கவிதா ராமதாஸ்

கவிதா நந்தினி ராமதாஸ் (Kavita Nandini Ramdas பிறப்பு 1963) தற்போது திறந்த சமுதாய அறக்கட்டளைகளின் மகளிர் உரிமைகள் திட்டத்தின் இயக்குநராக உள்ளார் மற்றும் பாலின சமத்துவம் மற்றும் நீதிக்காக உலகளவில் அங்கீகரிக்கப்பட்ட வழக்கறிஞரும் ஆவார்.

முன்னதாக, அவர் ஃபோர்டு அறக்கட்டளையின் தலைவர் டேரன் வாக்கரின் மூத்த ஆலோசகராக இருந்தார். இந்தியா, நேபாளம் மற்றும் இலங்கையில் உள்ள அலுவலகத்தை பிரதிநிதித்துவப்படுத்தி, ஃபோர்டின் இந்திய நாட்டின் பிரதிநிதியாக 3 ஆண்டுகள் பணியாற்றிய பிறகு அவர் 2015 இல் ஆலோசகராகப் பதவியேற்றார். அதற்கு முன், இசுட்டான்போர்ட் பல்கலைக்கழகத்தில் ஃப்ரீமேன் ஸ்போக்லி இன்ஸ்டிடியூட் ஃபார் இன்டர்நேஷனல் கல்வியில் சமூக தொழில்முனைவோர் திட்டத்தின் நிர்வாக இயக்குநராக இருந்தார். கவிதா பெண்களுக்கான உலகளாவிய நிதியின் முன்னாள் தலைவர் மற்றும் தலைமை நிர்வாக அதிகாரியாக இருத போது பெண்ணிய பரோபகாரத்திற்கான பங்களிப்பிற்காக பரவலாக அரியப்படுகிறார்..

பின்னணி மற்றும் இணைப்புகள்

கவிதா ராமதாஸ் இந்திய கடற்படையின் மேனாள் தலைவர் , அதிகாரியான லட்சுமிநாராயணன் ராமதாஸின் மகள் ஆவார். கவிதாவின் பெற்றோர் இருவரும், ஓய்வு பெற்ற கடற்படை தலைவர் ஆவர். கடற்படை அதிகாரிகளான எல் ராமதாஸ் மற்றும் லலிதா ராமதாஸ் மற்றும் அவரது சகோதரி சகாரி ராமதாஸ் ஆகியோர் ஆம் ஆத்மி கட்சியின் முக்கிய குழுவுடன் தொடர்பு கொண்டுள்ளனர்.

கவிதா ராமதாஸ் இந்தியாவின் டெல்லியில் பிறந்தார் மற்றும் மும்பை, டெல்லி, லண்டன், ரங்கூன் மற்றும் பான் ஆகியவற்றில் வளர்ந்தார். இவர் பானில் உள்ள நிக்கோலசு குசானசு ஜிம்னாசுட்டியம் பள்ளி, மும்பையில் உள்ள கேதட்ரல் அண்ட் ஜான் கனான் பள்ளி, புதியில்லியில் உள்ள இசுபிரிங்தலசு பள்ளிகளில் கல்வி பயின்றார். 1982 வரை இரண்டு வருடங்கள் டெல்லி பல்கலைக்கழகத்தின் இந்து கல்லூரியில் அரசியல் அறிவியல் பிரிவில் பட்டம் பெற்றார். 1983 ஆம் ஆண்டில், மாசசூசெட்ஸின் தெற்கு ஹாட்லியில் உள்ள மவுண்ட் ஹோலியோக் கல்லூரியில் பயில இவருக்கு உதவித்தொகை வழங்கப்பட்டது, அங்கு அவர் 1985 இல் சர்வதேச உறவுகளில் இளங்கலைப் பட்டம் மற்றும் 1988 இல் பிரின்ஸ்டன் பல்கலைக்கழகத்தில் உள்ள உட்ரோ வில்சன் பொது மற்றும் சர்வதேச விவகாரங்களில் இருந்து சர்வதேச மேம்பாடு மற்றும் பொது கொள்கை படிப்புகளில் முதுகலைப் பட்டம் பெற்றார்.

1990 இல் ராமதாஸ் கல்லூரியில் சந்தித்த சமாதான வழக்கறிஞரான சுல்பிகார் அகமதுவை மணந்தார். சுல்ஃபிகார் பாகிஸ்தான் கல்வி மற்றும் போர் எதிர்ப்பு ஆர்வலர், ஹாரிஸ்பர்க் செவனில் ஒருவரான எக்பால் அகமதுவின் மருமகன் ஆவார். ஒரு மூத்த கடற்படை அதிகாரியாக அவரது தந்தையின் நிலையினைக் கருத்தில் கொண்டு, அவர்களின் உறவு இந்தியாவின் தேசிய பாதுகாப்பில் சமரசம் செய்யக்கூடும் என்ற ஊகங்கள் இருந்தன.

பில் & மெலின்டா கேட்சு அறக்கட்டளையின் உலகளாவிய மேம்பாட்டுத் திட்ட ஆலோசனைக் குழுவின் முன்னாள் உறுப்பினர் ஆவார், மேலும் பிரின்ஸ்டன் பல்கலைக்கழகத்தின் அறங்காவலர் குழுவிலும், பிரின்ஸ்டன் பல்கலைக்கழகத்தில் உட்ரோ வில்சன் பள்ளியின் பாலின சமத்துவ ஆலோசகர்கள் குழுவிலும் பணியாற்றுகிறார். ஆசிய பெண்கள் பல்கலைக்கழகம் மற்றும் வறுமை மற்றும் மனித உரிமைகள் குறித்த ஆப்பிரிக்க பெண்கள் மில்லினியம் முன்முயற்சிக்கான ஆலோசனை குழுவிலும் இடம்பெற்றுள்ளார். அவர் ஆசுபென் கல்வி நிறுவன ஹென்றி கிரவுன் ஃபெலோ திட்டத்தில் உறுப்பினராக உள்ளார் மற்றும் முன்பு பெண்கள் நிதி வலையமைப்பின் வாரிய உறுப்பினராக பணியாற்றினார்.