கரிஷ்மா மேத்தா
கரிஷ்மா மேத்தா | |
|---|---|
 2019 சனவரியில், ஹியூமன்ஸ் ஆப் பாம்பே:ஆர்டினரி பீப்பிள் எக்ஸ்ட்ராஆர்டினரி ஸ்டோரிஸ் புத்தக வெளியீட்டு விழாவில் கரிஷ்மா மேத்தா | |
| பிறப்பு | 5 மார்ச்சு 1992 மும்பை, இந்தியா |
| தேசியம் | இந்தியர் |
| பணி |
|
| செயற்பாட்டுக் காலம் | 2014–தற்போது வரை |
| அறியப்படுவது | ஹியூமன்ஸ் ஆஃப் பாம்பே |
கரிஷ்மா மேத்தா (Karishma Mehta) (பிறப்பு: மார்ச் 5,1992) 2014 சனவரியில் தொடங்கப்பட்ட ஹியூமன்ஸ் ஆஃப் பாம்பே என்ற புகைப்பட வலைப்பதிவு பக்கத்தின் நிறுவனர் மற்றும் ஹியூமன்ஸ் ஆப் பாம்பே என்ற தொடர்புடைய புத்தகத்தின் ஆசிரியர் ஆவார்.[1]
வாழ்க்கை வரலாறு
[தொகு]மேத்தா மும்பையில் பிறந்து வளர்ந்தார். மஹிமின் பம்பாய் ஸ்காட்டிஷ் பள்ளியில் பயின்றார்.[2] இவர் பெங்களூரில் உள்ள ஒரு உறைவிடப் பள்ளியிலும், பின்னர் இங்கிலாந்தில் மூன்று ஆண்டுகள் கல்லூரியிலும் பயின்றார். 2013 ஆம் ஆண்டில், மேத்தா இங்கிலாந்தின் நாட்டிங்ஹாமில் பொருளாதாரம், வணிகம் ஆகிய துறைகளில் மாணவராக இருந்தார். மேலும், நாட்டிங்ஹாம் பல்கலைக்கழகத்தில் வணிகம், பொருளாதாரத்தில் பட்டம் பெற்றார்.[3][4][5] நேஷனல் ஜியோகிராஃபிக் உட்பட பல்வேறு வெளியீடுகளுக்கு இவர் கட்டற்ற தளங்களில் எழுத்தாளர் ஆவார். இவர் ஒரு டெட் மாநாட்டின் பேச்சாளரும் ஆவார்.[6] மேத்தா இந்தி, ஆங்கிலம், மராத்தி மொழிகளில் சரளமாகப் பேசக்கூடியவர். இவர் ஜர்னா கார்க்கின் மருமகள் ஆவார்.
படைப்புகள்
[தொகு]2014ஆம் ஆண்டில் ஜனவரியில், மேத்தா ஹியூமன்ஸ் ஆஃப் பாம்பே முகநூல் பக்கத்தைத் தொடங்கினார், இது அமெரிக்க ஒளிப்படக் கலைஞர் பிராண்டன் ஸ்டாண்டனின்-தி ஹ்யூமன்ஸ் ஆப் நியூயார்க் (ஹோன் ஒய் முகநூல் பக்கம்) இதழிலிருந்து நகலெடுக்கப்பட்டது.[7] 2013 ஆம் ஆண்டில் ஹோனி (HoNY) பக்கத்தைக் கண்டுபிடித்த பிறகு, மும்பைக்கு இதேபோன்ற பக்கத்தைக் கண்டுபிடிக்க முயன்றார், இதைக் கண்டுபிடிக்க இயலாத நிலையில், இவர் ஒரு இலச்சினையை உருவாக்கி ஒரு முகநூல் பக்கத்தைத் தொடங்கினார். வலைத்தளத்திற்கான உள்ளடக்கங்களை உருவாக்க, மேத்தா தெருவில் உள்ளவர்களை அணுகி அவர்களிடம் பேட்டி கண்டார். 2018 வாக்கில், அவரது குழு மும்பையை தளமாகக் கொண்ட ஆறு உறுப்பினர்களுடனும் இந்தியாவின் பிற பகுதிகளில் உள்ள கட்டற்ற தளத்தில் எழுதும் உறுப்பினர்களுடனும் விரிவாக்கம் அடைந்தது.[6]
2016 ஆம் ஆண்டில், மேத்தா வலைத்தளத்திற்கு நிதியளிக்க நேரடியாகப் பணம் திரட்டும் முயற்சியில், ஹியூமன்ஸ் ஆஃப் பாம்பே என்ற சுய வெளியிடப்பட்ட புத்தகத்தில் இடுகைகளை தொகுத்தார்.[8]
2021 ஆம் ஆண்டு நிலவரப்படி, இந்தத் தளம் முகநூலில் ஒரு மில்லியனுக்கும் அதிகமான பின்தொடர்பவர்களையும் இன்ஸ்டாகிராமில் இரண்டு மில்லியனுக்கும் அதிகமான பின்தொடர்பவர்களையும் கொண்டுள்ளது.[9] 2022 ஆம் ஆண்டில், இவர் ஒரு நேர்காணல் அடிப்படையிலான யூடியூப் வலைத் தொடரை "ஹவ் தி ஹெல் டிட் ஐ டூ இட்?" என்ற பெயரில் தொடங்கினார், இதில் வணிகர்கள், பிரபலங்கள், பிற திறமையான நபர்கள் தங்கள் வாழ்க்கையில் சில விஷயங்களை எவ்வாறு சாதித்தனர் என்பது பற்றிய நுண்ணறிவை வழங்க நேர்காணலின் கேள்விகளுக்கு பதிலளிப்பதைக் கொண்டுள்ளது.[10]
கருத்துத் திருட்டும் சர்ச்சைகளும்
[தொகு]அக்டோபர் 2023 இல், பதிப்புரிமை மீறலுக்காக 'இந்திய மக்கள்' என்ற மற்றொரு பக்கத்தின் மீது வழக்குத் தொடர தோல்வியுற்ற முயற்சிக்குப் பிறகு மேத்தா பரவலான இணைய கிண்டல்களை எதிர்கொண்டார், மேலும் மேத்தாவின் படைப்புகள் கருத்துத் திருட்டுக்கு அழைப்பு விடுத்தன.[11] மேத்தாவும் ஹ்யூமன்ஸ் ஆஃப் பம்பாய் குழுவினரும் ஹ்யூமன்ஸ் ஆப் நியூயார்க்கின் நிறுவனர் பிராண்டன் ஸ்டாண்டனின் உத்வேகத்திலிருந்து விமர்சனங்களைப் பெற்றனர்.[12][13][14]
