கீஸ்டோன் (கட்டடக்கலை)

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஒரு வளைவில் கீஸ்டோனின் அமைவிடம்
பல்லாசோ பர்காசியில் கீஸ்டோன் (மிலன், இத்தாலி)
கோட்லிட்ஜ் கோட்டையில் உள்ள கீஸ்டோன்

கீஸ்டோன் அல்லது வளைவு முட்டுக்கல் (ஆங்கிலத்தில் keystone (இதை கேப்ஸ்டோன் capstone என்றும் அழைக்கப்படுவதுண்டு) என்பது கட்டிடங்களில் உள்ள வளைவுகளின் உச்சியில் உள்ள ஆப்பு வடிவ கல் ஆகும். இந்த முட்டுக்கல்தான் அந்த வளைவின் அழுத்தத்தையும், அதற்கு மேல் உள்ள கட்டிடத்தின் எடையையும் தாங்குகிறது.[1][2][3] இந்தக் கல்லை அழகாகத் தோற்றமளிப்பதற்காக பெரிய அளவில் வடிவமைத்தனர். அவற்றில் சிறு சிற்ப வேலைகளைச் செய்வதும் வழக்கமாக இருந்தது. அந்த வளைவின் அழகே இதை மையப்படுத்தித்தான் இருக்கும். இந்த முட்டுக்கல்லானது பெரும்பாலும் கதவுகள், சாளரங்கள் அமைந்துள்ள பகுதியின் உள்ள வளைவின் மையத்தில் அலங்கார வேலைப்பாடுகளுடன் வைக்கப்பட்டிருக்கும்.

வளைவுகளுக்கு கீஸ்டோன் மிக அவசியம். எனினும் அந்த வளைவுகளிலேயே அதுதான் அதிக அழுத்தத்தைத் தாங்குகிறது என்பதில்லை, ஏனென்றால் அதுதானே அந்த வளைவின் உச்சத்தில் இருக்கிறது.[4] பழைய முட்டுக்கற்கள் சில சமயம் உதிர்வதுண்டு இக்கல் உதிர்ந்தால் சீட்டுக்கட்டு மாளிகைபோல வளைவின் பிற கற்களும் அதிர்வினால் விழுந்துவிடும். இதை முட்டாள் வளைவு என அழைப்பர்.

அழகியலுக்கான ஒரு முதன்மைக் கருவியாக இக்கல்லை வளைவில் உள்ள மற்ற ஆப்புவடிவ கற்களைவிட பிரம்மாண்டமாக அமைப்பர். இக்கல்லில் சிற்ப உருவங்களுட அலங்கரிக்கப்பட்டுகிறது.

வரலாறு[தொகு]

கிரேக்கக் கட்டிடங்களில் சில வளைவுகளை வடிவமைத்ததுள்ளனர் என்றாலும், பண்டைய உரோமானியர்களே கீஸ்டோன்களை வளைவுகளில் முதலில் பொருத்தத் தொடங்கினார்கள்.

கட்டிடங்களுக்கு மட்டுமல்ல பாலங்களிலும் உறுதியாக இருப்பதற்காக வளைவான வடிவத்தில் எழுப்பப்பட்டன. தங்களால் வடிவமைக்கப்பட்ட பாலங்களில் ரோமானியர்கள் கீஸ்டோன்களைப் பொருத்தினர். இரண்டாயிரம் வருடங்களுக்கு முன்பாக எழுப்பப்பட்ட இதுபோன்ற பாலங்களை இன்றளவும் காணக்கிடைக்கின்றன.

இந்தியக் கட்டிடக்கலையில் சற்று தாமதமாக இதுபோன்ற வளைவான கட்டுமானங்கள் அறிமுகமாயின. பதினெட்டாம் நூற்றாண்டில் ராஜபுதன அரசர்களும், மராத்திய மன்னர்களும் இவற்றை அழகுபடுத்தினர். முதலில் கோட்டைக் கதவுகள் மற்றும் சாளரங்களுக்குதான் அவற்றைப் பயன்படுத்தினர். பின்னர் கோயில்கள் போன்ற பிரம்மாண்டமான கட்டிடங்களுக்கும் இது அறிமுகப்படுத்தப்பட்டது.[5]

படவரிசை[தொகு]

குறிப்புகள்[தொகு]

  1. Ching, Francis D.K. (1995). A Visual Dictionary of Architecture. New York: John Wiley & Sons, Inc.. பக். 12. பன்னாட்டுத் தரப்புத்தக எண்:0-471-28451-3. 
  2. "Glossary of Medieval Art and Architecture – Keystone". University of Pittsburgh. பார்த்த நாள் 2007-06-25.
  3. "keystone". Merriam Webster. பார்த்த நாள் 2007-06-25.
  4. "Windows and More About Arches". பார்த்த நாள் 2007-06-25.
  5. ஜி.எஸ்.எஸ். (2017 அக்டோபர் 28). "கட்டுமானம் தாங்கும் கீஸ்டோன்". கட்டுரை. தி இந்து தமிழ். பார்த்த நாள் 28 அக்டோபர் 2017.

வெளி இணைப்புகள்[தொகு]

"https://ta.wikipedia.org/w/index.php?title=கீஸ்டோன்_(கட்டடக்கலை)&oldid=2441254" இருந்து மீள்விக்கப்பட்டது