கமலா தாஸ்

கமலா தாஸ்
கமலா தாஸ்s (சுமார் 1990)
பிறப்பு	கமலா (1934-03-31)31 மார்ச்சு 1934 புன்னையூர்குளம், திருச்சூர் மாவட்டம், கேரளம், இந்தியா
இறப்பு	31 மே 2009(2009-05-31) (அகவை 75) புனே, மகாராட்டிரம், இந்தியா
அடக்கத்தலம்	பாளையம் ஜும்மா மசூதி, திருவனந்தபுரம், இந்தியா
புனைபெயர்	மாதவிக்குட்டி
தொழில்	கவிஞர், புதின எழுத்தாளர், சிறுகதை எழுத்தாளர்
வகை	கவிதை, புதினம் , சிறுகதை, நினைவுக் குறிப்புகள்
குறிப்பிடத்தக்க படைப்புகள்	என்ட கதா பால்யகால ஸ்மரணகள் நீர்மாதளம் பூத்த களம் மை ஸ்டோரி சம்மர் இன் கல்கத்தா த டிசென்டன்ட்ஸ்
குறிப்பிடத்தக்க விருதுகள்	எழுத்தச்சன் விருது, வாளையார் விருது, சாகித்திய அகாதமி விருது, ஆசான் உலகப் பரிசு, ஆசியக் கவிதைப் பரிசு, கென்ட் விருது
துணைவர்	கே. மாதவ தாஸ்
பிள்ளைகள்	மாதவ தாஸ் நளப்பாடு சின்னென் தாஸ் ஜெயசூர்யாதாஸ்
பெற்றோர்	பாலாமணியம்மா (தாயார்) வி. எம். நாயர் (தந்தை)

கமலா தாஸ் (மலையாளம்: കമല ദാസ്) என்ற இயற்பெயரைக் கொண்ட கமலா சுராயா அல்லது மாதவிக்குட்டி, (மார்ச் 31, 1934 - மே 31, 2009) ஓர் இந்திய எழுத்தாளர். இவர் ஆங்கிலம், மற்றும் மலையாளத்திலும் ஏராளமான சிறுகதைகள் மற்றும் கவிதைகளை எழுதியவர். கேரளாவில் இவரது சிறுகதைகள் மற்றும் இவரது தன் வரலாறு (என் கதா) ஆகியவை புகழ் பெற்றவை.

வாழ்க்கைக் குறிப்பு

கமலா தாஸ் 1934 ஆம் ஆண்டு மார்ச்சு 31 அன்று கேரள மாநிலத்தில் மலபாரிலுள்ள 'புன்னயூர்க் குளம்' (தற்போது திருச்சூர் மாவட்டம்) என்ற ஊரில் பிறந்தார். இவரது தந்தை வி.எம்.நாயர், மாத்ருபூமி என்ற மலையாள தினசரி செய்திதாள் நிறுவனத்தின் நிர்வாக ஆசிரியராகப் பணியாற்றினார். தாயார் நலபாத் பாலாமணி அம்மா புகழ்பெற்ற மலையாள கவிஞர் ஆவார்.

திருமணம்

கமலா தாஸ் தனது 15வது வயதில் மாதவ் தாஸ் என்பவரை திருமணம் செய்துகொண்டார். இவர்களுக்கு எம். டி. நலபாடு, சினேன் தாஸ், ஜெயசூர்யா தாஸ் என்ற பிள்ளைகள் உண்டு. இவரது மூத்த மகன் எம். டி. நலபாடு ஓர் எழுத்தளாராகவும், பத்திரிகை ஆசிரியரும் ஆவார். இவர் கேரளாவின் திருவிதாங்கூர் அரசக் குடும்பத்தை சேர்ந்த இளவரசி திருவாதிரை திருநாள் லட்சுமி பாயி என்பவரை திருமணம் செய்துக் கொண்டார். கமலா தாஸின் கணவர் மாதவ் தாஸ் 1993 ஆம் ஆண்டு இறந்தார்.

இஸ்லாமை ஏற்றுக்கொள்வது

கமலா ஓர் பாரம்பரிய இந்து நாயர் குடும்பத்தில் பிறந்தவர். ஆனால் இவர் 1999 ஆம் ஆண்டு இஸ்லாம் மாதத்திற்கு மாறினார். தனது பெயரை கமலா சுரையா என்று மாற்றிக்கொண்டார்.

அரசியல் பார்வை

கமலா அரசியலில் தீவிரமாக செயல்படாதவர். இருந்தும் இவர் அனாதையாக்கப்பட்ட தாய்மார்களின் நலனுக்கும், நாட்டின் மதசார்பற்ற கொள்கையை நிலைத்திட செய்ய லோக் சேவா பார்டி என்ற கட்சியை தொடங்கினார். 1984 ஆம் ஆண்டு இந்திய நாடாளுமன்ற தேர்தலில் போட்டியிட்டு தோல்வியுற்றார்.

