கஸ்தூரி பட்டனாய்க்

கஸ்தூரி பட்டனாய்க்
பிறப்பு	31 அக்டோபர் 1966 (அகவை 57) கட்டக்
இணையம்	http://www.kasturipattanaik.in

கஸ்தூரி பட்டனாய்க் (Kasturi Pattanaik) ஒரு முன்னோடி ஒடிஸி நடன நிபுணர், கலைஞர், நடன இயக்குனர், ஆசிரியர், பயிற்சியாளர் மற்றும் இசை அமைப்பாளர் ஆவார்.

சுய விவரம்

நடனகலைஞர் / இசையமைப்பாளர்

ஒடிஸி நடனத்தில் கஸ்தூரி பட்டனாய்கின் இசையமைப்புகள் மற்றும் நடனங்கள் அவற்றின் அசல் தன்மை மற்றும் படைப்பு பன்முகத்தன்மைக்கு நன்கு பாராட்டப்பட்டுள்ளன. ஒடிஸி நடனம் தொடர்பாக, புதிய கருத்துகள், புதிய யோசனைகள், புதிய நுட்பங்கள், புதிய ஒருங்கிணைப்பு, புதிய இணைப்புகள் மற்றும் புதிய கருப்பொருள்களை இவர் அறிமுகப்படுத்தியுள்ளார்.

பட்டனாய்க் ஒரு திறமையான தனிப்பாடல் மற்றும் குழு கலைஞர் ஆவார். ஒடிஸி நடன நாடகத்தின் முன்னோடிகளில் ஒருவரான இவர், குறிப்பாக ஒடிசாவின் பாரம்பரிய மற்றும் நாட்டுப்புற மரபுகள் மற்றும் சிறந்த பான்-இந்திய புராணக் கதைகளை தனது நடன நிகழ்ச்சிகளில் வெளிப்படுத்துகிறார். ஒரு திறமையான ஒடிஸி இசை அமைப்பாளராக இருப்பதால், பட்டானாய்க் ஒடிஸி இசையை அதன் அசல் மற்றும் அதன் தன்மை மாறாமல், தனது புதுமையான மற்றும் கற்பனை இசையமைப்புகள் மூலம், ஒடிஸி நடனத்தில் மற்றும் நடனக் கலைகளில் ஒருங்கிணைத்துள்ளார்.

இளமைப்பருவம்

கஸ்தூரி பட்டனாய்க் தனது குழந்தை பருவத்திலிருந்தே கதக் நடனத்துடன் தனது ஒடிஸி நடனக் கற்றலைத் தொடங்கினார். ஒடிசாவின் கட்டாக்கின் புகழ்பெற்ற சைலபாலா மகளிர் கல்லூரியில் பட்டம் பெற்ற பிறகு; அவர் புவனேஸ்வரில் உள்ள ஒடிஸி ஆராய்ச்சி மையத்தில் (ORC) ஒடிஸி நடனத்தில் தனது மேம்பட்ட தீவிர பாடநெறிக்கான முதல் தொகுப்பில் சேர்ந்தார்.

பட்டனாய்கின் முதன்மையான ஒடிஸி நடனம் குருக்கள் / இசைஞானிகளின் கீழ் கற்றல் மற்றும் நிகழ்த்துவதற்கான அரிய தனித்தன்மையைக் கொண்டுள்ளது; மறைந்த ரகுநாத் தத்தா, மறைந்த பத்ம விபூஷண் விருது பெற்ற கேளுச்சரண மகோபாத்திரா, பத்மஸ்ரீ விருது பெற்ற கும்கும் மொஹந்தி, பத்மஸ்ரீ கங்காதர் பிரதான், ரமணி ரஞ்சன் ஜீனா மற்றும் தயாநிதி தாஸ் உட்பட பலரிடம் இவர் பயிற்சி பெற்றுள்ளார்.

