கழனியூரன்
எம். எஸ். அப்துல் காதர் (1954 - 2017 சூன் 27) தமிழக எழுத்தாளர் ஆவார். இவர் கழனியூரன் என்னும் புனைப்பெயரில் கவிதை, கதை, கட்டுரைகள் எழுதியவர். கரிசல்காட்டு எழுத்தாளரான கி. இராசநாராயணனின் தொடர்பால் நாட்டார் வழக்காற்றுத் துறையில் ஈடுபாடு கொண்டார்.[1] திருநெல்வேலி மாவட்ட நாட்டார் கதைகளைத் தொகுத்ததாலும் அப்பகுதியின் வழக்காறுகளைத் தன்னுடைய படைப்புகளில் வெளிப்படுத்துவதாலும் இவரை தமிழிலக்கிய உலகம் இவரை செவக்காட்டு கதைசொல்லி என்கிறது.
வாழ்க்கைக் குறிப்பு
[தொகு]கழனியூரன் என்னும் அப்துல் காதர், இன்றைய தென்காசி மாவட்டத்தில் உள்ள கழுநீர்குளம் என்னும் சிற்றூரில் 1954 ஆம் ஆண்டில் பிறந்தவர். [2]கழனியூரன் இடைநிலை ஆசிரியர் பயிற்சியும் முதுகலை, ஆய்வியல் நிறைஞர், முனைவர் ஆகிய பட்டங்களையும் பெற்றிருக்கிறார். வீராணத்தில் உள்ள முஸ்லிம் தொடக்கப் பள்ளியில் தலைமை ஆசிரியராகப் பணியாற்றி ஓய்வுபெற்றார்.
எழுதிய நூல்கள்
[தொகு]கழனியூரன் எழுதியவையும் தொகுத்தவையும் பின்வரும் நூல்களாக வெளிவந்துள்ளன:[3]
- தாய்வேர் - பூங்கொடி பதிப்பகம், சென்னை
- கதைசொல்லியின் கதை - தாமரை செல்வி பதிப்பகம், சென்னை
- நெல்லை நாடோடிக் கதைகள் - மித்ரா பதிப்பகம், சென்னை
- மண் மணக்கும் மனுஷங்க - பூங்கொடி பதிப்பகம், சென்னை
- நாட்டுப்புற நீதிக்கதைகள் - காவ்யா பதிப்பகம், சென்னை
- பன்னாட்டு சிறுவர் நாடோடிக் கதைகள் - பூங்கொடி பதிப்பகம், சென்னை
- நாட்டுப்புறத்து நகைச்சுவைக் கதைகள் - காவ்யா பதிப்பகம், சென்னை
- வேரடி மண்வாசம் - பூங்கொடி பதிப்பகம், சென்னை
- கி.ரா .அணிந்துரைகள் முன்னுரைகள் - சந்தியா பதிப்பகம். சென்னை
- செவக்காட்டு மக்கள் கதைகள் - சந்தியா பதிப்பகம்.சென்னை
- தாத்தா பாட்டி சொன்ன கதைகள் - பாரதி பதிப்பகம், சென்னை
- மண்பாசம் - சந்தியா பதிப்பகம், சென்னை
- ராட்சசனும் குள்ளனும் - யுரேகா பதிப்பகம், சென்னை
- புத்தகக் கோயில் – அகரம், தஞ்சாவூர்
- குறுஞ்சாமிகளின் கதைகள் - உயிர்மை பதிப்பகம்,சென்னை
- வாய்மொழி வரலாறு - சந்தியா பதிப்பகம், சென்னை
- பாம்பின் கால்தடம் - அமிர்தாபதிப்பகம், சென்னை
- நட்சத்திர விழிகள் (ஹைக்கூ) – அகரம், தஞ்சாவூர்
- நிரந்தர மின்னல்கள் (ஹைக்கூ) – அகரம், தஞ்சாவூர்
- நெருப்பில் விழுந்த விதைகள் (கவிதைகள்) – அகரம், தஞ்சாவூர்
- மண்ணின் கதைகள் மக்களின் கதைகள் - உயிர்மை பதிப்பகம், சென்னை
- நாட்டுபுற வழக்காறுகள் - தாமரை செல்வி பதிப்பகம் , சென்னை
- நாட்டுபுற நம்பிக்கைகள் – அகரம், தஞ்சாவூர்
- அன்புள்ள கி.ரா (கடித இலக்கியம்) - உயிர்மை பதிப்பகம்,சென்னை.