இலக்கிய பங்களிப்பு

கமலா பெரும்பாலும் ஆங்கிலத்தில் கவிதைகள் எழுதிவந்தார். இவரின் முதல் 'கல்கத்தாவில் கோடைகாலம்' 1965 ஆம் ஆண்டு வெளிவந்தது. இதை தொடர்ந்து 'வம்சத்தவர்' என்ற தொகுப்பு 1967 ஆம் ஆண்டு வெளிவந்தது இது பெண்கள் மத்தியில் பெரும் ஈர்ப்பை பெற்றது. மலையாளத்தில் `என் கதா' (My Story) என்ற புத்தகத்தை இவர் எழுதியுள்ளார். இந்த புத்தகம் சுயசரிதையாக கருதப்படுகிறது. இந்த புத்தகம் ஆங்கிலத்திலும் பெயர்க்கப்பட்டது. கமலா கேரள சாகித்ய அகடமியின் துணை தலைவர் பதவி வகித்தார்.

எழுதிய நூல்கள்

ஆங்கிலம்

நாவல்

• 1976: ஆல்பபெட் ஆஃப் லஸ்ட்

சிறு கதைகள்

• 1977:ஏ டால் ஃபார் தி சைல்ட் ப்ராஸ்டிடியுட்
• 1992: பதமாவதி தி ஹர்லோட் அண்ட் அதர்ஸ் ஸ்டோரி

கவிதை தொகுப்பு

• 1964: தி சைரேன்ஸ்
• 1965: சம்மர் இன் கல்கட்டா
• 1967: தி டிசண்டன்ஸ்
• 1973: தி ஓல்ட் ப்ளேஹவுஸ் அண்ட் அதர்ஸ் போயம்ஸ்
• 1977: தி ஸ்ட்ரேஞர் டைம்
• 1979: டுநைட், திஸ் சாவேஜ் ரைட்
• 1984: கலெக்டட் போயம்ஸ்
• 1985: தி அண்ணாமலை போயம்ஸ்
• 1997: ஒஒன்லி தி சோல் நௌஸ் ஹவ் டோ சிங்
• 1999: மை மதர் அட் சிக்ஸிடி சிக்ஸ்
• 2001: யா அல்லாஹ்

மலையாளம்

• 1964: பக்ஷியுடைய மனம் (சிறு கதைகள்)
• 1968: தனுப்பு (சிறு கதை)
• 1982: என் காத (சுய சரிதை)
• 1987: பால்யகால ஸ்மரணகள் (குழந்தைக் கால நினைவுகள்)
• 1989: வருசங்களுக்கு முன்பு (நாவல்)
• 1990: பலயன் (நாவல்)
• 1991: நெநெய் பாயசம் (சிறு கதை)
• 1994: நிர்மாதளம் பூத்தகாலம் (நாவல்)
• 1996: கடல் மயூரம் (சிறு நாவல்)
• 1996: ரோகினி (சிறு நாவல்)
• 1996: அட்டுகட்டில் (சிறு நாவல்)
• 1998: நஷ்டபட்ட நீலாம்பரி (சிறு நாவல்)
• 2005:சந்தன மரங்கள் (நாவல்)
• 2005: வண்டிகலக்கல் (நாவல்)

விருதுகள்

கமலா தனது இலக்கிய படைப்புகளுக்காக பல விருதுகளை பெற்றுள்ளார்.

• 1963: பென் ஏசியன் பொயட்ரி விருது
• 1968: கேரளா சாகித்ய அகடாமி விருது – தனுப்பு
• 1984: இலக்கியத்திற்கான நோபல் பரிசுக்கு தேர்வு செய்யபட்டது
• 1985: சாகித்ய அகாடமி விருது (ஆங்கிலம்)– கவிதை தொகுப்பு
• 1988: கேரள அரசின் சிறந்த கதைக்கான விருது
• 1997: வயலார் விருது – நீர்மதலாம் பூத களம்
• 2006: கவ்ரவ டாக்டர் பட்டம் (D.Litt by கோழிக்கோடு பல்கலைகழகம்
• 2006: முட்டதே வர்கே விருது
• 2009: எழுதச்சன் விருது

மரணம்

2003 ஆம் ஆண்டு மே மாதம் 31 அன்று கமலா புனே மருத்துவ மனையில் இறந்தார். அப்போது இவரு வயது 75 ஆகும். இவரது உடல் முழு அரசு மரியாதையோடு முஸ்லிம் வழக்கப்படி திருவனந்தபுரம் பாளையம் ஜும்ஆ பள்ளிவாசலில் அடக்கம் செய்யபட்டது. இவரை நினைவுக்கொள்ளும் வகையில் கூகுள் நிறுவனம் தனது முதல் பக்கத்தில் இவரது ஓவியத்தை 2018 ஆம் ஆண்டு பிப்ரவரி 1 அன்று வெளியிட்டது. இயக்குநர் கமல் இயக்கிய அம்மி என்ற திரைப்படம் 2018 ஆம் ஆண்டு பிப்ரவரி 9 அன்று வெளியானது. இந்த திரைப்படம் கமலா சுரையாவின் வாழ்க்கை வரலாற்றை தழுவியது.

மேற்கோள்கள்

விக்கிமீடியா பொதுவகத்தில்,
கமலா தாஸ்
என்பதில் ஊடகங்கள் உள்ளன.

• "Meet the Author: Kamala Das". சாகித்திய அகாதமி (Audio).
• "From Kamala Das to Dashi: Doing the right thing for wrong reasons?" by Dr Mohammad Omar Farooq
• Translation of Neypayasam
• Eroticism and feminism in Das' writings
• The histrionics of Kamala Das^[usurped!]
• Varsha Bhosle on Kamala Das' conversion to Islam
• Funeral
• Kamala Suraiyya – Daily Telegraph obituary
• Kamla Das