சுற்றுப்பயணம்

சிறு வயதிலிருந்தே, இவர் ஒடிஸி நடனத்தை நிகழ்த்தவும் பரப்பவும் இந்தியா மற்றும் உலகம் முழுவதும் பயணம் செய்தார். இவர் ஹாங்காங், யு.எஸ்.எஸ்.ஆர், இந்தோனேசியா, தாய்லாந்து, சிங்கப்பூர், வட கொரியா மற்றும் சீனா உட்பட, பல்வேறு நாடுகளில் பயிற்சி பட்டறைகளையும் நடத்தினார்.

பட்டானாய்க், இந்தியா மற்றும் வெளிநாடுகளில் நானூறுக்கும் மேற்பட்ட மாணவர்களுக்கு ஒடிஸி நடனத்தில் பயிற்சி அளித்துள்ளார்; அவர்களில் பலர் தங்களை பாராட்டப்பட்ட கலைஞர்களாக அல்லது குருக்களாக நிலைநிறுத்திக் கொண்டனர்.

ஒடிஸி ஆராய்ச்சி மையத்தில் நடன இயக்குனராக பணிபுரிந்த பிறகு, இவர் புது தில்லிக்குச் சென்று இந்தியாவின் தேசிய நோடல் கலாச்சார அமைப்பான 'சங்கல்ப்' நிறுவனத்தில் அதன் திட்ட இயக்குநர் (கலாச்சாரம்) மற்றும் படைப்புத் தலைவராக சேர்ந்தார். 'சங்கல்ப்' நிறுவனத்தில், இந்திய கலை மற்றும் கலாச்சாரத்தை மேம்படுத்துவது தொடர்பான இவரது முக்கிய நடவடிக்கைகள் தவிர, கல்வி, ஆராய்ச்சி மற்றும் கொள்கை உத்திகளை உள்ளடக்குவதற்காக தனது செயல்பாட்டு அரங்கை விரிவுபடுத்தினார்.

மேற்கொண்ட பணிகள்

இவர் இந்திய அரசின் கலாச்சார அமைச்சகத்திற்கும் அதன் பல்வேறு நிபுணர் குழுக்களிலும் பணியாற்றியுள்ளார்.

பட்டானாய்க் ஒடியா பிலிம்ஸ் மற்றும் நேஷனல் தூர்தர்ஷன் சேனல் தொடர்களிலும் முன்னணி வேடங்களில் நடித்துள்ளார். 'டெபாதாசி' குறித்த அவரது தூர்தர்ஷன் தொடர், டெபாதாசி மரபுகளில் ஒரு தலைசிறந்த படைப்பாக உள்ளது.

இவர், மத்திய திரைப்பட சான்றிதழ் வாரியத்தின் பிராந்திய குழுவில் உறுப்பினராக இருந்தார். இந்திய அரசின் மனிதவள மேம்பாட்டு அமைச்சகத்தின் கீழ் புவனேஸ்வரில் உள்ள மாநில தொழில்நுட்ப நிறுவனம் (எஸ்ஐடி) தயாரித்த ஆரம்ப கல்வித் திட்டங்களின் எட்டு அத்தியாயங்களையும் இவர் தொகுத்துள்ளார்.

இந்திரா கால இசை விஸ்வவித்யாலயா (ஐ.கே.எஸ்.வி.வி), கைராகர், சத்தீஸ்கர், ஒடிஸி நடனத்தில் இளங்கலை & இளங்கலை (கௌரவ) படிப்புகளுக்கான பாடத்திட்டங்களை தயாரிப்பதில் இவர் முக்கிய பங்கு வகித்துள்ளார். மத்திய பிரதேச அரசால் ஆண்டுதோறும் வழங்கப்படும் மதிப்புமிக்க கலை விருதுகளான 'காளிதாஸ் சம்மன்' மற்றும் 'துளசி சம்மன்' ஆகியவற்றின் நடுவராக இவர் பணியாற்றியுள்ளார்.

இந்திய கலாச்சார வெளிப்பாடுகளின் பன்முகத்தன்மையை மேம்படுத்துவதில் இவர் செய்த சாதனைகளுக்காக இவர் பல விருதுகளையும் பாராட்டுகளையும் பெற்றுள்ளார்.