கிள்ளான் கேட் அணை
| கிள்ளான் கேட் அணை Klang Gates Dam | |
|---|---|
 கிள்ளான் கேட் அணை | |
| அதிகாரபூர்வ பெயர் | Empangan Klang Gates |
| நாடு |  மலேசியா |
| அமைவிடம் | உலு கிள்ளான், கோம்பாக்  சிலாங்கூர் |
| புவியியல் ஆள்கூற்று | 3°14′7.44″N 101°45′1.08″E / 3.2354000°N 101.7503000°E |
| நோக்கம் | நீர்த்தேக்கம் |
| நிலை | செயல்பாட்டில் உள்ளது |
| திறந்தது | 1958 |
கிள்ளான் கேட் அணை (மலாய்: Empangan Klang Gates; ஆங்கிலம்: Klang Gates Dam); என்பது மலேசியா, சிலாங்கூர், உலு கிள்ளான், கோம்பாக் மாவட்டத்தில் அமைந்துள்ள ஓர் அணையாகும். இந்த அணை புக்கிட் தபூர் அணை (Bukit Tabur Dam) என்றும் அழைக்கப்படுகிறது.
1958-ஆம் ஆண்டு கட்டி முடிக்கப்பட்ட இந்த அணை, மலேசியாவின் நீர் விநியோகத்திற்கான முதல் அணை என அறியப்படுகிறது; மற்றும் இந்த அனை கான்கிரீட் வளைவு அணையாகும். இதன் மையத்தில் ஒரு நீர்க் கசிவுப் பாதையும் உள்ளது.[1][2]
கூறுகள்
[தொகு]கிள்ளான் கேட் அணையால் உருவாக்கப்பட்டுள்ள கிள்ளான் கேட் நீர்த்தேக்கம்; கிள்ளான் பள்ளத்தாக்குப் பகுதிகளில் வசிககும் மக்களுக்கும்; கோலாலம்பூர் வாழ் மக்களுக்கும்; குடிநீருக்கான முக்கிய உயிர்நாடியாக விளங்குகிறது. இந்த அணையின் நீர் சேமிப்புத் திறன் 25,104 மில்லியன் லிட்டர்கள் ஆகும்.
புக்கிட் நானாஸ் நீர் சுத்திகரிப்பு நிலையம், இந்த நீர்த்தேக்கத்தில் இருந்து மூல நீரை எடுத்து; ஒரு நாளைக்கு 145 மில்லியன் லிட்டர் சுத்திகரிக்கப்பட்ட தண்ணீரை உற்பத்தி செய்கிறது.[3] 2014-ஆம் ஆண்டு, கிள்ளான் பள்ளத்தாக்கில் ஏற்பட்ட நீர் நெருக்கடியினால், இந்த அணையின் கொள்ளளவு 54% வரை குறைந்தது; அதன் காரணமாக 80 நாட்களுக்கு மட்டுமே நீர் விநியோகம் செயல்பாட்டில் இருந்தது.[4]
கிள்ளான் ஆறு
[தொகு]கிள்ளான் ஆறு (Klang River) மலேசியாவின் சிலாங்கூர் மற்றும் கோலாலம்பூர் பகுதிகளில் பாயும் ஒரு முக்கிய ஆறு ஆகும். இதன் ஆற்றுப் படுகையில்தான் கிள்ளான் கேட் அணை உருவாக்கப்பட்டு உள்ளது. மலாக்கா நீரிணையில் கலக்கும் இந்த ஆற்றின் நீளம் 120 கி.மீ.; ஆற்றுப்படுகை 1288 சதுர கி,மீ. கொண்டது; மற்றும் இந்த ஆற்றின் வழித்தடத்தில் 11 கிளையாறுகள் அதனுடன் இணைகின்றன.[5]
கிள்ளான் ஆற்றுப் படுகையில் உள்ள இடங்கள்
[தொகு]
- அம்பாங் ஜெயா
- கோலாலம்பூர்–காராக் விரைவுச்சாலை
- ஜாமிஃ பள்ளிவாசல்
- பிரிக்பீல்ட்ஸ்
- பங்சார்
- லெம்பா பந்தாய்
- கிள்ளான் லாமா சாலை
- பூச்சோங்
- பெட்டாலிங் ஜெயா
- சுபாங் ஜெயா
- சா ஆலாம்
- கிள்ளான்
- கிள்ளான் துறைமுகம்
மேலும் காண்க
[தொகு]மேற்கோள்கள்
[தொகு]- ↑ "Klang Gate Dam". www.instagram.com. Retrieved 30 October 2025.
- ↑ "Klang Gate Dam is located at the foot of Bukit Tabur, Taman Melawati". Warga Taman Keramat. Retrieved 30 October 2025.
- ↑ "UCSI River Watch - The Klang Gates Dam produces 145mil litres of clean water every day". UCSI University (in ஆங்கிலம்). 14 June 2024. Retrieved 30 October 2025.
- ↑ "Only 80 days of water supply left in Malaysia's Klang Valley". The Straits Times. 10 April 2014. https://www.straitstimes.com/asia/se-asia/only-80-days-of-water-supply-left-in-malaysias-klang-valley.
- ↑ "The Klang River winds through Malaysia's capital city of Kuala Lumpur and flows through the most densely populated area of the Southeast Asian country". AECOM. Retrieved 28 March 2022.
வெளி இணைப்புகள்
[தொகு] மலேசிய ஏரிகள் | |
|---|---|
| கெடா | |
| மலாக்கா |
|
| பகாங் | |
| பேராக் | |
| திரங்கானு | |
| கோலாலம்பூர் | |
| சிலாங்கூர் | |
| |