கிழக்கிந்திய தீவுக்கூட்டம்

கிழக்கிந்தியத் தீவுகளில் அமைந்துள்ள நீர்நிலைகள்

கிழக்கிந்திய தீவுக்கூட்டம் (ஆங்கிலம்: East Indian Archipelago) என்பது பன்னாட்டு நீராய்வியல் அமைப்பால் (International Hydrographic Organization) வரையறுக்கப்பட்ட ஒரு நீர்ப் பகுதியாகும். இது பன்னிரண்டு கடல்கள், இரண்டு வளைகுடாக்கள் மற்றும் கிழக்கிந்தியத் தீவுகளில் (தென்கிழக்காசியா) ஒரு நீரிணையை உள்ளடக்கியது.

பன்னாட்டு நீராய்வியல் அமைப்பு என்பது பன்னாட்டு அரசுகளுக்கு இடையில் நீராய்வியல் துறையைப் பிரதிநிதித்துவப்படுத்தும் ஓர் அமைப்பாகும். உலகில் உள்ள கடல்கள், பெருங்கடல்கள் மற்றும் நீர்நிலைகள் போன்றவற்றை ஆய்வு செய்து உறுதி செய்வதே அந்த அமைப்பின் நோக்கமாகும்.

கடல்கள்

பன்னாட்டு நீராய்வியல் அமைப்பின் 2002-ஆம் ஆண்டின் வரைவு 4; வெளியீடு S-23-இன் பெருங்கடல்கள் மற்றும் கடல்களின் வரம்புகள் (Limits of Oceans and Seas) எனும் பகுதியில்; தென் சீனா & கிழக்கு தீவுக்கூட்டக் கடல்கள் என்ற தலைப்பின் கீழ் பட்டியலிடப்பட்டு உள்ளது.

கிழக்கிந்திய தீவுக்கூட்டத்தின் நீர்நிலைகள்

1. பண்டா கடல் - 695000 கிமீ²
2. அரஃபூரா கடல் - 650000 கிமீ²
3. திமோர் கடல் - 610000 கிமீ²
4. சாவகக் கடல் - 320000 கிமீ²
5. சுலாவெசி கடல் - 280000 கிமீ²
6. சுலு கடல் - 260000 கிமீ²
7. மலுக்கு கடல் - 200000 கிமீ²
8. செராம் கடல் - 12000 கிமீ²
9. புளோரஸ் கடல் - 240000 கிமீ²
10. அல்மகிரா கடல் - 95000 கிமீ²
11. பாலி கடல் - 45000 கிமீ²
12. சாவு கடல் - 35000 கிமீ²
13. போனி வளைகுடா கிமீ²
14. தோமினி வளைகுடா கிமீ²
15. மாக்காசார் நீரிணை கிமீ²

மேற்காணும் பட்டியலில்; 6 கடல்கள், 2 வளைகுடாக்கள், 1 நீரிணை ஆகியவை முழுமையாக இந்தோனேசியாவின் நீர்நிலைகளாகும். பிலிப்பீன்சுக்கும் சபாவிற்கும் (போர்னியோ தீவில் உள்ள மலேசியாவின் ஒரு மாநிலம்) இடையில் அமைந்துள்ள சுலு கடல், இந்தோனேசிய நீர்ப் பகுதியில் இல்லை; மற்ற ஐந்து கடல்களும் பகுதியளவு இந்தோனேசியாவைச் சேர்ந்தவை.

மேலும் காண்க

• கடல்சார் தென்கிழக்காசியா
• நிலப்படவரைவியல்

வெளி இணைப்புகள்

• பொதுவகத்தில் கிழக்கிந்திய தீவுக்கூட்டம் தொடர்பாக ஊடகக் கோப்புகள் உள்ளன.
• அதிகாரப்பூர்வ இணையதளம்