குக்கூ காட்டுப் பள்ளி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

குக்கூ காட்டுப் பள்ளி கிருஷ்ணகிரி மாவட்டத்தில் உள்ள புளியனூர் கிராமத்திற்கு அருகில் உள்ளது. இவ்வமைப்பு குழந்தைகளின் சுயசிந்தனைக்கும், தற்சார்பான வாழ்க்கைமுறைக்கும் முதலிடம் அளிக்கும் மாற்றுக் கல்வி முறையினை முன்னெடுத்துச் செல்லும் அமைப்பு. குறிப்பாக அப்பகுதியில் உள்ள மலைவாழ் குழந்தைகள் முதற்கொண்டு பல்வகைப்பட்ட குழந்தைகளுக்கும் சுதந்திரமான, மகிழ்ச்சிகரமான, வகுப்பறை இல்லா கல்வியை வழங்கி வருகின்றது.

அமைப்பின் செயல்பாடுகள்[தொகு]

  • பள்ளி குழந்தைகளுக்கு பெரிய ஆளுமைகளை அறிமுகம் செய்தல்
  • தற்சார்பு வாழ்வியல் சார்ந்த பயிற்சி பட்டறைகளை நடத்துதல்
  • மாற்றுக் கல்வி குறித்த பயிற்சி பட்டறைகளை நடத்துதல்
  • குழந்தைகளின் திறன் வளர்க்கும் நிகழ்வுகளை ஒருங்கினைத்தல்
  • இயற்கையோடு இனைந்த வாழ்வினை முன்னெடுத்தல்

அமைப்பின் கோட்பாடுகள்[தொகு]

குக்கூ காட்டுப் பள்ளியின் அமைப்பு ஆசிரியர்களுடன் மாணவர்களும் தங்கி இருந்து கற்றல் செயல்பாடுகளில் ஈடுபடுவதாகும். இப்பள்ளிகூடத்தில் புத்தகங்கள் இருக்கும் ஆனால் தேர்வு, தண்டனை, வீட்டுப்பாடம் போன்ற அழுத்தங்கள் மாணவர்களுக்கு இருக்காது.சமூகத்தில் வாழ்வதற்கான அடிப்படைத் திறன்கள் மற்றும் மொழி சார்ந்த திறன்கள் சிறப்பாக அவர்களுக்கு கற்றுத் தரப்படுகிறது. உணவு உற்பத்தி, நெசவு, பாரம்பரிய விளையாட்டுகள், கலைகள் போன்றன கற்றுத் தரப்படுகின்றன.

கட்டுமானங்கள்[தொகு]

இவ்வமைப்பின் கட்டுமானங்கள் தனிச்சிறப்பு வாய்ந்தவையாக உள்ளன. குறிப்பாக இவர்களின் கட்டிடங்கள் அனைத்தும் சுற்றுச்சூழலை பாதிக்காத வகையில் அமைந்நிருக்கும. தன் இருப்பிடத்தைச் சுற்றியுள்ள பொருட்களைக் கொண்டே இவர்களின் கட்டிடங்களுக்கான தேவையை நிறைவேற்றிக் கொள்கின்றனர்.

அமைப்பின் நிர்வாகிகள்[தொகு]

இவ்வமைப்பின் நிர்வாகிகள் அனைவரும் இளைஞர்களாகவே உள்ளனர். உயர்கல்வி நிறுவனங்களில் பயின்று பன்னாட்டு நிறுவனங்களில் பணியாற்றிய பலர் தன் வருமானத்தை பெரிதென கருதாமல் தன்னார்வலர்களாக பணியாற்றி வருகின்றனர். குறிப்பாக அழகேஸ்வரி, சிவராஜ், அசோக்குமார் ஆகியோரைக் குறிப்பிடலாம்.

பிற பணிகள்[தொகு]

  • கல்வி மற்றும் இயற்கை விவசாயம் சார்ந்த புத்தகங்களை பதிப்பிடுதல்
  • தமிழர்களின் மரபு மற்றும் விவசாய உத்திகளை புதுப்பித்தல், விதை சேகரிப்பு
  • மாடித் தோட்டம் பற்றி பயிற்சி அளித்தல்
  • சிறார்களுக்கான மாத இதழ் நடத்துதல்

மேற்கோள்கள்[தொகு]

[1]

  1. அழகேஸ்வரி (16.09.2015). "வனாந்திரத்தில் வசிக்கலாம்". தோழி இதழ். பார்த்த நாள் 6 சூலை 2017.