கரு பழனியப்பன்

கரு பழனியப்பன்
பிறப்பு	மார்ச்சு 6, 1972 (1972-03-06) காரைக்குடி, தமிழ்நாடு
இருப்பிடம்	வலசரவாக்கம், சென்னை
பணி	நடிகர், இயக்குநர்
செயல்பட்ட  ஆண்டுகள்	2003–தற்போது வரை
வாழ்க்கைத் துணை	Pia
வலைத்தளம்
http://www.karupalaniappan.com/

கரு பழனியப்பன் (Karu Pazhaniappan) ஒரு தமிழ் பட இயக்குநர்.

வாழ்க்கைக் குறிப்பு

இவர் காரைக்குடியில் இருந்து வந்தார். இவரது பெற்றோர் பாலா. சின்ன கருப்பையா மற்றும் நாகம்மையாவர். அவர்களின் 3 குழந்தைகளில் இவர் மூத்தவர். குழந்தைப் பருவத்திலிருந்தே பழனியப்பனை புத்தகங்கள் ஈர்த்தன. அவரது அப்பா சின்ன கருப்பையா, வர்த்தகர் மற்றும் ஒரு தீவிர வாசகர் ஆவார். கண்ணதாசன், ஜெயகாந்தன் மற்றும் அசோகமித்திரன் போன்ற பிரபல பாரம்பரிய எழுத்தாளர்களின் படைப்பை வாசிப்பதை ஆர்வமாகக் கொண்டிருந்தார். அப்பாவைப் போன்றே மகன் பழனியப்பன் தனது குழந்தைப் பருவத்திலிருந்தே தனது தந்தையிடமிருந்து வாசிக்கும் பழக்கத்தைப் பெற்றார். புத்தகங்களை வாசிப்பதில் இருந்த அவரது விருப்பம் பின்னர் பிற மொழிகளைக் கற்றல், நடிப்பு மற்றும் உரையாடல் ஆகியவற்றில் அவரது திறமைகளை வளர்த்தது.

மதுரை ஏழாம் நாள் அட்வென்டிஸ்ட் பள்ளிக்குப் பிறகு, மதுரையிலிருக்கும் அமெரிக்கன் கல்லூரியில் இளங்கலைஆங்கில இலக்கியம் படித்து, மதுரை தியாகராஜ கல்லூரியில் இலக்கியத்தில் முதுகலைப் பட்டமும் பெற்றார். தமிழ் இலக்கியம் மீதான தீவிரமான நாட்டம் அவரை விகடன் குழும இதழ்களில் மாணவர் பயிற்சியில் இடம் பெறச் செய்தது.  அவரது தொடர்ச்சியான வாசிப்பு, நகைச்சுவை உணர்வு மற்றும் திரைப்பட ஆர்வம் திரைப்பட துறைக்கு ஒரு இணைப்பொன்றை உருவாக்கியது.

1994 ஆம் ஆண்டிலிருந்து திரைப்பட துறையில் பங்காற்றி வருகிறார். இயக்குனர் பார்த்திபன் படத்தின் கதாநாயகனாக பழனியப்பன் பாராட்டப்பட்டாலும், இரண்டு வேறு இயக்குனர்களின் கீழ் பணிபுரிந்தார். பார்த்திபன் உடன் அவர் புள்ள குட்டிக்காரன் (பெற்றோர்) மற்றும் ஹவுஸ் புல் படங்களில் பணியாற்றினார். துள்ளாத மனமும் துள்ளும், பெண்ணின் மனதைத் தொட்டு மற்றும் பூவெல்லாம் உன் வாசம் ஆகியவற்றில் இயக்குனர் எழிலிடம் பணிபுரிந்தார். பழனியப்பன் பியாவைத் திருமணம் செய்து கொண்டார். இனியா (மகள்) மற்றும் தயா (மகன்) ஆகிய இரு குழந்தைகளும் உள்ளனர்.

