கிரந்திகாரி ஆதிவாசி மகிளா சங்கதன்
கிரந்திகாரி ஆதிவாசி மகிளா சங்கதன் (Krantikari Adivasi Mahila Sangathan புரட்சிகர ஆதிவாசி பெண்கள் அமைப்பு ) [1] இந்தியாவில் தடைசெய்யப்பட்ட [2] பெண்கள் அமைப்பு ஆகும். கிரந்திகாரி ஆதிவாசி மஹிலா சங்கதன் (காம்ஸ்) என்பது ஆதிவாசி மகளிர் சங்கத்தானாவின் (AMS) தோன்றல் ஆகும். [3] ஆதிவாசி மகளிர் சங்கதனாவின் அடித்தளம் 1986 இல் மாவோயிஸ்டுகளால் உருவாக்கப்பட்டது.
குறிக்கோள் மற்றும் நோக்கம்[தொகு]
காம்ஸ் இன் பதிவுசெய்யப்பட்ட உறுப்பினர்களின் எண்ணிக்கை சுமார் 90,000 ஆகும், [4] இது பதிவு செய்யப்பட்ட உறுப்பினர்களின் எண்ணிக்கையைப் பொறுத்தவரையில் இந்தியாவின் மிக உயர்ந்த மகளிர் அமைப்புகளில் ஒன்றாக உள்ளது. [5] ஆனால், 2011 ல், ராகுல் பண்டிதா, காம்ஸ் இன் உறுப்பினர்கள் சுமார் 100,000 என மதிப்பிடப்பட்டதாகக் கூறினார்.
காம்ஸ் பெண்கள் எதிர்கொள்ளும் பல்வேறு சமூக பிரச்சனைகளில் கவனம் செலுத்துகிறது. காம்ஸ் உறுப்பினர்கள் சமூகத்தில் பெண்களுக்கு எதிரான செயல்களை குறிப்பாக பெண்களை கடத்துவது மற்றும் அவர்களின் விருப்பத்திற்கு எதிராக திருமணம் செய்ய கட்டாயப்படுத்துவது, பலதார மணம் போன்றவற்றை எதிர்த்து போராடுகிறார்கள். அமைப்பின் உறுப்பினர்கள் மாதவிடாய் காலத்தில் கிராமத்தை விட்டு வெளியேறி காட்டில் தஞ்சமடையும் ஆதிவாசி பாரம்பரியத்திற்கு எதிராக பிரச்சாரம் செய்தனர். உறுப்பினர்கள் தங்கள் சமூகங்களில் உள்ள ஆணாதிக்க மனநிலைக்கு எதிரான நிலைப்பாட்டை எடுக்கின்றனர். [6] தண்டகாரண்யாவில், ஆதிவாசி ஆண்கள் வயல்களில் விதைகளை விதைக்க பெண்களை அனுமதிக்கவில்லை, ஆனால் காம்ஸ் இன் உறுப்பினர்கள் இந்திய கம்யூனிஸ்ட் கட்சியை (மாவோயிஸ்ட்) அணுகியபோது, கட்சி (ஆதிவாசிகளுடன்) சந்திப்புகளை நடத்தியது. சந்திப்பின் போது, ஆதிவாசி ஆண்கள் தங்கள் தவறை ஏற்றுக்கொண்டு, இதுபோன்ற செயல்களில் ஈடுபடாமல் இருக்க முடிவு செய்தாலும், அவர்கள் இன்னும் தங்கள் முடிவை நடைமுறைக்கு கொண்டு வரவில்லை. எனினும், சிபிஐ (மாவோயிஸ்ட்) பெண்கள் "ஜந்தனா சர்க்கார் விற்கு சொந்தமான பொதுவான நிலங்களில்," பெண்கள் விதை விதைக்கவும், காய்கறிகளை வளர்க்கவும் உறுதி அளித்தனர் [5]
பஸ்தர் மாவட்டத்தில், காம்ஸ் உறுப்பினர்கள் காவல் துறையினரின் கொடுமைகளை முன்னிலைப்படுத்த நூற்றுக்கணக்கானோருடன் திரண்டனர். மேலும், சில நேரங்களில் வருகை ஆயிரக்கணக்கானோர் காவல் துறையினரை "உடல்ரீதியாக எதிர்கொள்ள" இருந்தனர்.
அருந்ததி ராய் பின்வருமாறு எழுதுகிறார்,
காம்ஸ் என்பது பாரம்பரிய அணுகுமுறைகளை தீவிரமாக மாற்றியுள்ளது மற்றும் பெண்களுக்கு எதிரான பாரபட்சத்தின் பல பாரம்பரிய வடிவங்களை எளிதாக்கியுள்ளது.
அமைப்பின் உறுப்பினர்கள் கட்டாய இடம்பெயர்வு மற்றும் பிற அரசியல் பிரச்சினைகள் போன்ற பிரச்சினைகளையும் எதிர்கொள்கின்றனர். [7] காம்ஸ் தண்டகாரண்ய பிராந்தியத்தில் சுரங்கத் தொழில் செய்வதனை எதிர்க்கிறது என்று ராய் கூறுகிறார்.
