காராங்கசெம் பிராந்தியம்

காராங்கசெம் பிராந்தியம்
காராங்கசெம் பிராந்தியம் Karangasem Regency ; Kabupaten Karangasem; ᬓᬩᬸᬧᬢᬾᬦ᭄ᬓᬭᬂᬳᬲᭂᬫ᭄
	பிராந்தியம்
	பெசாகி கோயில், பாலி அகோங் மலை புரா லெம்புயாங் அமெட் கடற்கரை பாண்டான் போர் நாடகம் பாடாங்பாய் துறைமுகம் நிகாபெரி கூத்து
	; சின்னம்
	; பாலியில் காராங்கசெம்
	காராங்கசெம்
	ஆள்கூறுகள்: 8°23′S 115°31′E / 8.383°S 115.517°E
நாடு	இந்தோனேசியா
மாநிலம்	பாலி
தலைநகரம்	அமலாபுரம்
பரப்பளவு
• மொத்தம்	839.54 km2 (324.15 sq mi)
மக்கள்தொகை (2024)
• மொத்தம்	5,36,477
• அடர்த்தி	640/km2 (1,700/sq mi)
வழிபாடு
• சமயம்	95,76% இந்து; 3,96% இசுலாம்; 2,31% வேறு; 0,19% கிறிஸ்தவம் 0,13% சீர்திருத்தத் திருச்சபை; 0,06% கத்தோலிக்கம்; ; ; 0,09% பௌத்தம்; 0,01% கன்பூசியஸ்;
• HDI (2023)	70,09 (2023); உயர்வு
நேர வலயம்	இந்தோனேசிய நேரம் +8
அஞ்சல் குறியீடு	+62 361
தொலைபேசி	(+62) 363
வாகனப் பதிவெண்கள்	DK
இணையதளம்	karangasemkab.go.id

காராங்கசெம் பிராந்தியம் (ஆங்கிலம்: Karangasem Regency; பாலினியம்: Kabupatén Karaṅasĕm; இந்தோனேசியம்: Kabupaten Karangasem) என்பது இந்தோனேசியா, பாலி தீவில் ஒரு பிராந்தியம் ஆகும். இந்தப் பிராந்தியத்தின் தலைநகரம் அமலாபுரம் (Amlapura).^[1] காராங்கசெமின் ஆட்சிப் பகுதி "பாலியின் ஆன்மீக உணர்வு" என்று அறியப்படுகிறது. பாலியின் தாய் கோயிலான பெசாகி கோயில் மற்றும் பாலியின் பல பெரிய கோயில்கள் இந்தப் பிராந்தியத்திதான் அமைந்துள்ளன.^[4]

பாலி தீவின் கிழக்குப் பகுதியில் அமைந்துள்ள காராங்கசெம் பிராந்தியம் 839.54 கிமீ² பரப்பளவைக் கொண்டுள்ளது; மற்றும் 2024-ஆம் ஆண்டு மக்கள் தொகை கணக்கெடுப்பின்படி 536477 மக்கள் தொகையைக் கொண்டிருந்தது.^[2] கிராமங்கள், குக்கிராமங்கள் மற்றும் கோயில்களைக் கொண்ட காராங்கசெம்; பாலி தீவின் மிகப்பெரிய செயல்நிலை எரிமலையான அகோங் மலை அமைந்துள்ள பசுமை நிலப்பரப்பைக் கொண்டுள்ளது.^[4]

1963-ஆம் ஆண்டு அகோங் மலை வெடித்து 1,900 பேர் கொல்லப்பட்டபோது காராங்கசெம் பேரழிவிற்கு உள்ளானது. பாலி தீவை இடச்சுக்காரர்கள் கைப்பற்றுவதற்கு முன்பு காராங்கசெம் ஓர் இராச்சியமாக இருந்தது.