- மரப்பாச்சி மனுசி (சிறுகதை) – அகரம், தஞ்சாவூர்
- கதைசொல்லி (பகுதி 1) – அகரம், தஞ்சாவூர்
- கதைசொல்லி (பகுதி 2) – அகரம், தஞ்சாவூர்
- இரஷ்ய நாட்டு நாடோடிக் கதைகள் - பூங்கொடி பதிப்பகம், சென்னை
- பன்னாட்டுச் சிறுவர் நாடோடிக் கதைகள் - பூங்கொடி பதிப்பகம், சென்னை
- நடைவண்டி - பூங்கொடி பதிப்பகம், சென்னை
- வல்லிக்கண்ணன் கடிதங்கள் - மித்ரா பதிப்பகம், சென்னை
- வல்லிக்கண்ணன் வரலாறு - சாகித்திய அகாதெமி, சென்னை
- நிறைசெம்பு நீரில் விழும்பூக்கள் - உயிர்மை பதிப்பகம்,சென்னை
- மினாராக்களில் கூடுகட்டும் புறாக்கள் - சந்தியா பதிப்பகம், சென்னை
- வளர்பிறை தேய்பிறை (புதினம்)
- இருளில் கரையும் நிழல் (புதினம்)
- காட்டுப்பூவின் வாசம்,சிறு கதைகள் அன்னம் பதிப்பகம் தஞ்சாவூர்
- தி.க.சி.என்றொரு தோழமை தொகுப்பு நூல் காவியா பதிப்பகம் சென்னை
- கழநீயூரன் கட்டுரைகள் ( 1௦௦௦ பக்கங்கள்) காவியா பதிப்பகம் சென்னை
- கழநீயூரன் கதைகள் (1oooபக்கங்கள்) காவியா பதிப்பகம்
- பறவைகள் விலங்குகள் குழந்தைகள் (சிறுவர் நாடோடிக் கதைகள்) உயிர்மை பதிப்பகம் சென்னை
- நாட்டுப்புறத்து நகைச்சுவைக் கதைகள், அநுராகம், சென்னை, 2004
- நாட்டுப்புறக் கதைக்களஞ்சியம் - (கி. ராஜநாராயணன், சண்முகசுந்தரம், பாரததேவி ஆகியோருடன் இணைந்து தொகுத்தது) சாகித்திய அகாதெமி, சென்னை
- மறைவாய்ச் சொன்னகதைகள் - கி. ராஜநாராயணனுடன் இணைந்து தொகுத்தது - உயிர்மை பதிப்பகம், சென்னை
தொடர்
[தொகு]- செவக்காட்டு சொல்கதைகள் - அந்திமழை இதழ்
மறைவு
[தொகு]கழனியூரன் விவசாயிகளுக்கும், தன்னுடைய நிலத்திற்கும் பூச்சிக்கொல்லி, ரசாயன மருந்துகள் வாங்கி தந்தமையால் புற்றுநோய் தாக்குதலுக்கு ஆளானார்.[4] புற்றுநோய்க்கான தொடர் சிகிச்சை எடுத்துக்கொண்டார்.[5]எனினும் 2017 சூன் 27ஆம் சென்னையில் சிகிச்சை பலனின்றி மரணமடைந்தார்.[6][7]
மேற்கோள்கள்
[தொகு]- ↑ "கழனியூரன் எனும் கதை வேட்டைக்காரர்", Hindu Tamil Thisai, 2017-07-01, retrieved 2024-08-25
- ↑ "கரிசல் காட்டு கதை சொல்லி எழுத்தாளர் கழனியூரன் காலமானார்.". ஒன் இந்தியா. https://tamil.oneindia.com/news/tamilnadu/writer-kalaniyuran-passes-away-287651.html. பார்த்த நாள்: 25 August 2024.
- ↑ அரிஅரவேலனுக்கு கழனியூரன் அனுப்பிய மின்னஞ்சல்
- ↑ "கழனியூரன் எனும் கதை வேட்டைக்காரர்". இந்து தமிழ் திசை.
- ↑ "கரிசல் எழுத்தாளர் கழனியூரன் காலமானார்!". https://www.vikatan.com/.
{{cite web}}: External link in|work= - ↑ "கதை சொல்லி கழனியூரன் மறைவு - - Patrikai - Tamil Daily - latest online local breaking news & reviews - Tamilnadu, India & World - politics, cinema, cricket, video & cartoon". 27 June 2017.
- ↑ "கரிசல் எழுத்தாளர் கழனியூரன் காலமானார்.". தினமணி. https://www.dinamani.com/tamilnadu/2017/Jun/27/%E0%AE%95%E0%AE%B0%E0%AE%BF%E0%AE%9A%E0%AE%B2%E0%AF%8D-%E0%AE%8E%E0%AE%B4%E0%AF%81%E0%AE%A4%E0%AF%8D%E0%AE%A4%E0%AE%BE%E0%AE%B3%E0%AE%B0%E0%AF%8D-%E0%AE%95%E0%AE%B4%E0%AE%A9%E0%AE%BF%E0%AE%AF%E0%AF%82%E0%AE%B0%E0%AE%A9%E0%AF%8D-%E0%AE%95%E0%AE%BE%E0%AE%B2%E0%AE%AE%E0%AE%BE%E0%AE%A9%E0%AE%BE%E0%AE%B0%E0%AF%8D-2728084.html. பார்த்த நாள்: 25 August 2024.