கனங் சாரி

குடா கடற்கரை மணலில் கனங் சாரி

கானாங் சாரி (Canang sari, பாலி மொழி: ᬘᬦᬂᬲᬭᬶ ) என்பது பாலி இந்துக்கள் தங்கள் கடவுளான அசிந்தியனுக்கு நன்றி தெரிவிப்பதற்கும் பிரார்த்தனை செய்வதற்கும் நாள்தோறும் வைக்கும் படையல்களில் ஒன்றாகும். பாலி கோயில்களிலும் (புரா), வீடுகளில் உள்ள சிற்றாலயங்களிலும், தரையில் படையலாக கனங் சாரிகள் வைக்கப்படுகின்றன.

சொற்பிறப்பியல்

கனங் சாரி என்ற சொற்றொடரானது பாலி மொழிச் சொற்களான சாரி (சாரம்), கனங் (தென்னை ஓலையால் செய்யப்பட்ட தட்டு போன்ற ஒரு தொன்னை) ஆகியவற்றிலிருந்து வந்ததாகும். கனங் என்பது பழைய சாவக மொழியின் இரண்டு எழுத்துக்களைக் கொண்டுள்ளது: க (அழகான), நாங் (நோக்கம்) ஆகியவை ஆகும்.

பாகங்கள்

கனங் சாரியில் பெபோரோசன், செப்பர், ரக-ரக, சாம்பியன் உரசரி ஆகிய பொருட்கள் உள்ளன. பெப்போரோசன் என்பது முதன்மையாக வெற்றிலை, வாழை இலை, சுண்ணாம்பு, கேம்பியர், பிரெஸ்டிஜியம், புகையிலை, பாக்கு ஆகியவற்றைக் கொண்டு தயாரிக்கப்படுவதாகும். பெப்போரோசன் என்பதானது இந்து கடவுள்களான மும்மூர்த்திகளைக் குறிக்கிறது. சிவனை சுண்ணாம்பாலும், விஷ்ணுவை வெற்றிலை பாக்காலும், பிரம்மனை கேம்பீயராலும் குறிக்கின்றனர். அர்த்த சந்திரனின் அடையாளமாக கனங் சாரியில் உள்ள தென்னை ஓலையால் செய்யப்பட்ட ஒரு தொன்னை ( செப்பர் ) இருக்கிறது. ரகா-ரகாவின் மேல் சாம்பியன் உரசாரி உள்ளது. அதன் மேல் ஒரு குறிப்பிட்ட திசையில் பூக்கள் வைக்கப்படுகின்றன. ஒவ்வொரு திசையும் ஒரு இந்துக் கடவுளை ( தேவர் ) குறிக்கின்றது:

• ஈஸ்வரனின் அடையாளமாக கிழக்கு நோக்கி உள்ள வெள்ளை நிறப் பூக்கள்
• பிரம்மனின் அடையாளமாக தெற்கு நோக்கி உள்ள சிவப்பு நிறப் பூக்கள்
• மகாதேவனின் அடையாளமாக மேற்கு நோக்கி உள்ள மஞ்சள் நிற பூக்கள்
• விஷ்ணுவின் அடையாளமாக வடக்கு நோக்கிச் உள்ள நீலம் அல்லது பச்சை நிற மலர்கள்.

ஒரு கனங் சாரியில் உள்ள கனாங்கின் மேல் ஒரு அளவு கெபெங் ( நாணயம் ) அல்லது காகிதப் பணத்தை வைப்பதன் மூலம் அது நிறைவுறுறது. இது காணிக்கையின் சாராம்சத்தை ("சாரி") உருவாக்குவதாகக் கூறப்படுகிறது.

பயன்பாடு

உலகிற்கு அமைதியை அளித்ததற்கு நன்றி தெரிவிக்கும் ஒரு வடிவமாக , அசிந்தியனுக்கு ஒவ்வொரு நாளும் கனங் சாரி படைக்கப்படுகிறது; இது மிகவும் எளிமையான தினசரி வீட்டுப் படையலாகும். இந்தப் படையலுக்குப் பின்னால் உள்ள தத்துவம் சுய தியாகம் ஆகும், ஏனெனில் இவற்றைத் தயாரிக்க நேரமும் முயற்சியும் தேவை. சமூகத்திலோ அல்லது குடும்பத்திலோ மரணம் ஏற்பட்டால் கனங் சாரி படைக்கப்படுவதில்லை. கிளிவோன், பூர்ணமா, திலேம் போன்ற குறிப்பிட்ட நாட்களில் கானாங் சாரி பயன்படுத்தப்படுகிறது.

காட்சியகம்

• 
  ஆனைக் குகைக்கு முன் வைக்கபட்டுள்ள தட்டு
• 
  உள்ளூர் கடைவீதியில் விற்பனைக்காக கனாங் தயாரிக்கும் இளம் பாலி பெண்.
• 
  காருக்குள் கனாங்
• 
  சாலையில் கனாங்
• 
  குட்டா கடற்கரையில் கனங் சாரி
• 
  குட்டா கடற்கரையில் கனங் சாரி
• 
  காங்குவில் உள்ள ஒரு கடற்கரையில் ஊதுவத்தியுடன்
• 
  காங்குவில்
• 
  புரா பெஜி ஆனந்தபோகா, பன்யுவாங்கி ரீஜென்சி, கிழக்கு ஜாவாவில் கிழக்கு சாவகத்தில் கனங் சாரி
• 
  பாலி பெண்கள் காலையில் மலர் படையல் சடங்கை செய்கின்றனர்.
• 
  குடா, பாலியில் கானாங் படையல் இடுவதற்கான இடம்
• 
  கனங் சாரி படையல் செய்வது எப்படி என்பது குறித்து வகுப்பு எடுக்கும் ஒரு பாலி பெண்.