பொது

துக்கட் உண்டா ஆறு காராங்கசெம்; மற்றும் சுற்றியுள்ள பிற நகரங்களின் குறுக்கே பாய்கிறது. இந்த ஆறு பெரும்பாலும் நெல் வயல் நீர்ப் பாசனத்திற்குப் பயன்படுத்தப்படுகிறது. காராங்கசெமில் சுபாக் நீர்ப்பாசன அமைப்புகள் (Subak); 135 நீர் சுபாக்கள் (subak yeh); மற்றும் 158 தோட்ட சுபாக்கள் (subak abian) செயல்பாட்டில் உள்ளன.^[5] காராங்கம் பிராந்தியத்தின் கடற்கரை 87 கி.மீ நீளம் கொண்டது. அவற்றில் சில கடற்கரைகள் சுற்றுலாப் பயணிகளுக்கு ஏற்றவையாக உள்ளன.^[6]

வரலாறு

காராங்கசெம் இராச்சியம் 1600-ஆம் ஆண்டு பாலி தீவில் உருவான ஓர் இந்து இராச்சியமாகும். அதன் உச்சக்கட்ட காலத்தில், இந்த இராச்சியம் லொம்போக் தீவு வரை பரந்த நிலப்பரப்பைக் கொண்டிருந்தது. 1894-இல் இடச்சுக்காரர்களுடன் நடந்த போரில் தோல்வியடைந்த பிறகு, காராங்கசெம் இடச்சு கிழக்கிந்திய அரசாங்கத்தின் கட்டுப்பாட்டின் கீழ் வந்தது. இந்தோனேசியா குடியரசு விடுதலை அடைந்த பிறகு, காராங்கசெம் இராச்சியம், இந்தோனேசிய அரசாங்கத்தின் கீழ் இரண்டாம் நிலை ஆட்சிப் பகுதியாக மாறியது.

காராங்கா சமாதி

காராங்கசெம் இராச்சியம் நிறுவப்பட்ட வரலாற்றுக் காலத்தில் இருந்து காராங்கசெம் பிராந்தியத்தின் வரலாற்றையும் பிரிக்க முடியாது. கரங்காசெம் (Karangasem) என்ற பெயர் உண்மையில் காராங்கா சமாதி (Karang Semadi) என்ற சொல்லில் இருந்து வந்தது. காராங்கசெம் என்ற பெயரின் தோற்றத்தைக் கொண்ட சில வரலாற்றுப் பதிவுகள் கிடைக்கப்பெற்று உள்ளன.^[7]

பாடுங் பிராந்தியத்தின் மங்குபுரம் (Mangupura) நகர்ப்பகுதியின் கெரியா மந்தாரா (Geria Mandara) கிராமத்தில் கண்டுபிடிக்கப்பட்ட சாடிங் சி கல்வெட்டில் (Sading C Inscription) காராங்கசெம் வரலாற்றுப் பதிவுகள் கிடைத்துள்ளன. அமலாபுரம் நகருக்கு வடகிழக்கில் உள்ள லெம்புயாங் மலைக்கு, முதலில் அட்ரி காராங் (Adri Karang) என்று பெயரிடப்பட்டது; அதாவது காராங் மலை அல்லது பவள மலை என்று பொருள்படும்.^[8]

காராங்கசெம் இராச்சியம்

16 - 17-ஆம் நூற்றாண்டுகளில், காராங்கசெம் இராச்சியம்; கெல்கெல் இராச்சியத்தின் கீழ் இருந்தது. காராங்கசெம் இராச்சியத்தின் மன்னர் தேவா காராங்கமலா (Dewa Karangamala) என்பவர் செலகுமி எனும் தற்போதைய பலேபுண்டுக் (Balepunduk) நகரில் வசித்து வந்தார். தேவா காராங்கமலா ஒரு கட்டத்தில் குஸ்தி ஆர்யா பாடாஞ்சேருக் (Gusti Arya Batanjeruk) என்பவரின் விதவையை மணந்தார். குஸ்தி ஆர்யா பாடாஞ்சேருக் என்பவர் காராங்கசெம் இராச்சியத்தில் ஓர் அரச ஆளுநராக இருந்தார்.^[8]

குஸ்தி ஆர்யா பாடாஞ்சேருக், காராங்கசெம் இராச்சியத்தின் மன்னர் தேவா காராங்கமலாவிற்கு எதிராக ஒரு கிளர்ச்சியை நடத்தினார். அந்தக் கிளர்ச்சியில் குஸ்தி ஆர்யா பாடாஞ்சேருக் கொல்லப்பட்டார். பின்னர் பாடாஞ்சேருக்கின் விதவை மனைவியை, மன்னர் தேவா காராங்கமலா மணந்தார். விதவை மனைவியின் குழந்தைகள் காராங்கசெம் இராச்சியத்தின் ஆட்சியாளராக வேண்டும் என்ற ஒரு நிபந்தனையுடன் திருமணம் நடைபெற்றது..^[7]

