கலா நிலையம் ராஜகோபால்
 | இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
கலா நிலையம் ராஜகோபால் தமிழ்நாட்டின் சிறந்த தமிழறிஞர்களுள் ஒருவர். சிறந்த இதழியலாளராகவும் உரையாசிரியராகவும் படைப்பாளராகவும் சொற்பொழிவாளராகவும் விளங்கியவர்.
பிறப்பு[தொகு]
தஞ்சை மாவட்டம் மன்னார்குடியில் கிருஷ்ணமாச்சாரி, ஜானகி இணையருக்கு மகனாய் 15.3.1897 அன்று பிறந்தார். தஞ்சைப்பள்ளிகளில் பள்ளிக்கல்வி பயின்ற இவர் பட்டப்படிப்பை சென்னையில் முடித்தார்.
பணி[தொகு]
செல்வ வளம்மிக்கவராகத் திகழ்ந்த இவர் பணிக்கு ஏதும் செல்லாமல் செல்வம் அனைத்தையும் தமிழுக்காகவே செலவழித்து மகிழ்ந்தார். முழுநேரத் தமிழ்ப்பணியில் ஈடுபட்டு தமிழன்னைக்குப் பெருமை சேர்த்துள்ளார்.
குடும்ப வாழ்வு[தொகு]
இவரது துணைவியார் பெயர் ரங்கநாயகி. மக்கள் மூவர். மைதிலி, கிருஷ்ணன், மாதவன் ஆகியோர். தமது மனைவி 24 வயதில் மறைந்த போதும் மறுமணம் புரிந்து கொள்ளாது தமிழுக்குத் தொண்டு புரிந்து வாழ்ந்துள்ளார்.
தமிழ்த்தொண்டு[தொகு]
32 நூல்கள்
- வில்லிபாரத உரை 3 பகுதிகள்
- இலக்கண விளக்கம்
(எழுத்தியல், சொல்லியல், புணரியல், பொருளியல், யாப்பியல்) (1962, ஸ்டார் பிரசுரம்)
- புகழேந்திப்புலவர் வாழ்க்கை வரலாற்று நூல்
- ஜூலியஸ் சீசர் வாழ்க்கை வரலாற்று நூல்
- பிளாட்டோவின் குடிவாழ்க்கை (மொழிபெயர்ப்பு)
- நெஞ்சில் முதிர்ந்த கனி (நாவல்)
- வாளும் வனிதையரும் (நாவல்)
- கானல் வரி
இதழியல் பணி[தொகு]
கலாநிலையம் எனும் வார இதழை டி. என். சேஷாசல அய்யரை ஆசிரியராகக் கொண்டு நடத்தினார்.
பாராட்டும் விருதும்[தொகு]
15.1.79 ல் தமிழக அரசு செந்தமிழ்ச் செல்வர் விருது வழங்கிப் பாராட்டியுள்ளது.
மறைவு[தொகு]
5-9-1983 ல் மறைந்தார்