கிளினோசோயிசைட்டு

கிளினோசோயிசைட்டு Clinozoisite
கிளினோசோயிசைட்டு
பொதுவானாவை
வகை	சோரோசிலிக்கேட்டுகள் எபிடோட்டு குழு
வேதி வாய்பாடு	Ca2Al3(Si2O7)(SiO4)O(OH)
இனங்காணல்
நிறம்	நிறமற்றது, பச்சை, சாம்பல், இளம்பச்சை, மஞ்சள் பச்சை
படிக இயல்பு	நீளமான பட்டகத்தன்மை படிகங்கள், வரிவரியான மணிகள், இழைகள்
படிக அமைப்பு	ஒற்றைச்சாய்வு
இரட்டைப் படிகமுறல்	{100} இல் பொதுவற்ற மடிப்புநிலை
பிளப்பு	{001} இல் சரிபிளவு
முறிவு	சம்மற்றது/ஒழுங்கற்றது
விகுவுத் தன்மை	நொறுங்கும்.
மோவின் அளவுகோல் வலிமை	6-7
மிளிர்வு	பளபளப்பு
கீற்றுவண்ணம்	சாம்பல் வெண்மை
ஒளிஊடுருவும் தன்மை	ஒளிபுகும் மற்றும் கசியும்
ஒப்படர்த்தி	3.3 - 3.4
ஒளியியல் பண்புகள்	ஈரச்சு (+)
ஒளிவிலகல் எண்	nα = 1.706 - 1.724 nβ = 1.708 - 1.729 nγ = 1.712 - 1.735
இரட்டை ஒளிவிலகல்	δ = 0.006 - 0.011
2V கோணம்	14 முதல் 90° வரை அளக்கப்படுகிறது
மேற்கோள்கள்

கிளினோசோயிசைட்டு (Clinozoisite) என்பது Ca₂Al₃(Si₂O₇)(SiO₄)O(OH) என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். கிளினோசோயிசைட்டானது கால்சியம் அலுமினியம் சோரோசிலிக்கேட்டு கனிம அணைவுச் சேர்ம வகைக் கனிமம் ஆகும். தொடர்ச்சியான திண்மக்கரைசல் தொடராக இது உருவாகிறது. இதனுடன் அலுமினியத்தில் உள்ள இரும்பு(III) பதிலீடு செய்யப்பட்ட எபிடோட்டும் கலந்துள்ளது. அலுமினியம் எபிடோட்டு என்ற பெயராலும் இதை அழைக்கலாம்.

அலுமினியம் தளத்தில் மாங்கனீசு(III) பதிலீடு செய்யப்பட்டதால் தோன்றும் இளம் சிவப்பு சாயலுடன் கிளினோதுலைட்டு என்ற வகை கனிமம் உருவாகிறது. ஆத்திரியாவின் கிழக்கு தைரோல் என்ற சிற்றூரில் முதன் முதலில் கண்டறியப்பட்டது. ஒற்றைச் சாய்வு படிக அமைப்புடன் சோயிசைட்டு போன்ற தோற்றத்துடன் காணப்பட்ட்தால் இக்கனிமத்திற்கு கிளினோசோயிசைட்டு என்ற பெயர் சூட்டப்பட்டது.

பாறைகளில் இக்கனிமம் தோன்றும்போது தாழ்ந்த முதல் நடுத்தரமான பிராந்திய உருமாற்றத்திற்கு உட்படுகிறது. உயர் கால்சியம் படிவுப்பாறைகளுடன் தொடர்பு உருமாற்றத்திலும் உள்ளது. பிளாகியோகிளேசு கனிமத்தின் திருத்தப்பட்ட வடிவமான சாசுரைட்டு கனிமத்தொகுப்பிலும் கிளினோசோயிசைட்டு தோன்றுகிறது.

கிளினோசோயிசைட்டும் பரகோனைட்டு கனிமமும் இணைந்து காணப்படுகின்றன என்று யேடெயிட்டைக் கொண்டுள்ள பைரோக்சென் கனிமங்களால் அறியமுடிகிறது. கீழ்கண்ட வினையின் மூலம் குவார்ட்சு மற்றும் நீரை விடுவிப்பதன் மூலம் இலாவ்சோனைட்டிலிருந்து இவை வருவிக்கப்படுகின்றன :

4CaAl₂Si₂O₈(H₂O)₂ + NaAlSi₂O₆ <=> 2Ca₂Al₃Si₃O₁₂(OH) + NaAl₃Si₃O₁₀(OH)₂ + SiO₂ + 6H₂O

பன்னாட்டு கனிமவியல் சங்கம் கிளினோசோயிசைட்டு கனிமத்தை Czo என்ற குறியீட்டால் அடையாளப்படுத்துகிறது.