாகனன் எழுதியுள்ள நூல் வெளி வந்து சர்ச்சையை ஏற்படுத்தியது.[1]

இவர் பிறந்த சமூகம் குறித்து எழுத்தாளர்களிடம் சில மாறுபட்ட கருத்துக்கள் உள்ளன.அதன் படி, இவர் மறவர் இனப் பெண்ணாக, அருந்ததியர் இனப் பெண்ணாக,[2][3][4] ஆதி திராவிடர் இனப் பெண்ணாக, பல நூல்களில் குறிப்பிடப்பட்டுள்ளது.[5]

மேற்கோள்கள்

  1. குருசாமி மயில்வாகனன், தொகுப்பாசிரியர் (07 செப்டம்பர் 2018). வீரமங்கை குயிலி ஒரு கற்பனைப் பாத்திரம். குங்குமம் இதழ். http://www.kungumam.co.in/Articalinnerdetail.aspx?id=14174&id1=5&issue=20180907. 
  2. குங்குமம் ஸ்பெஷல் , தொகுப்பாசிரியர் (16 டிசம்பர் 2016). வியூகங்களால் வென்றவள் ராணி வேலுநாச்சியார். குங்குமம் வார இதழ். http://www.kungumam.co.in/ThArticalinnerdetail.aspx?id=3641&id1=118&issue=20161216. "குயிலி வேலுநாச்சியாரின் மெய்க்காப்பாளர் குயிலி. தாழ்த்தப்பட்ட அருந்ததியர் வகுப்பைச் சேர்ந்தவர். மெய்க்காப்பாளராக விளங்கிய குயிலி பெண்கள் படைக்கு தளபதியாக்கப்பட்டார்." 
  3. ப. சரவணன், தொகுப்பாசிரியர் (2014). இந்திய சுதந்தரப் போராட்ட வீரர்கள். https://books.google.co.in/books?id=VLFdDwAAQBAJ&pg=PT47&dq=%E0%AE%95%E0%AF%81%E0%AE%AF%E0%AE%BF%E0%AE%B2%E0%AE%BF+%E0%AE%85%E0%AE%B0%E0%AF%81%E0%AE%A8%E0%AF%8D%E0%AE%A4%E0%AE%A4%E0%AE%BF%E0%AE%AF%E0%AE%B0%E0%AF%8D&hl=en&sa=X&ved=0ahUKEwiVpYzb_YbrAhV04XMBHcmQDFcQ6AEIKDAA#v=onepage&q=%E0%AE%95%E0%AF%81%E0%AE%AF%E0%AE%BF%E0%AE%B2%E0%AE%BF%20%E0%AE%85%E0%AE%B0%E0%AF%81%E0%AE%A8%E0%AF%8D%E0%AE%A4%E0%AE%A4%E0%AE%BF%E0%AE%AF%E0%AE%B0%E0%AF%8D&f=false. "குயிலி தாழ்த்தப்பட்ட அருந்ததியர் வகுப்பைச் சேர்ந்தவள். இதைக் காரணம் காட்டி ஒரு கும்பல், குயிலியின் மேல் துவேஷத்தை வளர்க்க முனைந்தது. வேலு நாச்சியாரோ குயிலிக்கு தம் ஆதரவுக் கரத்தை இரும்பு அரணாக வைத்து காத்து வந்தார்." 
  4.  , தொகுப்பாசிரியர். ஆங்கிலேயரின் ஆயுதக் கிடங்கை தகர்த்த குயிலிக்கு வேலுநாச்சியார் அங்கீகாரம். தினமணி நாளிதழ்year=31 டிசம்பர் 2012. https://www.dinamani.com/all-editions/edition-madurai/sivagangai/2012/dec/31/%E0%AE%86%E0%AE%99%E0%AF%8D%E0%AE%95%E0%AE%BF%E0%AE%B2%E0%AF%87%E0%AE%AF%E0%AE%B0%E0%AE%BF%E0%AE%A9%E0%AF%8D-%E0%AE%86%E0%AE%AF%E0%AF%81%E0%AE%A4%E0%AE%95%E0%AF%8D-%E0%AE%95%E0%AE%BF%E0%AE%9F%E0%AE%99%E0%AF%8D%E0%AE%95%E0%AF%88-%E0%AE%A4%E0%AE%95%E0%AE%B0%E0%AF%8D%E0%AE%A4%E0%AF%8D%E0%AE%A4--%E0%AE%95%E0%AF%81%E0%AE%AF%E0%AE%BF%E0%AE%B2%E0%AE%BF%E0%AE%95%E0%AF%8D%E0%AE%95%E0%AF%81-%E0%AE%B5%E0%AF%87%E0%AE%B2%E0%AF%81%E0%AE%A8%E0%AE%BE%E0%AE%9A%E0%AF%8D%E0%AE%9A%E0%AE%BF%E0%AE%AF%E0%AE%BE%E0%AE%B0%E0%AF%8D-%E0%AE%85%E0%AE%99%E0%AF%8D%E0%AE%95%E0%AF%80%E0%AE%95%E0%AE%BE%E0%AE%B0%E0%AE%AE%E0%AF%8D-609285.html. 
  5. குருசாமி மயில்வாகனன், தொகுப்பாசிரியர் (நவம்பர் 05, 2018). குயிலி கற்பனையா? வரலாறா?. தினத்தந்தி நாளிதழ். https://www.dailythanthi.com/News/Sirappukatturaigal/2018/11/05052647/Kuili-fantasy-History.vpf. 

வெளி இணைப்புகள்

"https://ta.wikipedia.org/w/index.php?title=குயிலி_(போராளி)&oldid=3168113" இருந்து மீள்விக்கப்பட்டது