காரிரத்தினக் கவிராயர்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

காரிரத்தினக் கவிராயர் உரையாசிரியர்களுள் குறிப்பிடத் தக்கவர். இவர் ஒரு வைணவப் புலவராவார். இவரது காலம் 17-ம் நூற்றாண்டு ஆகும்.

பிறப்பு[தொகு]

திருநெல்வேலி மாவட்டத்தில் ஆழ்வார் திருநகரிக்கு அருகில் உள்ள தென்திருப்பேரையில் வேளாண் மரபில் பிறந்தவர். காரிரத்தினம் என்பது நம்மாழ்வாரின் சிறப்புப் பெயர். வைணவராகிய இக் கவிராயர் நம்மாழ்வாரின் பெயரைப் பெற்றார்.

கல்வி[தொகு]

ஆழ்வார் திருநகரில் இருந்த 'மாறன் அலங்காரம்' முதலான நுல்களை இயற்றிய திருக்குருகைப் பெருமள் கவிராயரிடம் கல்வி பயின்றார்.

எழுதிய நூல்கள்[தொகு]

மாறன் அலங்காரம் என்ற நூலுக்கு உரையும், திருக்குறள் பரிமேலழகர் உரைக்கு விளக்கமாக 'நுண் பொருள் மாலை' என்ற ஒரு நூலும் இயற்றியுள்ளார். 'தொல்காப்பிய நுண் பொருள் மாலை' என்ற உரை விளக்கம் எழுதியதாகக் கூறுவர்.