கரும்புச்சக்கைத் துகள் அழற்சி
| Bagassosis | |
|---|---|
| ஒத்தசொற்கள் | 29637 (DiseasesDB), MeshID D011009, வார்ப்புரு:CIE-10, வார்ப்புரு:CIE-9 |
| சிறப்பு | pulmonology |
| அறிகுறிகள் | குருதியுடனான கோழையுடன் இருமல் |
| சிக்கல்கள் | மூச்சுத்திணறல் |
| காரணங்கள் | துகள் அழற்சி |
| தடுப்பு | துகள்களிலிருந்து விலகல் |
| இறப்புகள் | இல்லை |
கரும்புச்சக்கைத் துகள் அழற்சி (Bagassosis) என்பது நுரையீரல் அழற்சி நோய்களில் ஒன்றாகும். இந்நோய் இந்தியாவில் முதன்முதலாக 1955 ஆம் ஆண்டு ஆவணப்படுத்தப் பட்டுள்ளது.[1] சாறு பிழிந்தெடுக்கப்பட்ட கரும்புச்சக்கை, பேகேஸ் (Bagasse) என்றழைக்கப் படுகிறது.[2] இந்தச் சக்கையானது, காகிதம், அட்டை போன்றவை செய்யப் பயன்படுகிறது. இச்சக்கையில் இருந்து வெளிவரும் நுண் துகள்கள். கொண்ட தூசுகளை, மூச்சின் வழியே உள்ளிழுப்பதாலும், தூய்மை செய்யா கரும்புப் பாகு கழிவாலும், 'பேகெசோசிஸ்' எனும் '’’கரும்புத்துகள் மூச்சு அழற்சி நோய்’’’ உண்டாகிறது.[3][4] இந்நோய் அதிதீவிரமாகவோ (Acute), நாள்பட்டதாவோ (Chronic) இருக்கலாம். கரும்பாலைகளும், அதன் சார்பு ஆலைகளும் அமைந்துள்ள தமிழ்நாட்டுத் தொழிலாளர்க்கும் இந்நோய் நேர்கிறது.
நோய் அறிகுறிகள்[தொகு]
அதிதீவிர நிலையில், இக்கரும்புச்சக்கையைக் கையாளப்படும் தொழிற்சாலையிலுள்ள தொழிலாளர்க்குத் திடீரென்று மூச்சு இடர், மற்றும் சளியுடன் இரத்தம் கலந்த இருமலும் தோன்றும்; காய்ச்சலும் காணப்படும்; நாடித்துடிப்பு, மூச்சு விகிதமும் அதிகரித்து நுரையீரல் அழற்சி போன்ற அறிகுறிகள் தோன்றும். மார்பு எக்ஸ்கதிர் படத்தில் இங்குமங்குமாக நுரையீரல் அழற்சி நிழல்கள் காணப்படும்.
மருத்துவம்[தொகு]
இந்தத் தொழிற்சாலைச் சுற்றுச் சூழலிலிருந்து நோயாளி அகற்றப்பட்டால், மருத்துவம் எதுவும் இல்லாமலேயே குணமடைவார். மீண்டும் அதே வேலைக்குச் சென்றால், மறுபடியும் மேற்கூறிய அறிகுறிகள் தோன்றும். சிலருக்கு இந்நோயின் அறிகுறிகள் படிப்படியாக உருவாகி, நோய் நாள்பட்ட நிலையை அடைகிறது.
நோய்த் தடுப்புமுறைகள்[தொகு]
இந்நோய் நீக்குதலில் தடுப்பு முறைகளே அடிப்படையானது. கரும்புச் சக்கையைத் தொழிலாளர்கள் கைகளைக் கொண்டு அகற்றுவதற்குப் பதிலாக இயந்திரங்களைக் கையாண்டால் நோய் பெருமளவு தடுக்கப்படும். மேற்கூறிய தொழில் வழி நோய்களுக்கெனச் சிறப்பு மருத்துவம் எதுவும் இல்லை; நோய்த் தடுப்பே சிறந்ததாகும்.
அஸ்பெஸ்டாஸ் மற்றும், பெரில்லியம் (Beryllium), சிலிக்கா , நிலக்கரி, பொதுப்படையான தூசுகள், பஞ்சு, சணல், ஐசோசையனேட்டுகள் (Isocya nates). மரத்தூள், மாவுகள், வைக்கோலில் உள்ள காளான், ரேடான் (Radon) மற்றும் கலப்பட நுகர்பொருள்கள் போன்ற பல பொருள்கள் தொழில்வழி நோய்களை உண்டாக்கி நுரையீரல்களைப் பாதிக்கின்றன.
சான்றுகள்[தொகு]
- ↑ https://www.epainassist.com/chest-pain/lungs/bagassosis
- ↑ Hur, T; Cheng KC; Yang GY (October 1994). "Hypersensitivity pneumonitis: bagassosis". Gaoxiong Yi Xue Ke Xue Za Zhi 10 (10): 558–564. பப்மெட்:7807612.
- ↑ "Recent trends in bagassosis in Japan". Br J Ind Med 49 (7): 499–506. July 1992. doi:10.1136/oem.49.7.499. பப்மெட்:1637710.
- ↑ "Hur"- Hur, T; Cheng KC; Yang GY (October 1994). "Hypersensitivity pneumonitis: bagassosis". Gaoxiong Yi Xue Ke Xue Za Zhi 10 (10): 558–564. பப்மெட்:7807612.