கபில்தேவ்

கட்டற்ற கலைக்களஞ்சியமான விக்கிப்பீடியாவில் இருந்து.
(கபில் தேவ் இலிருந்து வழிமாற்றப்பட்டது)
Jump to navigation Jump to search
கபில்தேவ்
Kapil Dev at Equation sports auction.jpg
இந்தியாவின் கொடி இந்தியா
இவரைப் பற்றி
முழுப்பெயர் கபில்தேவ் ராம்லால் நிக்கஞ்
வகை அனைத்தும்
துடுப்பாட்ட நடை வலதுகை
பந்துவீச்சு நடை வலதுகை விரைவு வீச்சு
அனைத்துலகத் தரவுகள்
முதற்தேர்வு (cap 141) 16 அக்டோபர், 1978: எ பாக்கித்தான்
கடைசித் தேர்வு 19 மார்ச், 1994: எ நியூசிலாந்து
முதல் ஒருநாள் போட்டி (cap 25) 1 அக்டோபர், 1978: எ பாக்கித்தான்
கடைசி ஒருநாள் போட்டி 17 அக்டோபர், 1994:  எ மேற்கிந்தியத் தீவுகள்
உள்ளூர் அணித் தரவுகள்
ஆண்டுகள் அணி
1975–1992 அரியானா
1984–1985 வோர்செஸ்டயர் மாகாண அணி
வாழ்நாள் புள்ளிவிவரங்கள்
தேஒ.ப.துமு.துப.அ
ஆட்டங்கள் 131 225 275 309
ஓட்டங்கள் 5248 3783 11356 5461
துடுப்பாட்ட சராசரி 31.05 23.79 32.91 24.59
100கள்/50கள் 8/27 1/14 18/56 2/23
அதிக ஓட்டங்கள் 163 175* 193 175*
பந்து வீச்சுகள் 27740 11202 48853 14947
இலக்குகள் 434 253 835 335
பந்துவீச்சு சராசரி 29.64 27.45 27.09 27.34
சுற்றில் 5 இலக்குகள் 23 1 39 2
ஆட்டத்தில் 10 இலக்குகள் 2 n/a 3 n/a
சிறந்த பந்துவீச்சு 9/83 5/43 9/83 5/43
பிடிகள்/ஸ்டம்புகள் 64/– 71/– 192/– 99/–

24 ஜனவரி, 2008 தரவுப்படி மூலம்: கிரிக்இன்ஃபோ

கபில்தேவ் நிகாஞ்ச் (Kapil Dev Nikhanj[1] பிறப்பு: ஜனவரி 6, 1959) என்பவர் முன்னாள் இந்தியத் துடுப்பாட்ட அணி வீரர் மற்றும் அணித் தலைவர் ஆவார். நூற்றாண்டின் சிறந்த துடுப்பாட்ட வீரர் என விஸ்டன் துடுப்பாட்டாளர்களின் நாட்குறிப்பு 2002 ஆம் ஆண்டில் அறிவித்தது.[2]

இவர் புகழ்பெற்ற இந்திய கிரிக்கெட் வீரர் ஆவார். 1983-ல் இந்தியா உலகக்கோப்பையை வென்ற போது அணியின் தலைவராக இருந்தார். அக்டோபர், 1999 முதல் ஆகஸ்டு 2000 வரை இந்தியத் தேசிய அணியின் தலைமைப் பயிற்சியாளராக இருந்தார். 1994 ஆம் ஆண்டில் ஓய்வு பெற்றார். அப்போது தேர்வுத் துடுப்பாட்டப் போட்டிகளில் அதிக இலக்குகள் பெற்றவர் எனும் சாதனையைப் படைத்திருந்தார். அந்தச் சாதனையானது 2000 ஆம் ஆண்டில் வால்ஸ் என்பவரால் தகர்க்கப்பட்டது. ஓய்வு பெறும் போது ஒருநாள் பன்னாட்டுத் துடுப்பாட்டம் மற்றும் தேர்வுத் துடுப்பாட்டம் ஆகிய இருவடிவங்களிலும் அதிக இலக்குகள் எடுத்த இந்தியர் எனும் சாதனையைப் படைத்திருந்தார். மேலும் ஒருநாள் பன்னாட்டுத் துடுப்பாட்டப் போட்டிகளில் 200 இலக்குகளை முதலில் வீழ்த்தியவர் எனும் சாதனையைப் படைத்தார். தேர்வுத் துடுப்பாட்டப் போட்டிகளில் 434 இலக்குகளையும் 5000 ஓட்டங்களுக்கும் அதிகமாக எடுத்த ஒரே வீரர் இவர் ஆவார்.[3] இதன் மூலம் அனைத்துக் காலத்திற்குமான சிறந்த தேர்வுத் துடுப்பாட்ட வீரர்களில் ஒருவராகக் கருதப்படுகிறார். மார்ச் 11, 2010 ஆம் ஆண்டில் பன்னாட்டுத் துடுப்பாட்ட அவை இவரை ஹால் ஆஃப் ஃபேமாக அறிவித்தது.[4]

