கீரனூர் முத்து

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கீரனூர் முத்து (1943-1965)[1] என்று அறியப்படும் முத்து, இந்தியாவில் இந்தியை ஆட்சி மொழியாக்க நிறைவேற்றப்பட்ட அலுவல்மொழி சட்டம், 1963ஐ அமல் படுத்துவதை எதிர்த்து, தமிழ்நாட்டில் நடந்த இந்தி எதிப்புப் போராட்டத்தின்போது, நஞ்சருந்தி இறந்த ஒரு போராளி ஆவார்.

வாழ்க்கை[தொகு]

புதுக்கோட்டை மாவட்டத்தில் உள்ள அறந்தாங்கி, பாலைவனம் ஜமீனைச் சேர்ந்த சின்னச்சுனையக்காடு என்ற கிராமத்தில் 1943 இல் பிறந்தவர். இவர் 7ஆம் வகுப்புவரை படித்தவர். படிக்கும் போதே தமிழ் ஆர்வத்துடனும், பற்றுடனும் இருந்து வந்தார்.[2] குடும்பச் சூழ்நிலை காரணமாக மேற்கொண்டு படிக்காமல் தன் தந்தையுடன் வேளாண் பணியில் ஈடுபட்டு வந்தார். பிறகு 1965ஆம் ஆண்டு புதுக்கோட்டை, குளத்தூர் வட்டத்தில் உள்ள கீரனூரில் உணவு விடுதியில் வேலை பார்த்து வந்தார்.

இந்தித் திணிப்பை எதிர்த்துப் போராட்டம்[தொகு]

1965 இந்தித் திணிப்பு எதிர்ப்பு போராட்டத்தில் ஈடுபட்டும் வந்த பலர் தீக்குளித்தும், நஞ்சருந்தியும் இறந்த செய்திகளும், ஆயிரக்கனக்கானோர் தடியடி துப்பாக்கி சூட்டுக்கு ஆளான கொடுமைகளைப் படித்தும் கேள்விபட்டும் அறிந்து மனம் வருந்தினார்.

தற்கொலை[தொகு]

"இந்தி தணிப்பை நிறுத்துங்கள்" என்று அன்றைய முதல்வர் பக்தவச்சலத்திற்கும், "தமிழைக் காக்கப் பாடுபடுங்கள்" என்று அண்ணாவுக்கும் கடிதங்களை எழுதி வைத்துக் கொண்டு 1965 பிப்பிரவரி மாதம் நஞ்சுண்டு இறந்து கிடந்தார்.[3] 1967இல் தி.மு.க ஆட்சிக்கு வந்தபின் முத்து இறந்து கிடந்த இடத்தில் சீரணி அரங்கம் ஒன்று கட்டப்பட்டு தியாகி முத்து சீரணி அரங்கு எனப் பெயர் சூட்டப்பட்டது.[4]

குறிப்புகள்[தொகு]

  1. http://tamil.thehindu.com/opinion/columns/%E0%AE%8F%E0%AE%A9%E0%AF%8D-%E0%AE%AE%E0%AF%8A%E0%AE%B4%E0%AE%BF%E0%AE%AA%E0%AF%8D-%E0%AE%AA%E0%AF%8B%E0%AE%B0%E0%AE%BE%E0%AE%B3%E0%AE%BF%E0%AE%95%E0%AE%B3%E0%AF%88-%E0%AE%A8%E0%AE%BE%E0%AE%AE%E0%AF%8D-%E0%AE%A8%E0%AE%BF%E0%AE%A9%E0%AF%88%E0%AE%B5%E0%AF%81%E0%AE%95%E0%AF%82%E0%AE%B0-%E0%AE%B5%E0%AF%87%E0%AE%A3%E0%AF%8D%E0%AE%9F%E0%AF%81%E0%AE%AE%E0%AF%8D/article6819046.ece
  2. தீயில்வெந்த தமிழ்ப் புலிகள். குயில் பண்ணை-சேலம், பக்கம் 21
  3. "மொழிப்போர் ஈகி” கீரனூர் முத்து". akaramuthala.in. பார்த்த நாள் 25 ஏப்ரல் 2016.
  4. தீயில்வெந்த தமிழ்ப் புலிகள். குயில் பண்ணை-சேலம், பக்கம் 22

வெளி இணைப்புகள்[தொகு]

"https://ta.wikipedia.org/w/index.php?title=கீரனூர்_முத்து&oldid=2299115" இருந்து மீள்விக்கப்பட்டது