குத்சியா தோட்டம்

யமுனை ஆற்றங்கரையில் குத்சியா அரண்மனை வரைபடம்

1857 இந்தியக் கிளர்ச்சியின் போது பெரிதும் பாதிப்புக்கு உள்ளான சாகி பள்ளிவாசல்

இன்றைய சாகி பள்ளிவாசல் (2012)

குத்சியா பாக் (Qudsia Bagh) என்பது இந்தியாவின் பழைய தில்லியில் அமைந்துள்ள 18 ஆம் நூற்றாண்டைச் சேர்ந்த ஒரு தோட்ட வளாகம் மற்றும் அரண்மனையாகும்.

வரலாறு

முகலாயப் பேரரசர் அகமது சா பகதூரின் தாயார் குத்சியாவுக்காக 1748 ஆம் ஆண்டில் குத்சியா பாக் கட்டப்பட்டது. பழைய தில்லி நகருக்கு வடக்கில் இவ்வளாகம் அமைந்துள்ளது. முன்னதாக இவ்வளாகம் ஓர் அற்புதமான அரண்மனையாகக் கருதப்பட்டது. பழுதடைவதற்கு முன்பாக இவ்வரண்மனை வாரிசு சொத்தாக இருந்தது. 1857 ஆம் ஆண்டு நடைபெற்ற இந்தியக் கிளர்ச்சி ஏற்பட்டபோது இவ்வரண்மனையில் பெரும் பகுதிகள் சேதமாக்கப்பட்டன.

நுழைவாயில், சாகி பள்ளிவாசல் (பேரரசின்) மற்றும் தொழுவங்கள் மட்டும் இன்று அங்கு எஞ்சியிருக்கின்றன. இந்தியத் தொல்லியல் ஆய்வகத்தின் பதிவேடுகளில் இத்தோட்டம் ஒரு பாதுகாக்கப்பட்ட நினைவிடம் என்று பதிவு செய்யப்பட்டுள்ளதாக வரலாற்றாளர் அசன் சாபர் குறிப்பிட்டுள்ளார். குத்சியா பாக் என்ற பெயரை எம்.எம் அக்கர்வால் பூங்கா என்று பெயர் மாற்றம் செய்ய தில்லி மாநகராட்சி திட்டமிட்டது. ஆனால் பலமான எதிர்ப்புகள் கிளம்பின.