சல்வா ஜூடும் மூலம் குற்றம் சாட்டப்பட்டது[தொகு]
கேஎம்எஸ்ஸின் மூத்த ஊழியர் அருந்ததி ராயிடம் சல்வா ஜூடும் உறுப்பினர்களால் பாலியல் பலாத்காரம் செய்யப்பட்ட பின்னர், அமைப்பின் உறுப்பினர்கள் பலர் காம்சினை விட்டு வெளியேறி சிபிஐ -யில் சேர்ந்தனர் என்று கூறினார். காம்ஸ் உறுப்பினர்களாக இல்லாத ஆனால் சல்வா ஜூடும் உறுப்பினர்களால் காம்ஸ் உறுப்பினர்கள் மீதான கொடுமைகளைக் கண்ட பல பெண்களும் மாவோயிஸ்டுகளுடன் சேர்ந்துள்ளனர்.
சட்ட ரீதியான தகுதி[தொகு]
காம்ஸ் இந்திய கம்யூனிஸ்ட் கட்சி (மார்க்சிஸ்ட் -லெனினிஸ்ட்) மக்கள் போரின் ஒரு முன்னணி அமைப்பாக அறிவிக்கப்பட்டது, இதனால் இந்த அமைப்பு தடை செய்யப்பட்டது. [8] அருந்ததி ராய் கூறுகையில் , இந்திய அரசாங்கம் எந்த நேரத்திலும் 90,000 உறுப்பினர்களையும் "அழிக்க" முடியும். என்று எழுதினார்.
நான் மிகவும் உறுதியான பாரபட்சத்துடன் சென்றேன். ஒரு ஆயுதப் போராட்டத்தில், பெண்கள் வன்முறையின் முடிவில் இருந்தனர். அங்கு இருந்த கொரில்லாக்களில் 48 சதவிகிதம் பெண்களாக இருந்ததினைக் கண்டேன். அவர்கள் தங்களது தாய்மார்கள் மற்றும் சகோதரிகள் பாலியல் பலாத்காரம் செய்யப்படுவதையும்,வீடுகள் எரிக்கப்பட்டதையும்,நேரில் கண்டுள்ளனர் அல்லது அவர்களின் சொந்த சமூகத்தின் ஆணாதிக்கத்திலிருந்து தப்பிக்க அவர்கள் இதில் சேர்ந்துள்ளனர். கிரந்திகாரி ஆதிவாசி மகிளா சங்கதன் (சத்தீஸ்கர் மாநிலத்தில் ஒரு பெண்கள் அமைப்பு) 90,000 உறுப்பினர்களைக் கொண்டுள்ளது மற்றும் அநேகமாக இந்தியாவின் மிகப்பெரிய பெண்ணிய இயக்கமாகும். ஆனால் அவர்கள் அனைவரும் பயங்கரவாதிகள் என்று அழைக்கப்படுகிறார்கள் என்று கூறினார்.
சான்றுகள்[தொகு]
- ↑ Pandita, Rahul. Hello, Bastar – The Untold Story of India's Maoist Movement. Westland (Tranquebar Press). https://books.google.com/books?id=IZ83V3JLXFMC.[தொடர்பிழந்த இணைப்பு]
- ↑ Sen, Shoma (3 November 2010). "Contemporary anti-displacement struggles and women's resistance: a commentary". Sanhati. பார்க்கப்பட்ட நாள் 9 September 2013.
- ↑ Roy, Arundhati. Broken Republic. Penguin Books. https://books.google.com/books?id=bMXB6sGPk2kC&q=Krantikari+Adivasi+Mahila+Sangathan.
- ↑ Maheshwari, Arpan. "Understanding Well-Being of the Tribals in Naxalite Region". Indian Institute of Technology, Kanpur இம் மூலத்தில் இருந்து 2013-10-17 அன்று. பரணிடப்பட்டது.. https://web.archive.org/web/20131017154146/http://www.cse.iitk.ac.in/users/arpanm/Understanding_Well-Being_of_the_Tribals_in_Naxalite_Region.pdf.
- ↑ 5.0 5.1 .
- ↑ Roy, Arundhati (26 March 2012). "Capitalism: A Ghost Story". Outlook. பார்க்கப்பட்ட நாள் 9 September 2013.
- ↑ "Institutions of democracy weak". 5 February 2011. http://www.thehindu.com/todays-paper/tp-national/institutions-of-democracy-weak/article1158114.ece. பார்த்த நாள்: 9 September 2013.
- ↑ "New guerrilla squad emerges in Madhya Pradesh". தி இந்து (Bhopal). 18 August 2005 இம் மூலத்தில் இருந்து 14 நவம்பர் 2013 அன்று. பரணிடப்பட்டது.. https://web.archive.org/web/20131114000109/http://hindu.com/2005/08/18/stories/2005081810950500.htm. பார்த்த நாள்: 9 September 2013.