கடிகை

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கடிகை About this soundஒலிப்பு ) என்னும் சொல் ‘கடி’ என்னும் உரிச்சொல் அடியிலிருந்து தோன்றியது. அது சங்ககாலத்தில் காப்புமாலையையும், இனிப்புச்சுவை உணவையும் உணர்த்தப் பயன்படுத்தப்பட்டது. பொதுவாக, கடிகைமாலை என்பது உருத்திராச்சக் கொட்டை கோத்த மாலை. சைவத் துறவிகளின் அணிகலன்களில் ஒன்று. (கடுக்காய் எனல் சாலாது)

காப்புமாலை

  • நான்மணிக்கடிகை என்பது நான்கு வகை பணிகள் கோக்கப்பட்ட மாலை. இந்த மாலை போல் நான்கு நான்கு கருத்துகள் கோக்கப்பட்ட மாலைகளைக் கொண்ட நூல் நான்மணிக்கடிகை.
  • மழையில் விழும் பனிக்கட்டிக் கடுக்கைகளை ஒருத்தி கழங்கு விளையாட உதவும் மாக் கடுக்கை எனக் குறிப்பிடுகிறாள்.[1]
  • ஆடவர் அணியிம் மயில்தோகை மாலை [2]
  • பசுக்களின் கழுத்தில் கட்டப்படும் மணிமாலை. [3]
  • ஒருத்தி நீல மணிமாலை வல்லிகை அணிந்திருந்தாள். [4]
  • பிற்காலத்தில் காப்பு தரும் எழுத்துக்கள் என வைத்துக்கொண்டு எழுதப்பட்ட பாட்டியல் வகை நூல் கடிகை வெண்பா

இன்சுவைக் குழம்புணவு

  • பாயச உணவு [5]
  • கடிகை என்பது வெல்லக்கட்டி, கரும்புச் சாற்றுக் கட்டி. [6]

அடிக்குறிப்பு[தொகு]

  1. வீயும் வியப்புறவின் வீழ்துளியால் மாக்கடுக்கை
    நீயும் பிறரொடும்காண் நீடாதே - ஆயும்
    கழலாகிப் பொன்வட்டாய்த் தாராய் மடலாய்க்
    குழலாகிக் கோல்சுரியாய்க் கூர்ந்து. (திணைமாலை நூற்றைம்பது - 98)
  2. நெய்தல் உருவின் ஐது இலங்கு அகல் இலை தொடையமைப் பீலி பொலிந்த கடிகை - அகம் 119-12
  3. தனிமணி இரட்டும் தாளுடைக் கடிகை … முனை ஆ - அகம் 35-3
  4. நீல மணிக்கடிகை வல்லிகை – கலித்தொகை 96-10
  5. மதுரை அந்தியங்காடியில் விற்கப்பட்ட உணவுவகைகளில் ஒன்று அமிழ்தம் போன்று இனிக்கும் சேறு. அமிழ்து இயன்றன்ன தீஞ்சேற்றுக் கடிகை - மதுரைக்காஞ்சி 532
  6. அவள் பல்லில் ஊறும் சுவைநீர் 'கரும்பின் காலெறி கடிகைக் கண் அயின்று அன்ன வால் எயிறு ஊறிய வசையில் தீநீர்க் … குறுமகள்' - குறுந்தொகை 267
"https://ta.wikipedia.org/w/index.php?title=கடிகை&oldid=3023260" இருந்து மீள்விக்கப்பட்டது