காம்பிர் சட்டமன்றத் தொகுதி

காம்பிர் (N09) ஜொகூர் மாநில சட்டமன்றத் தொகுதி ஜொகூர்
Gambir (N09) State Constituency in Johor
வாக்காளர்களின் எண்ணிக்கை	29,434 (2022)
முன்னாள் தொகுதி
உருவாக்கப்பட்ட காலம்	2003
கட்சி	பாரிசான் நேசனல்
சட்டமன்ற உறுப்பினர்	சகிரிகான் ஜானி
முதல் தேர்தல்	2004
இறுதித் தேர்தல்	2022
பரப்பளவு	219 சதுர கி.மீ.

காம்பிர் சட்டமன்றத் தொகுதி (மலாய்: Bahagian Pilihan Raya Gambir; ஆங்கிலம்: Gambir State Constituency; சீனம்: 甘蜜州议席) என்பது மலேசியா, ஜொகூர், தங்காக் மாவட்டம், லேடாங் மக்களவைத் தொகுதியில் உள்ள ஒரு சட்டமன்றத் தொகுதி (N09) ஆகும்.

காம்பிர் சட்டமன்றத் தொகுதி 2003-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 2004-ஆம் ஆண்டில் சட்டமன்றத் தேர்தல் நடைபெற்றது. இறுதியாக, 2022-ஆம் ஆண்டில் மாநிலத் தேர்தல் நடைபெற்றது.

2004-ஆம் ஆண்டில் இருந்து காம்பிர் சட்டமன்றத் தொகுதி, ஜொகூர் மாநில சட்டமன்றத்தில் பிரதிநிதிக்கப் படுகிறது. தற்போது சகிரிகான் ஜானி (Sahrihan Jani) என்பவர் இந்தச் சட்டமன்றத் தொகுதியின் உறுப்பினராக உள்ளார்.

தங்காக் மாவட்டம்

தங்காக் மாவட்டம் (Tangkak District) என்பது ஜொகூர் மாநிலத்தில் உள்ள ஒரு மாவட்டம். இந்த மாவட்டத்திற்கு தங்காக் நகரம் தலைநகரமாக விளங்குகிறது. தங்காக் மாவட்டம் கோலாலம்பூர் மாநகரில் இருந்து 136 கி.மீ.; ஜொகூர் பாரு மாநகரில் இருந்து 180 கி.மீ.; மலாக்கா நகரில் இருந்து 27 கி.மீ. தொலைவில் அமைந்து உள்ளது.

தங்காக் மாவட்டம் முன்பு தன்னாட்சி பெற்ற ஒரு துணை மாவட்டமாக இருந்தது. மூவார் மாவட்டத்தின் வடமேற்கு பகுதியில் ஒரு பகுதியாக இருந்தது. மூவார் நகரத்தில் இருந்து முவார் நதியால் பிரிக்கப்பட்டு இருந்தது. 2008 சூன் 9-ஆம் தேதி, ஜொகூர் சுல்தானின் தலைமையில் நடைபெற்ற ஒரு விழாவில், தங்காக் பகுதி ஜொகூரின் 10-ஆவது மாவட்டமாக அறிவிக்கப்பட்டது. அதன் பின்னர் தங்காக் மாவட்ட எல்லைக்குள் அமைந்துள்ள லேடாங் மலையின் பெயரால் அந்த மாவட்டத்திற்கு லேடாங் மாவட்டம் என்று பெயரிடப்பட்டது.

வாக்காளர் எண்ணிக்கை

காம்பிர் சட்டமன்றத் தொகுதியின் வாக்காளர் இனப் பிரிவுகள் (2022)

  மலாயர் (59.0%)

  சீனர் (36.5%)

  இந்தியர் (3.78%)

  பிற இனத்தவர் (0.58%)

  சபா பூமிபுத்திரா (0.07%)

  சரவாக் பூமிபுத்திரா (0.04%)

காம்பிர் சட்டமன்றத் தொகுதியின் 2022-ஆம் ஆண்டு வாக்காளர் எண்ணிக்கை:

• மலாயர் 59.0%
• சீனர் 36.5%
• இந்தியர் 3.78%
• பிற இனத்தவர் 0.58%
• சபா பூமிபுத்திரா 0.07%
• சரவாக் பூமிபுத்திரா 0.04%

30 மார்ச் 2018 அன்று வெளியிடப்பட்ட மத்திய அரசிதழின்படி, காம்பிர் சட்டமன்றத் தொகுதி 15 வாக்குச் சாவடிகளைக் கொண்டுள்ளது.

வரலாறு

சட்டமன்ற உறுப்பினர்கள்
சட்டமன்றம்	ஆண்டுகள்	உறுப்பினர்	கட்சி
செரோம், தங்காக் தொகுதிகளில் இருந்து உருவாக்கப்பட்டது
11-ஆவது	2004–2008	அசோகன் முனியாண்டி	பாரிசான் (மஇகா)
12-ஆவது	2008–2013
13-ஆவது	2013–2018
14-ஆவது	2018–2020	முகிதீன் யாசின்	பாக்காத்தான் (பெர்சத்து)
	2020–2022		பெரிக்காத்தான் (பெர்சத்து)
15-ஆவது	2022–தற்போது வரை	சகிரிகான் ஜானி	பாரிசான் (அம்னோ)

தேர்தல் முடிவுகள்

ஜொகூர் மாநிலத் தேர்தல் 2022

வேட்பாளர்		கட்சி	வாக்குகள்	%	+/–
	சகிரிகான் ஜானி	பாரிசான் நேசனல்	7,960	45.48	NA
	முகமது சோலிகான் பத்ரி	பெரிக்காத்தான் நேசனல்	4,814	27.50	27.50
	நைம் சூஸ்ரி	மக்கள் நீதிக் கட்சி	4,509	25.76	25.76
	சுரையா சுலைமான்	உள்நாட்டு போராளிகள் கட்சி	220	1.26	1.26
மொத்தம்			17,503	100.00	–
செல்லுபடியான வாக்குகள்			17,503	96.95
செல்லாத/வெற்று வாக்குகள்			550	3.05
மொத்த வாக்குகள்			18,053	100.00
பதிவான வாக்குகள்			29,434	18,053	61.33
Majority			3,416	17.98	NA
	பாரிசான் நேசனல் கைப்பற்றியது
மூலம்:

மேலும் காண்க

• மலேசியத் தேர்தல் தொகுதிகள்
• மலேசிய இந்திய சட்டமன்ற உறுப்பினர்களின் பட்டியல்
• மலேசிய மாநில சட்டமன்ற உறுப்பினர்களின் பட்டியல் (2018–2023)