பின்னர் மன்னர் தேவா காராங்கமலாவின் குடும்பம் செலகுமி நகரில் (Selagumi) இருந்து பத்து ஆயா (Batuaya) எனும் இடத்திற்கு இடம் பெயர்ந்தது. பாடாஞ்சேருக்கின் விதவை மனைவியின் மகனிடம் காராங்கசெம் இராச்சியத்தின் அதிகாரம் ஒப்படைக்கப்பட்டது. அதன் பிறகு காராங்கசெம் இராச்சியம்ம் பாடாஞ்சேருக் மரபு வழியால் (Batanjeruk Dynasty) ஆட்சி செய்யப்பட்டது.^[9]

நிர்வாக மாவட்டங்கள்

காராங்கசெம் பிராந்தியம் 8 மாவட்டங்களாக (Districts of Indonesia) (Kecamatan) பிரிக்கப்பட்டுள்ளது.

நிர்வாக குறியீடு	மாவட்டம் (Kecamatan)	பரப்பு கிமீ ²	மக்கள் தொகை 2010	மக்கள் தொகை 2020	மக்கள் தொகை 2022	கிராமம்	அஞ்சல் குறியீடு
51.07.01	ரென்டாங்	109.70	36,931	41,782	42,600	6	80863
51.07.02	சிடேமேன்	35.15	31,617	37,045	38,000	10	80864
51.07.03	மங்கிஸ்	69.83	44,041	54,608	56,700	12	80871
51.07.04	காராங்கசெம் (மாவட்டம்)	94.23	82,606	100,036	103,300	11	80811 -80813
51.07.05	அபாங்	134.05	60,965	80,345	84,300	14	80852
51.07.06	பெபான்டெம்	81.51	45,160	54,941	56,800	8	80861
51.07.07	செலாட்	80.35	38,114	44,284	45,400	8	80862
51.07.08	கூபு	234.72	57,053	79,361	84,200	9	80853
	மொத்தம்	839.54	396,487	492,402	511,300	76

காலநிலை

காராங்கசெம் பிராந்தியம் வெப்பமண்டல மழைக்காடு காலநிலை (Af) கொண்டது. ஆண்டு முழுவதும் மிதமான மழைப்பொழிவு முதல் கனமழை வரை இருக்கும்.

காட்சியகம்

காராங்கசெம் பிராந்திய காட்சிப் படங்கள்

அகோங் மலை
பாலி, கேண்டிடாசா கடற்கரை
பாண்டான் மல்யுத்தம்
தீர்த்தா அரண்மனை
உஜுங் அரண்மனை (1935)

மேலும் காண்க

மேற்கோள்கள்

1 2 Badan Pusat Statistik, Jakarta, 2023, Kabupaten Karangasem Dalam Angka 2023 (Katalog-BPS 1102001.5107)
1 2 "Visualisasi Data Kependudukan Kementerian Dalam Negeri - Dukcapil 2024" (Visual). gis.dukcapil.kemendagri.go.id. Retrieved 22 August 2024.
↑ "Indeks Pembangunan Manusia Provinsi Bali Menurut Kabupaten/Kota 2021-2023". www.bali.bps.go.id. Retrieved 6 December 2023.
1 2 "The regency of Karangasem is well known as "The Spirit of Bali" whereas the mother temple of Besakih and several other big temples of Bali are located". Organization of World Heritage Cities. Retrieved 7 March 2025.
↑ Regency, BPS-Statistics Indonesia Karang Asem. "Karangasem Regency in Figures 2024". karangasemkab.bps.go.id (in ஆங்கிலம்). Retrieved 7 March 2025.
↑ "KARANGASEM PLACE OF INTEREST | AMLAPURA TOURISM SITE". www.baligoldentour.com. Retrieved 7 March 2025.
1 2 =PA790 Southeast Asia: a historical encyclopedia, from Angkor Wat to East ..., Volume 3 by Keat Gin Ooi p.790ff
1 2 [ http://books.google.com/books?id=3zfVsO28NsYC&pg=PA20 Priests and programmers by John Stephen Lansing p.20]
↑ The rough guide to Bali & Lombok by Lesley Reader, Lucy Ridout p.298

மேலும் படிக்க

Vickers, Adrian (1995), Oey, Eric, ed. (1995). Bali. Singapore: Periplus Editions. ISBN 962-593-028-0.