மேற்கோள்கள்
[தொகு]- ↑ "Meet The Founder: Karishma Mehta {Humans of Bombay}". The Post (in ஆங்கிலம்). 7 July 2020. Retrieved 2020-07-07.
- ↑ Singh, Tanaya (26 November 2015). "Meet the Human Behind the Popular 'Humans of Bombay' Page". The Better India. https://www.thebetterindia.com/39315/humans-of-bombay-facebook-karishma-mehta/.
- ↑ Shaikh, Sadaf (11 January 2018). "Karishma Mehta On How Humans Of Bombay Captures The Invincible Spirit Of The City". Verve. https://www.vervemagazine.in/people/karishma-mehta-on-how-humans-of-bombay-captures-the-invincible-spirit-of-the-city.
- ↑ Vaz, Wyanet (29 April 2016). "Karishma Mehta On The Power Of A Facebook Page". Verve. https://www.vervemagazine.in/people/karishma-mehta-humans-of-bombay.
- ↑ Lakhe, Amruta (22 April 2014). "Being the humans of Bombay". The Indian Express. https://indianexpress.com/article/cities/mumbai/being-the-humans-of-bombay/.
- 1 2 Rodrigues, Janice (3 August 2018). "Meet the Humans of Bombay founder". Khaleej Times. https://www.khaleejtimes.com/lifestyle/meet-the-humans-of-bombay-founder.
- ↑ Lakhe, Amruta (14 April 2016). "From the heart, through a lens". தி இந்து. https://www.thehindu.com/news/cities/mumbai/from-the-heart-through-a-lens/article8474697.ece.
- ↑ Joshi, Poorva (6 May 2016). "Meet Karishma Mehta, the woman behind Humans of Bombay". ஹிந்துஸ்தான் டைம்ஸ். https://www.hindustantimes.com/art-and-culture/meet-karishma-mehta-the-woman-behind-humans-of-bombay/story-Zwhwt3VJmysEGx62ZsuukJ.html.
- ↑ Jain, Sanya (25 November 2021). "She Was Just 21 When She Started 'Humans Of Bombay'. Here's Her Story". NDTV.com. https://www.ndtv.com/offbeat/karishma-mehta-the-woman-who-started-humans-of-bombay-heres-her-story-2623975.
- ↑ "How the hell did she do it?". Hindustan Times (in ஆங்கிலம்). 2022-09-10. Retrieved 2022-09-23.
- ↑ ""Received Death, Rape Threats": Humans Of Bombay CEO Amid Plagiarism Row". NDTV.com. Retrieved 2024-12-18.
- ↑ "'Haven't received a penny for a single story': Humans of New York founder hits back at Humans of Bombay for reducing art to a 'product'". https://economictimes.indiatimes.com/magazines/panache/havent-received-a-penny-for-a-single-story-humans-of-new-york-founder-hits-back-at-humans-of-bombay-for-reducing-art-to-a-product/articleshow/103962624.cms?from=mdr.
- ↑ "How Humans of Bombay Lost at Its Own Game". The Juggernaut (in ஆங்கிலம்). Retrieved 2024-12-18.
- ↑ "Humans of Bombay vs. Humans of New York: All you need to know about the controversy". https://timesofindia.indiatimes.com/etimes/trending/humans-of-bombay-vs-humans-of-new-york-all-you-need-to-know-about-the-controversy/articleshow/103928016.cms.
வெளி இணைப்புகள்
[தொகு]- Almost every photo has a common undertone of Mumbai: Karishma Mehta (Hindustan Times, 2016)