கல்பொட அருவி

கல்பொட நீர்வீழ்ச்சி
ගල්බොඩ ඇල්ල
அமைவிடம்	கல்பொட, இலங்கை
ஆள்கூறு	6°47′04″N 80°42′22″E
மொத்த உயரம்	30 m (98 அடி)
வீழ்ச்சி எண்ணிக்கை	1
மொத்த அகலம்	3 m (9.8 அடி)–6 m (20 அடி)

கல்பொட அருவி இலங்கையில் நுவரெலியா மாவட்டத்தில் அமைந்துள்ள அருவி ஆகும். கொழும்பு முதல் பதுளை வரை செல்லும் புகையிரத பாதையில் அதிக மழையுடன் குளிர்ச்சியான சூழலை கொண்ட கலபொட சிற்றூரில் இந்த நீர்வீழ்ச்சி அமைந்துள்ளது.

நீர்வீழ்ச்சி 30 m (98 அடி) உயரத்தை கொண்டது மற்றும் நீர்வீழ்ச்சியின் அகலம் பருவத்தை பொறுத்து 3 m (9.8 அடி) – 6 m (20 அடி) ஆக மாறுபடும். இலங்கையில் மழைப் பொழிவு அதிகம் உள்ள ஊரான வட்டவளையில் இருந்து 2 km (1.2 mi) தொலைவில் அமைந்திருப்பதால் கலபொட நீர்வீழ்ச்சி எப்பொதும் செழிப்பாக காணப்படும். இங்கு ஆண்டு மழை 4500 மிமீ இற்கு உயர்வாக காணப்படும். 60% வீதமான மழைவீழ்ச்சி தென்மேற்கு பருவமழையினால் கிடைக்கிறது. சனவரி, பெப்ரவரி ஆகிய மாதங்கள் வறண்ட பருவங்களாகும்.

பெயரின் தோற்றம்

வீழ்ச்சியின் பெயர் கல்பொடவின் பொருள் 'கல்லை ஒட்டிய வீழ்ச்சி' என்பதாகும். அதன் அடிவாரத்தில் அமைந்துள்ள பெரிய கற்பாறையிலிருந்து இது உருவானது.

பயணத் தகவல்

கல்போடா செல்லும் வழியில்

கொழும்பிலிருந்து பதுளைக்கு செல்லும் இரண்டு விரைவு புகையிரதங்களும் கலபொட புகையிரத நிலையத்தில் நிற்கின்றன.

கலபொட கிராமம்

கலபொட, நாவலப்பிட்டி மற்றும் வட்டவளை ஊர்களுக்கு இடையே அமைந்துள்ள கிராமம் ஆகும்.

இயற்கை மற்றும் வனவிலங்குகள்

நீர்வீழ்ச்சியை சூழவுள்ள வனப்பகுதி வனவிலங்குகளின் தாயகமாகும். இங்கு ஒரு அரிய வகை ஆர்க்கிட் தாவரம் வளர்கின்றது. மேலும் இங்கு 12 வகையான ஊர்வன காணப்படுகின்றன அவற்றில் நான்கு இலங்கையில் மட்டுமே காணப்படுகின்றன.

படங்கள்

• 
  பசுமை
• 
  தொலைவில் பார்த்த கல்போடா எல்லா
• 
  கல்போடா செல்லும் வழியில்
• 
  புதிய குளிர்ந்த நீர்

மேலும் காண்க

• இலங்கையின் நீர்வீழ்ச்சிகளின் பட்டியல்

வெளி இணைப்புகள்

• கலபோடா நீர்வீழ்ச்சி