வெளி இணைப்புகள்

பொதுவகத்தில் காராங்கசெம் பிராந்தியம் தொடர்பாக ஊடகக் கோப்புகள் உள்ளன.
விக்கிச்செலவில் செலவு வழிகாட்டி: East Bali
அதிகாரப்பூர்வ இணையதளம்

[Badan_Pusat_Statistik_2023-1] 1 2 Badan Pusat Statistik, Jakarta, 2023, Kabupaten Karangasem Dalam Angka 2023 (Katalog-BPS 1102001.5107)

[DUKCAPIL-2] 1 2 "Visualisasi Data Kependudukan Kementerian Dalam Negeri - Dukcapil 2024" (Visual). gis.dukcapil.kemendagri.go.id. Retrieved 22 August 2024.

[IPM-3] "Indeks Pembangunan Manusia Provinsi Bali Menurut Kabupaten/Kota 2021-2023". www.bali.bps.go.id. Retrieved 6 December 2023.

[Observer_Member-4] 1 2 "The regency of Karangasem is well known as "The Spirit of Bali" whereas the mother temple of Besakih and several other big temples of Bali are located". Organization of World Heritage Cities. Retrieved 7 March 2025.

[5] Regency, BPS-Statistics Indonesia Karang Asem. "Karangasem Regency in Figures 2024". karangasemkab.bps.go.id (in ஆங்கிலம்). Retrieved 7 March 2025.

[6] "KARANGASEM PLACE OF INTEREST | AMLAPURA TOURISM SITE". www.baligoldentour.com. Retrieved 7 March 2025.

[Ooi-7] 1 2 =PA790 Southeast Asia: a historical encyclopedia, from Angkor Wat to East ..., Volume 3 by Keat Gin Ooi p.790ff

[Lansing-8] 1 2 [ http://books.google.com/books?id=3zfVsO28NsYC&pg=PA20 Priests and programmers by John Stephen Lansing p.20]

[9] The rough guide to Bali & Lombok by Lesley Reader, Lucy Ridout p.298

[1]

[2]

[3]

[4]

[5]

[6]

[7]

[8]

[9]

பா உ தொ பாலி நகரங்கள்
பாடுங்	அபியான்செமல் கூத்தா லெகியான் மங்காபுரா மெங்வி நுசா டுவா செமிஞ்சாக் தீபுபெனேங் உலுவத்து
பாங்கிலி	தபனான் கெல்கெல் ஜிம்ரான்
புலெலெங்	கிந்தாமணி கெரோகாக் சிங்கராஜா சும்பர்கிமா லோவினா
தென்பசார்	தென்பசார் சனூர்
கியான்யார்	கியான்யார் பத்துவான் பெஜெங் தம்பாக்சிரிங் உபுட்
ஜெம்பரானா	நெகாரா
காராங்கசெம்	அமேட் அமலபுரா
குலுங்குங்	அமேட் அமலபுரா நுசா செனிங்கான் நுசா பெனிடா செமராபுரா கெல்கெல்
தபனான்	தபனான் தானா லாட் பெடுகுல்
மேலும் காண்க: இந்தோனேசியாவின் பிராந்தியங்கள் மற்றும் மாநகரங்களின் பட்டியல் இந்தோனேசிய நிர்வாக உட்பிரிவுகள்

பா உ தொ பாலியின் பிராந்தியங்கள் மாநகரங்கள்
தலைநகரம்: தென்பசார்
பிராந்தியங்கள் (Regencies)	பாடுங் பாங்கிலி புலெலெங் கியான்யார் ஜெம்பரானா காராங்கசெம் குலுங்குங் தபனான்
மாநகர நிலை (City Status)	தென்பசார்
மேலும் காண்க: இந்தோனேசியாவின் பிராந்தியங்கள் மற்றும் மாநகரங்களின் பட்டியல் இந்தோனேசிய நிர்வாக உட்பிரிவுகள்