காமிண்டன் (வள்ளல்)

காமிண்டன் என்பவர் ஒரு கொடையாளி. இவரைப் பற்றிக் கொங்கு மண்டல சதகம் பாடல் குறிப்பிடுகிறது. வாணன் என்பவன் தன் வறுமையைப் போக்கிக்கொள்ள இவரை நாடினான். காமிண்டன் கொடுக்கவில்லை. எனவே வாணன், “கொடையில் பெரியவர் என்று உன்னைக் காண வந்தேன். நீர் எனக்குக் கொடுக்கவில்லை. அதனால் உன்னை விற்று என் வறுமையைப் போக்கிக்கொள்வேன்” என்று கூறிக் காமிண்டன் மடியைப் பிடித்து இழுத்தான். காமிண்டன் வாணனைப் பின் தொடர்ந்தார். சொன்னவாறே காமிண்டனை விற்று வாணன் தன் வறுமையைப் போக்கிக்கொண்டான். இவ்வாறு தனையே விற்றுக் காமிண்டன் கொடை வழங்கினான். இதனைக் கூறும் பாடல்

கொடையில் பெரியோய் உடனே எனக்குக் கொடாமையால்
கடையில் பெற நினை விற்று என் கலியைக் கழிப்பன் என
மடியைப் பிடித்திழுத்தே விலை கூறிய வாணன் மிடி
வடியப் பொருள் தந்த காமிண்டனும் கொங்கு மண்டலமே.

இவரைக் குறிக்கும் வேறு பெயர்கள்

• அழகன் உத்தம சோழக் காமிண்டன்
• காமிண்டன்