கிளினோயெத்ரைட்டு

கிளினோயெத்ரைட்டு Clinohedrite
நியூஜெர்சியில் கிடைத்த கிளினோயெத்ரைட்டு. புற ஊதா ஒளியில் ஆரஞ்சு நிற ஒளிர்வு.
பொதுவானாவை
வகை	சிலிக்கேட்டு கனிமம்
வேதி வாய்பாடு	CaZn(SiO4)·H2O
இனங்காணல்
நிறம்	நிறமற்றது முதல் பழுப்பு நிற மேற்பரப்பு பூச்சு, தெளிவானது முதல் வெளிர் இளஞ்சிவப்பு முதல் செவ்வந்திக்கல் நிறப் படிகங்கள் வரை
படிக இயல்பு	மெல்லியதாகவோ அல்லது தட்டையாகவோ இருக்கும். மேற்பரப்பு முறிவு பூச்சுகள், குழிகள் அல்லது குழிகளில், அரிதாக படிகங்களின் மேலோடு போல - பட்டகம் முதல் தகடு வரை, ஆப்பு வடிவமாக இருக்கலாம்.
படிக அமைப்பு	ஒற்றைச்சரிவச்சு
பிளப்பு	சரிபிளவு {010}
மோவின் அளவுகோல் வலிமை	5.5
மிளிர்வு	{010} இல் பளபளப்பானது, கண்ணாடி போன்றது; முத்து போன்றது
கீற்றுவண்ணம்	வெண்மை
ஒளிஊடுருவும் தன்மை	ஒளி புகும் மற்றும் ஒளி கசியும்
ஒப்படர்த்தி	3.28–3.33
ஒளியியல் பண்புகள்	ஈரச்சு (−)
ஒளிவிலகல் எண்	nα = 1.662 nβ = 1.667 nγ = 1.669
புறவூதா ஒளிர்தல்	UV=ஆரஞ்சு
பிற சிறப்பியல்புகள்	வலிமையான வெப்ப மின்விளைவு
மேற்கோள்கள்

கிளினோயெத்ரைட்டு (Clinohedrite) CaZn(SiO₄)•H₂O என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். ஓர் அரிய சிலிக்கேட்டு கனிமமான இது நீரிய கால்சியம்-துத்தநாக சிலிக்கேட்டு கனிமமாக வகைப்படுத்தப்படுகிறது. ஒற்றைச்சரிவச்சு படிக அமைப்பில் இக்கனிமம் படிகமாகிறது. பொதுவாக நரம்புகள் மற்றும் முறிவுகள் மேற்பூச்சுகளாகக் காணப்படுகிறது. நிறமற்றும் , வெள்ளை முதல் வெளிர் செவ்வந்திக்கல் நிறத்திலும் இருக்கும். சரியான பிளவுகளுடன் அற்புதமான பளபளப்பைக் கொண்டுள்ளது. 5.5 என்ற மோவின் கடினத்தன்மை மதிப்பும் 3.28–3.33 என்ற ஒப்படர்த்தியையும் கொண்டுள்ளது.

பன்னாட்டு கனிமவியல் சங்கம் கிளினோயெத்ரைட்டு கனிமத்தை Cnhஎன்ற குறியீட்டால் அடையாளப்படுத்துகிறது.

குறுகிய அலை புற ஊதா ஒளியின் கீழ் கிளினோயெத்ரைட்டு அடர் ஆரஞ்சு நிறத்தை ஒளிரச் செய்கிறது. பெரும்பாலும் ஆர்டிசுட்டோனைட்டு (ஊதா நீலத்தை ஒளிரச் செய்கிறது), எசுப்பெரைட்டு (பிரகாசமான மஞ்சள் நிறத்தை ஒளிரச் செய்கிறது), கால்சைட்டு (ஆரஞ்சு-சிவப்பு நிறத்தை ஒளிரச் செய்கிறது), பிராங்க்ளினைட்டு (ஒளிரச் செய்யாதது) மற்றும் வில்லெமைட்டு (பச்சை நிறத்தை ஒளிரச் செய்கிறது) போன்ற கனிமங்களுடன் சேர்ந்து காணப்படுகிறது.

கிளினோயெத்ரைட்டு முதன்மையாக நியூ செர்சியில் உள்ள பிராங்க்ளின் துத்தநாக சுரங்கங்களில் காணப்பட்டது. ஆனால் அரிசோனாவின் கிலா மாகாணத்தில் உள்ள கிறித்துமசு சுரங்கம், மற்றும் சீனாவின் கான்சு மாகாணத்தில் உள்ள மேற்கு குயின்லிங்கு தங்கச் சுரங்கம் ஆகிய பகுதிகளிலும் கிடைப்பதாகப் பதிவாகியுள்ளது.

கிளினோயெத்ரைட்டு முதன்முதலில் 1898 ஆம் ஆண்டில் கண்டுபிடிக்கப்பட்டு விவரிக்கப்பட்டது. சாய்வைக் குறிக்கும் கிரேக்கச் சொல்லான கிளினோவிலிருந்தும், முகத்தைக் குறிக்கும் ஈட்ராவிலிருந்தும் இதன் படிக உருவவியலுக்காக கிளினோயெத்ரைட்டு எனப் பெயரிடப்பட்டது.