கம்பைநல்லூர் தேசிநாதீசுவரர் கோயில்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கம்பைநல்லூர் தேசிநாதீசுவரர் கோயில் என்பது தர்மபுரி மாவட்டம், கம்பைநல்லூர் என்ற ஊரில் உள்ள சிவன் கோயிலாகும்.

கோயிலின் வரலாறு[தொகு]

சோழர் ஆட்சிக்காலத்தில் அவர்களுக்கு கீழ்பட்ட அரசனாக 13 ஆம் நூற்றாண்டில் தகடூரை ஆட்சிபுரிந்தர் அதியமான் மரபைச் சேர்ந்த விடுகாதழகிய பெருமாள். அவர் கம்பைநல்லூரில் கோட்டை கட்டி ஆண்டுவந்தார். அவரால் அவரின் கோட்டையில் கட்டப்பட்டதே இக்கோயில்.

கோயிலமைப்பு[தொகு]

இக்கோயில் கம்பை நல்லூர் ஊரின் வடகிழக்கே உள்ளது. இக்கோயில் திருவுண்ணாழி, இடைநாழி, மகாமண்டபம், முன்மண்டபம் ஆகியவற்றைக் கொண்ட கற்றளி ஆகும். அம்மனுக்கு தனிக்கோயில் இல்லாமல் மகாமண்டபத்திலேயே சௌந்தராம்பாள் என்ற பெயரில் உள்ளார். இக்கோயில் விமானம் மூன்று நிலைகளுடன் உள்ளது. [1]

மேறகோள்கள்[தொகு]

  1. இரா. இராமகிருட்டிணன் (2016). தகடூர் நாட்டுத் திருக்கோயில்கள். சென்னை: நாம் தமிழர் பதிப்பகம். பக். 175.