ஒருநாள் போட்டிகளில் 253 இலக்குகளும் 3,783 ஓட்டங்களும் பெற்றுள்ளார். கபில் தேவ் எழிற்கையான வீசுநடையும் வலிவுமிக்க வெளித்துயல் பந்துவீச்சும் கொண்டிருந்தார். ஹரியானா புயல் என்ற பட்டப்பெயரை அவர் பெற்றிருந்தார்.

ஆரம்பகால வாழ்க்கை[தொகு]

கபில்தேவ் ஜனவரி 6, 1959 இல் சண்டிகர், பஞ்சாபில் பிறந்தார். இவரின் இயற்பெயர் கபில்தேவ் நிகாஞ்ச் ஆகும். இவரின் தந்தை லால் நிகாஞ்ச் , ஒரு மர வியாபரி ஆவார். தாய் ராஜ்குமாரி. இவர் பஞ்சாபி காத்ரி சமூகத்தைச் சார்ந்தவர் ஆவார். இவரின் தாயார் பரித்துதின் கஞ்ச்சகர் பிறந்த ஊரான பாக்பத்தானில் பிறந்தார். இவரின் தந்தை பிபல்பூரைச் சேர்ந்தவர். இவர்கள் ஷா யக்கா எனும் இடத்தில் வசித்து வந்தனர். தற்போது இந்த இடம் பாக்கித்தானிலுள்ள ஒகாரா மாவட்டத்தில் உள்ளது. இவருடைய நான்கு சகோதரிகளும் இந்தியப் பிரிப்புக்கு முன்னர் பிறந்தவர்கள். இவருடைய இரு சகோதரர்களும் ஃபாசில்கா மாவட்டத்தில் உள்ளனர். இந்தியப் பிரிப்பிற்கு பின்னர் குடும்பத்துடன் அனைவரும் ஃபசில்கா சென்றனர். பின் சண்டிகர் சென்றனர். டி. ஏ. வி பள்ளியில் பயின்றார். பின் தேஷ் பிரேம் ஆசாத் நிறுவனத்தில் 1971 ஆம் ஆண்டில் சேர்ந்தார்.

1983 துடுப்பாட்ட உலகக்கிண்ணம்[தொகு]

கபில்தேவ் இலங்கைத் துடுப்பாட்ட அணிக்கு எதிரான தொடரில் அணித் தலைவர் பொறுப்பு ஏற்றார். இந்தத் தொடரில் சுனில் காவஸ்கர் ஓய்வு பெற்றதைத் தொடர்ந்து இவருக்குத் தலைவர் பொறுப்பு வழங்கப்பட்டது. பின் மேற்கிந்தியத்தீவுகள் துடுப்பாட்ட அணிக்கு எதிரான தொடரின் முழுமைக்கும் தலைவர் பொறுப்பு வழங்கப்பட்டது. அந்தத் தொடரில் 47 ஓவர்களில் கபில் தேவ் 72 ஓட்டங்களும், சுனில் கவாஸ்கர் 90 ஓட்டங்களும் எடுத்து அணியை மொத்த ஓட்டங்கள் 282/5 பெறச் செய்தனர். பின் கபில்தேவ் 2 இலக்குகள் எடுக்க எதிரணியை 255 ஓட்டங்கள் மட்டுமே பெறச் செய்து வெற்றி பெற்றனர்.[5] இதே உத்வேகத்துடன் மேற்கிந்தியத் தீவுகள் அணியினை 1983 துடுப்பாட்ட உலகக்கிண்ணப் போட்டியில் எதிர்த்து விளையாடினர்[6]. பின் இரண்டாவது துடுப்பாட்டப் போட்டியில் நூறு ஓட்டங்களும் 17 இலக்குகளையும் 29.24 எனும் சராசரியோடு பெற்றார்.[7]