தொழில்

கரு பழனியப்பன் அவரது இயல்பாகக் கதை சொல்லக்கூடிய நேர்த்திக்காக அறியப்படுகிறார். அவரது அறிமுக தமிழ் திரைப்படமான பார்த்திபன் கனவு (2003) படத்தில், ஸ்ரீகாந்த் - சினேகா நடித்துள்ளனர். இத்திரைப்படம்திரைப்பட விமர்சகர்களிடமிருந்து பாராட்டைப் பெற்றது. 2005 இல் “அசோகமித்திரன்” என்ற பெயரில் ஆரம்பித்த திரைப்படம் தொடராமல் நின்றுபோனது. பின்னர் அவர் அதே திரைப்படத்தை 2012 ஆம் ஆண்டில் ஒரு புதிய குழு மற்றும் அருள்நிதி (முன்னணி கதாபாத்திரம்) கொண்டு தொடங்கினார், இருப்பினும் இரண்டு மாத கால படப்பிடிப்புக்குப் பிறகு, படம் மீண்டும் ரத்து செய்யப்பட்டது. இயக்குனர் மற்றும் நடிகர் 2013 ஆம் ஆண்டின் பிற்பகுதியில் இந்த திட்டத்தை புதுப்பிக்க முயன்றார், ஆனால் மீண்டும் வெற்றி பெறவில்லை. இதேபோல் மற்றொரு திட்டம், அமீர் மற்றும் ராஜ்கிரண் நடிப்பில் பாண்டிய வம்சம், தயாரிப்பு தொடங்கிய பின்னர் நின்றுபோனது.

விஷால் நடித்த இவரது இரண்டாவது படமான சிவப்பதிகாரம் நன்றாக ஓடியது. அவரது "பிரிவோம் சந்திப்போம்" குடும்ப பார்வையாளர்களின் முக்கிய கவனத்தைப் பெற்றது. அவரது அடுத்த படமான மந்திரப் புன்னகையில் கதாநாயகனாக அறிமுகமானார், ஸ்ரீகாந்த் கதாநாயகனாக நடித்த அவரது சதுரங்கம் திரைப்படம் 2006 ல் முடிவடைந்தாலும் நீண்ட காலமாக வெளியிடப்படாமலிருந்து கடைசியாக 2011 இல் வெளியிடப்பட்டது. மாதவன் மற்றும் ராஜ் கிரண் ஆகியோர் கரு பழனியப்பனுடன் ஒரு புதிய திட்டத்தில் கையெழுத்திட்டனர்.

திரைப்பட வரலாறு

இயக்குனராக

ஆண்டு	படம்	இயக்குநர்	நடிகர்	குறிப்பு
2003	பார்த்திபன் கனவு	ஆம்	இல்லை	சிறந்த இயக்குநருக்கான மாநில விருது
2006	ஆம்	ஆம்	இல்லை
2008	பிரிவோம் சந்திப்போம்	ஆம்	இல்லை
2010	மந்திரப் புன்னகை (2010)	ஆம்	ஆம்
2011	சதுரங்கம்	ஆம்	இல்லை	சிறந்த கதாசிரியருக்கான மாநில விருது
2013	ஜன்னல் ஓரம்	ஆம்	இல்லை
2016	கல்லன்	இல்லை	ஆம்
2019	நட்பே துணை	இல்லை	ஆம்

}

உதவி இயக்குநர்

• புள்ள குட்டிகாரன் (1995)
• துள்ளாத மனமும் துள்ளும் (1999)
• பெண்ணின் மனதை தொட்டு(2000)
• பூவெல்லாம் உன் வாசம் (2001)

விருதுகள்

• சிறந்த இயக்குநர் விருது, தமிழ்நாடு மாநில விருது ()பார்த்திபன் கனவு – 2003
• சிறந்த கதை ஆசிரியர் விருது, தமிழ்நாடு மாநில திரைப்பட விருது (சதுரங்கம் – 2011)

வெளி இணைப்புகள்

• ஐ.எம்.டி.பி இணையத்தளத்தில் கரு பழனியப்பன்