காகோ
காகோ Kaho | |
|---|---|
கிராமம் Village | |
  காகோ Kaho இந்தியாவின் அருணாச்சலப் பிரதேசத்தில் அமைவிடம்  காகோ Kaho காகோ Kaho (இந்தியா) | |
| ஆள்கூறுகள்: 28°18′13″N 97°01′20″E / 28.30361°N 97.02222°E | |
| நாடு |  India |
| மாநிலம் | அருணாசலப் பிரதேசம் |
| மாவட்டம் | அஞ்சாவ் மாவட்டம் |
| ஏற்றம் | 1,240 m (4,070 ft) |
| மொழிகள் | |
| • அலுவல் | ஆங்கிலம் |
| நேர வலயம் | ஒசநே+05:30 (இந்திய சீர் நேரம்) |
| அஞ்சல் குறியீட்டு எண் | 792104 |
| ஐஎசுஓ 3166 குறியீடு | ஐஎன்-ஏஆர் |
| வாகனப் பதிவு | ஏஆர் |
காகோ (Kaho) இந்தியாவின் அருணாச்சலப் பிரதேச மாநிலத்திலுள்ள அஞ்சாவ் மாவட்டத்தில் இருக்கும் ஒரு சிறிய கிராமமாகும். இந்திய-சீன எல்லையில் பாயும் உலோகித்து ஆற்றின் கரையில் இக்கிராமம் அமைந்துள்ளது.[1]
காகோ கிராமம் கடல் மட்டத்திலிருந்து 1,240 மீட்டர் (4,070 அடி) உயரத்தில் உள்ளது. இட்டாநகரிலிருந்து கிழக்கே 580 கிமீ தொலைவிலும்,[2] அருணாச்சலப் பிரதேசத்தின் அஞ்சாவ் மாவட்ட தலைமையகமான அவாயிலிருந்து வடக்கே கிட்டத்தட்ட 70 கிமீ தொலைவிலும், இந்தியா-சீனா உண்மையான கட்டுப்பாட்டுக் கோட்டிலிருந்து தெற்கே கிட்டத்தட்ட 8 கிமீ தொலைவிலும், இந்தியா-சீனா-மியான்மர் முச்-சந்திப்புக்கு அருகிலுள்ள திபு கணவாய்க்கு மேற்கே 30 கிமீ தொலைவிலும், கிபித்து கிராமத்திற்கு வடக்கே 10 கிமீ தொலைவிலும் இக்கிராமம் உள்ளது. அருகிலுள்ள விமான இணைப்பு வாலோங்கில் உள்ள வாலோங் விமானம் இறங்கு தளம் அருகிலுள்ள விமான நிலையமாகும். இத்தளம் 30 கி.மீ தெற்கே அமைந்துள்ளது. கிராமத்தில் இந்திய இராணுவ சோதனைச் சாவடியும் உள்ளது. மாவட்ட நிர்வாகத்தின் உதவியுடன் டிசுகவர் பார் ஈசுட்டு அமைப்பு இடம்பெற்றுள்ள நாட்டின் முதல் கிராமமாக உருவாக்கவும் திட்டமிடப்பட்டுள்ளது..[3] உள்ளூர் பௌத்த மக்களுக்காக ஒரு மடாலயமும் இக்கிராமத்தில் உள்ளது
மக்கள் தொகை
[தொகு]அருணாச்சலப் பிரதேசத்தின் அஞ்சாவ் மாவட்டத்தில் உள்ள கிபித்தூ தொகுதியின் ஏழு கிராமங்களில் காகோவும் ஒன்றாகும். இக்கிராமத்தின் வழியாக லோகித்து நதி பாய்ந்து, பகுதியை மேற்கு மற்றும் கிழக்குக் கரைகளாகப் பிரிக்கிறது. இவை பல இடங்களில் நடைபாதை தொங்கும் பாலங்கள் மற்றும் பெய்லி பாலங்கள் மூலம் இணைக்கப்பட்டுள்ளன.
காகோவில் மேயோர் சமூகத்தினர் வசிக்கின்றனர். அவர்கள் பௌத்த மதத்தைச் சேர்ந்தவர்கள். 2011 ஆம் ஆண்டு மேற்கொள்ளப்பட்ட மக்கள் தொகை கணக்கெடுப்பின்படி, இங்கு 65 நபர்கள் இருந்தனர். கல்வியறிவு விகிதம் 64.15% ஆக இருந்தது. இது அருணாச்சல பிரதேச மாநிலத்தின் 65.38% என்ற கல்வியறிவு சதவீதத்தை விடக் குறைவாகும். அப்போது ஆண்களின் கல்வியறிவு விகிதம் 74.07% ஆகவும், பெண்களின் கல்வியறிவு விகிதம் 53.85% ஆகவும் இருந்தது.[4]
போக்குவரத்து
[தொகு]மெக்மோகன் கோட்டில் 2,000 கிலோமீட்டர் நீளமுள்ள (1,200 மைல்) முன்மொழியப்பட்ட மாகோ-திங்பு முதல் விசய்நகர் வரையிலான அருணாச்சலப் பிரதேச எல்லைப்புற நெடுஞ்சாலை இக்கிராமத்தின் வழியாகச் செல்கிறது.[5][6][7][8] மேலும் இந்த மாவட்டம் வழியாகச் செல்லும், இதன் சீரமைப்பு வரைபடத்தை இங்கும் இங்கேயும் காணலாம்.[9]
மேலும் காண்க
[தொகு]மேற்கோள்கள்
[தொகு]- ↑ Gokhale 2001.
- ↑ "Arunachal to showcase 'heroic village' near the China border".
- ↑ Kumar, Akshay. "Arunachal Pradesh keen to develop border tourism". www.traveltrendstoday.in (in பிரிட்டிஷ் ஆங்கிலம்). Retrieved 2021-07-29.
- ↑ "Kaho Village Population - Kibithoo - Anjaw, Arunachal Pradesh". www.census2011.co.in. Retrieved 2025-01-20.
- ↑ "Top officials to meet to expedite road building along China border". Dipak Kumar Dash. timesofindia.indiatimes.com. Retrieved 27 October 2014.
- ↑ "Narendra Modi government to provide funds for restoration of damaged highways". dnaindia.com. Retrieved 27 October 2014.
- ↑ "Indian Government Plans Highway Along Disputed China Border". Ankit Panda. thediplomat.com. Retrieved 27 October 2014.
- ↑ "Govt planning road along McMohan line in Arunachal Pradesh: Kiren Rijiju". Live Mint. Retrieved 2014-10-26.
- ↑ "China warns India against paving road in Arunachal". Ajay Banerjee. tribuneindia.com. Retrieved 2014-10-26.