காசுமீர் நீலக்கல்
காசுமீர் நீலக்கல் (Kashmir Sapphire) ஓர் அரிய மற்றும் மிகவும் மதிப்புமிக்க வகை நீலக்கல்லாகும். அதிகப்படியான வெல்வெட் சாயல் மற்றும் விதிவிலக்கான வெளிப்படைத்தன்மை ஆகிய காரணங்களுக்காக பெயர் பெற்றது.[1][2][3][4] இந்தியாவின் காசுமீரில் 19 ஆம் நூற்றாண்டின் பிற்பகுதியில் கண்டுபிடிக்கப்பட்ட மிகச்சிறந்த கற்கள், மென்மையான பட்டு சேர்ப்புகள் காரணமாக மென்மையான, ஒளிரும் தோற்றத்துடன் ஆழமான சோளம் மலர் நீல நிறத்தை வெளிப்படுத்துகின்றன.[5][6] 1880 ஆம் ஆண்டுகளில் இருந்து 1900 ஆம் ஆண்டுகளின் முற்பகுதி வரை முதன்மையாக வெட்டப்பட்ட இந்த நீலக்கற்கள் இப்போது மிகவும் அரிதானவை. ஏலத்தில் அதிக விலையையும் எட்டுகின்றன. இவற்றின் தனித்துவமான பண்புகள் இவற்றை மற்ற தோற்றங்களுடைய நீலக்கற்களிலிருந்து வேறுபடுத்துகின்றன. இதனால் இவை உலகில் மிகவும் விரும்பப்படும் நீலகற்களில் சிலவாக அமைகின்றன.[7][8]
வரலாறு.
[தொகு]1882 ஆம் ஆண்டில், சான்சுகார் மலைத்தொடரில் உள்ள பாடர் பள்ளத்தாக்கைச் சேர்ந்த வர்த்தகர்கள் குழு நிலச்சரிவைத் தொடர்ந்து இந்த கற்களைக் கண்டுபிடித்தது. இந்த நீலக்கற்கள் விதிவிலக்கானவை மற்றும் அழகானவை. காசுமீரின் மகாராசா நீலக்கற்களைப் பற்றி அறிந்தபோது, கோடை மாதங்களில் பணிபுரிந்த சுரங்கத் தொழிலாளர்களை அனுப்பி, 5 அங்குலங்கள் வரை நீளமுள்ள நீலக்கற்களை மீட்டெடுத்தார். அரசருடைய காவலர்கள் கண்டுபிடிக்கப்பட்ட நாள் முதல் சுரங்கங்கள் தீர்ந்துவிடும் வரை 5 ஆண்டுகள் வரை சுரங்கங்களைப் பாதுகாத்தனர். அதைத் தொடர்ந்து பள்ளத்தாக்கு தரையில் மேலும் சுரங்கங்களைக் கண்டுபிடிப்பதற்காக பிரிட்டிசு இந்தியாவுக்கு மகாராசா கோரிக்கைகளை முன்வைத்தார்.[4]
மேற்கோள்கள்
[தொகு]- ↑ "GIA Research on Kashmir Sapphires" (PDF). Winter 2019.
- ↑ "Kashmir Sapphires: A Detailed Guide for Collectors and Enthusiasts". November 2024.
- ↑ "SSEF Document on Kashmir Sapphires" (PDF). November 2024.
- 1 2 "Christies: Blue Velvet and Pools of Crystal Water". October 2021. பிழை காட்டு: Invalid
<ref>tag; name "auto" defined multiple times with different content. - ↑ "Michael Khordipour on Kashmir Sapphires". January 2025.
- ↑ "Kaitlin Shinnick on Kashmir Sapphires". January 2021.
- ↑ "New Sapphire Material from Kashmir". www.gia.edu.
- ↑ "Understanding Kashmir Sapphires | A Collector's Dream". Ronald Abram (in ஆங்கிலம்). 2024-10-09. Retrieved 2025-03-04.