நூறு (துடுப்பாட்டம்)[தொகு]

அணி வாரியாக[தொகு]

எதிரணி தேர்வுத் துடுப்பாட்டம் ஒருநாள் பன்னாட்டுத் துடுப்பாட்டம் மொத்தம்
1  மேற்கிந்தியத் தீவுகள் 3 0 3
2  இங்கிலாந்து 2 0 2
3  ஆத்திரேலியா 1 0 1
4  இலங்கை 1 0 1
5  தென்னாப்பிரிக்கா 1 0 1
6  சிம்பாப்வே 0 1 1
மொத்தம் 8 1 9

அணித் தலைவராக[தொகு]

தேர்வுத் துடுப்பாட்டம்[8][தொகு]

எதிரணி போட்டிகள் வெற்றி தோல்வி முடிவில்லை சமன்
 ஆத்திரேலியா 6 0 0 1 5
 இங்கிலாந்து 3 2 0 0 1
 பாக்கித்தான் 8 0 1 0 7
 இலங்கை 6 2 1 0 3
 மேற்கிந்தியத் தீவுகள் 11 0 5 0 6
மொத்தம் 34 4 7 1 22[9]

சான்றுகள்[தொகு]

  1. ↑ "Kapil Dev – Player Webpage". இஎஸ்பிஎன் கிரிக்இன்ஃபோ. http://content-usa.cricinfo.com/india/content/player/30028.html. பார்த்த நாள்: 17 March 2007. 
  2. ↑ "This is my finest hour: Kapil Dev". The Sportstar Vol. 25 No. 31. 8 March 2002. http://www.tssonnet.com/tss2531/25310120.htm. பார்த்த நாள்: 8 February 2014. 
  3. ↑ "Wisden Cricketer of the Century – Kapil Dev: The Master of All Crafts – Yahoo Cricket India". Yahoo Cricket India. பார்த்த நாள் 24 October 2015.
  4. ↑ "Kapil Dev inducted into Hall of Fame". இஎஸ்பிஎன் கிரிக்இன்ஃபோ. பார்த்த நாள் 11 March 2010.
  5. ↑ "Scorecard – India in West Indies 2nd ODI 1982/83 Season". இஎஸ்பிஎன் கிரிக்இன்ஃபோ. பார்த்த நாள் 17 March 2007.
  6. ↑ கிருஷ்ணமாச்சாரி ஸ்ரீகாந்த் (May 2002). "Captaincy is about motivating the players". Sportstar. மூல முகவரியிலிருந்து 26 September 2007 அன்று பரணிடப்பட்டது. பார்த்த நாள் 17 March 2007.
  7. ↑ "Scorecard – Kapil Dev Saves a Test Match". இஎஸ்பிஎன் கிரிக்இன்ஃபோ. பார்த்த நாள் 17 March 2007.
  8. ↑ "Team records – Test matches – Cricinfo Statsguru – ESPN Cricinfo". Cricinfo. பார்த்த நாள் 24 October 2015.
  9. ↑ "Team records – Test matches – Cricinfo Statsguru – ESPN Cricinfo". Cricinfo. பார்த்த நாள் 24 October 2015.
"https://ta.wikipedia.org/w/index.php?title=கபில்தேவ்&oldid=2766000" இருந்து மீள்விக்கப்பட்டது