கிளாரா ஜோகன்சன்
கிளாரா எலிசபெத் ஜோகன்சன் (Klara Elisabeth Johanson) (6 அக்டோபர் 1875 - 8 அக்டோபர் 1948) சுவீடனைச் சேர்ந்த இலக்கிய விமர்சகரும் கட்டுரையாளருமார். தன்னுடைய நகரத்தில் ஒரு பெண்ணுக்கு வழக்கத்திற்கு மாறாக நன்கு படித்தவர். இவர் ஆரம்பத்தில் பத்திரிகைகள் மற்றும் செய்தித்தாள்களுக்கு எழுதினார். பின்னர் பிரெட்ரிகா பிரேமரின் கடிதப் பரிமாற்றத்தை இவரும் இவரது கூட்டாளியும் ஐந்து ஆண்டுகள் தொகுத்தனர். இவர் தனது சொந்த புத்தகங்களை வெளியிடுவதற்கு இணையாக அமெரிக்க எழுத்தாளர்களை அறிமுகப்படுத்துவதில் பெயர் பெற்றவர்.
சுயசரிதை[தொகு]
கிளாரா ஜோகன்சன் 1875 ஆம் ஆண்டில் ஹால்ம்ஸ்டாட்டில் செல்வந்தரான பர்ரியர் அலெக்சாண்டர் ஜோகன்சன் மற்றும் அன்னா கிறிஸ்டினா ஜோகன்சன் ஆகியோருக்குப் பிறந்தார். 1894 ஆம் ஆண்டு மேல்நிலைப் பள்ளி இறுதித் தேர்வில் கலந்து கொண்ட இருந்து முதல் பெண்மணி ஆவார் [1] [2] உப்சாலா பல்கலைக்கழகத்தில் மனிதநேயத்தில் முதுகலைப் படிப்பைத் தொடர்ந்த இவர் 1897 இல் பட்டம் பெற்றார். பின்னர் ஸ்டாக்ஹோமுக்கு குடிபெயர்ந்தார் .அங்கு பெண்கள் உரிமைகள் அமைப்பான பிரெட்ரிகா பிரேமர் சங்கத்தின் இதழான டாக்னியின் துணை ஆசிரியரானார். 1901 ஆம் ஆண்டில், ஸ்டாக்ஹோம்ஸ் டாக்ப்ளாடி என்ற பத்திரிக்கையில் சேர்ந்தார். தனது சொந்த பெயரில் இலக்கிய விமர்சனத்திற்கும், ஹக் லெபர் என்ற பெயரில் நகைச்சுவையான கதைகளுக்கும் பங்களித்தார். [2] 1912 வரை செய்தித்தாளில் எழுதினார்; இந்த காலகட்டத்தில், ஜோகன்சன் "உயர்ந்த அழகியல் உணர்திறன் கொண்ட சுவீடனின் மிகவும் திறமையான விமர்சகர்" என்று விவரிக்கப்பட்டார். [1]
சான்றுகள்[தொகு]
- ↑ 1.0 1.1 Svensson, Ingrid (2012). "Johanson, Klara". http://nordicwomensliterature.net/writer/johanson-klara.
- ↑ 2.0 2.1 Svensson, Ingrid (2002). Who's Who in Gay and Lesbian History: From Antiquity to World War II. https://books.google.com/books?id=zLWTqBmifh0C&pg=PA274.
| பன்னாட்டு | |
|---|---|
| தேசிய | |
| மற்றவை | |
