குச்சுயிரி உயிர்க்கல கட்டமைப்பு

குச்சுயிரி உயிர்க்கலக் கட்டமைப்பு (bacterial cell structure) எளிமையானது. இருந்தபோதிலும் இது நன்கு வளர்ந்த உயிர்க்கல கட்டமைப்பாகும். இதுவே பல்வேறு தனித்தன்மையான உயிரியல் கட்டமைப்புகளுக்கும் அதன் நோயீனித்தன்மைக்கும் காரணமாகிறது. பல கட்டமைப்புக் கூறுபாடுகள் குச்சுயிரிகளுக்கே உரியவை; அவை தொல்லுயிரிகளிலும் அல்லது முழுக்கருவன் உயிரிகளிலும் காணப்படவில்லை. பெரிய உயிரினங்களுடன் ஒப்பிடும்போது குச்சுயிரியின் எளிமையும் அவற்றைச் செய்முறையில் எளிதாகக் கையாள முடிவதாலும் அவற்றின் கலக் கட்டமைப்பை விரிவாக ஆய்வு செய்ய வழிவகுத்தது; இந்த ஆய்வைப் பிற உயிரினங்களுக்குப் பயன்படுத்த முடிந்தது. இதனால், பல உயிர்வேதியியல் நெறிமுறைகள் கண்டறியப்பட்டன.

கல உருவவியல்

குச்சுயிரிகள் பல வகை உருவங்களில் அமைகின்றன.

குச்சுயிரிகளின்ன் மிக அடிப்படையான இயல்பு அவற்றின் கல வடிவமே ஆகும். வகைமை எடுத்துகாட்டுகள் கீழே உள்ளன:

• வட்டம் அல்லது கோல வடிவம்
• தண்டு வடிவம்
• கோளத்துக்கும் தண்டுக்கும் இடையிலான வடிவம்
• சுருளி வடிவம்
• நீள்படல வடிவம்

கல வடிவம் பொதுவாக குறிப்பிட்ட குச்சுயிரி இனத்தைச் சார்ந்துள்ளது; ஆனால், வளர்ச்சி சூழ்நிலைமைகளைப் பொறுத்து கல வடிவம் மாற வாய்ப்புள்ளது.

குச்சுயிரிக்கல மாந்தக் கல ஒப்பீடு (இரண்டும் கோளங்களாகக் கருதப்படுகின்றன) :

	குச்சுயிரிக் கலம்	மாந்தக் கலம்	ஒப்பீடு
விட்டம்	1μm	10μm	குச்சுயிரி 10 மடங்கு சிறியது.
பரப்பு	3.1μm²	314μm²	குச்சுயிரி 100 மடங்கு சிறியது.
பருமன்	0.52μm³	524μm³	குச்சுயிரி 1000 மடங்கு சிறியது.
பரப்பு-பருமன் விகிதம்	6	0.6	குச்சுயிரி10 மடங்கு பெரியது.